CONSEILS DE LA RECLUSE

estes ses frères par la compaignie de la Table Reonde, et por ce que vos n'avriez ja durée encontre lui, car trop est mieldres chevaliers de vos. »

— « Dame, fet il, tant m'avez dit que ja mes n'avrai talent de combatre moi a lui. Mes por Dieu enseigniez moi que je 5 porrai fere et cornent je le porrai trover. Car, se je a compaignon l'avoie, je ne me partiroie ja mes de lui tant come je le poisse sivre. » — « De ce, fet ele, vos conseillerai je au mielz que je porrai. Car orendroit ne vos porroie je mie dire ou il est ; mes les enseignes par quoi vos le porroiz plus lo tost trover vos dirai je bien; et lors, quant vos lavroiz trové, si tenez sa compaignie au plus que vos po^rez. Vos vos en iroiz de ci a un chastel que len apele Got, ou il a une soe cousine germaine por qui amor je cuit bien qu'il s'i herberja ier soir. Et se ele vos set enseignier quel part il vet, si le 15 sivez au plus tost que vos porroiz. Et se ele ne vos en dit rien, si vos en alez droit au chastel de Corbenyc, ou li Rois Mehaigniez maint. Et ilec sai je bien que vos en orroiz veraies noveles, s'il avient que vos la nel truissiez. »

Einsi parlèrent dou Chevalier entre Perceval et la recluse, 20 tant qu'il fu hore de midi. Etlorsdist ele a Perceval : «Biaux niez, vos remaindroiz anuit mes o moi, si en serai plus aeise. Car il a si lonc tens que je ne vos vi mes que moût me sera grief la vostre départie. » — « Dame, fet il, je ai tant a fere que a peines porroie je hui mes remanoir : si vos pri por 25 Dieu que vos m'en lessiez aler. » — « Certes, fait ele, par mon congié ne vos en iroiz hui mes. Mes demain, si tost come vos avroiz oïe messe, vos donrai je volentiers congié. » Et il distque donques remaindra il. Si se fist tantost desarmer ; et cil de laienz mistrent la table, si mengierent de ce 30 que la dame avoit fet apareillier.

Celé nuit demora laienz Perceval avec s'antain. Si parlèrent entr'ax deus dou Chevalier et de maintes choses, tant

que ele li dist : « Biax niés, il est einsi que vos vos estes gardez jusque a cest terme en tel manière que vostre virginitez ne fu maumise ne empoiriee, ne onques ne seustes de voir quex chose est chars ne assemblemenz. Et il vos en est bien mestiers ; car se tant vos fust avenu que vostre chars fust violée par corruption de pechié, a estre j^rincipaus compains des compaignons de la Queste eussiez vos failli, ausi corne a fet Lancelot del Lac qui, par eschaufement de char et par sa mauvese luxure, a perdu a mener a fin, grant tens a, ce dont tuit li autre sont ores en peine. Et por ce vos pri je que vos gardez vostre cors si net corne Nostre Sires vos mist en chevalerie, si que, vos puissiez venir virges et nez devant le Saint Graal et sans tache de luxure. Et certes ce sera une des plus bêles proeces que onques chevaliers feist : car de toz çax de la Table Reonde n'i a il un sol qui ne se soit meffez en virginité, fors vos et Galaad, le Bon Chevalier de qui je vos paroil. » Et il dist que, se Diex plest, il se gardera si bien come a fere li covient.

Tout le jor demora laienz Perceval et moût le chastia sa tante et amonesta de bien fere. Mes sor toutes choses li pria ele que il gardast sa char si netement come il le devoit fere, et il li creanta que si feroit il. Et quant il orent grant pièce parlé dou Chevalier et de la cort le roi Artus, si li demanda Perceval par quele achaison ele s'ert mise en si sauvage leu et avoit lessiee sa terre. « Par Dieu, fait ele, ce fu par poor de mort que je m'en afoï ça. Car vos savez bien que, quant vos alastes a cort, que mes sires li rois avoit guerre contre le roi Libran ; dont il avint, si tost come mes sires fu morz, que je, qui ère famé et poorose, oi poor qu'il ne m'oceist s'il mepoïstprendre. Si pris maintenant grant partie de mon avoir et m'en afoï en si sauvage leu, por ce que je ne fusse trovee maintenant ; et fis fere cest reclus et ceste meson tele come vos la veez, et i mis o moi mon chapelain

PERCEVAL CHEZ LE ROI MORDRAIN Ol

et ma mesniee, et entrai en cest reclus en tel manière que ja mes, se Dieu plest, n'en istrai tant com je vive, ainz morrai ou servise Nostre Seignor et userai le remanant de ma vie. » — « Par foi, fet Perceval, ci a merveilleuse aventure. Mes or me dites que vostre filz Dyabiaus devint : car je désir moût a 5 savoir coment il le fet. » — « Certes, fet ele, il ala servir le roi Pelles vostre parent por avoir armes ; et puis ai je oï dire qu'il l'a fet chevalier. Mes il a ja passé deus anz que je nel vi ; ainz \ et sivant les tornoiemenz parmi la Grant Bretaigne. Si quit que vos le troveroiz a Corbenyc, se vos i 10 alez. » — « Certes, fet il, se je n'i aloie fors por lui veoir, si iré ge, car molt désir a fere li compaignie. » — « Par Dieu, fet ele, je voldroie molt qu'il vos eust trové, car lors seroie je aeise se vos estiez ensemble. »

<".. Einsi demora Perceval avec s'antain celui jor ; et Tende- 15 main, si tost com il ot messe oïe et il fu armez, s'en parti de laienz et chevaucha tout le jor parmi la forest, qui ert grant a merveille, en tel manière qu'il n'i encontra home ne famé. Et après vespres li avint que il oï une cloche sonner sor destre. Et il torne celé part, car bien set que ce est 20 mesons de religion ou hermitages. Et quant il a un poi aie, si voit que ce est une meson de religion, qui ert close de murs et de fossez parfonz. Et il vet celé part et apele a la porte tant que len li oevre. Et quant cil de laienz le voient armé, si pensent lues qu'il est chevaliers erranz : si le font desarmer et 25 le reçoivent a moût bêle chiere. Si prennent son cheval et l'en meinent en l'estable et li douent fein et aveine a grant plenté. Et uns des frères l'en meine en une chambre por reposer. Si fu celé nuit herbergiez au mielz que li frère porent. Et au matin li avint qu'il ne s'esveilla devant hore de prime ; et 30 lors ala oïr messe en Tabeie meismes.

Et quant il fu entrez ou mostier, si vit a destre partie unes prônes de fer ou il avoit un frère revestu des armes Nostre

s. GRAAL. 6

Seignor et vouloit comencier la messe. Il torne celé part, corne cil qui talent avoit d'oïr le servise, et vient as prônes, et cuide dedenz entrer ; mes non fera, ce li est avis, car il ne puet point trover d'entrée. Et quant il voit ce, si s'en suefFre atant et s'agenoille par defors ; et resgarde derrière le prestre et voit un lit molt richement atorné si come de dras de soie et d'autres choses : car il n'i avoit riens se blanc non. Perceval resgarde le lit et avise tant qu'il conoist que dedenz gist uns hons ou famé, mes il ne set lequel, car il a son vis covert d'une toaille blanche et déliée, si que len nel pooit mie veoir apertement. Et quant il voit qu'il i museroit por noient, si i let a resgarder et entent au servise que li preudons ot comencié. Et quant vint a cel point que li prestres volt lever le cors Nostre Seignor, si se dreça en son lit en séant cil qui se gisoit et descovri son vis. Et ce ert uns hons molt anciens et vielz et chanuz, et ot une corone d'or en sa teste et ot les espaules nues et descovertes et tout ce devant jusqu'au nombril. Et quant Perceval le resgarde, si voit qu'il a le cors plaie et navré et les paumes et les braz et le vis. Et quant ce avint que li prestres mostra apertement le cors Jhesucrist, il ac tendi les mains encontre et comença a crier : « Biaus douz pères, ne m'oubliez mie de ma rente ! ».ne puis ne se volt recouchier, ainz fu adés en proieres et en oroisons, et ot ses mains dreciees vers son creator et ot toutevoies la coronne d'or en son chief. Longuement resgarda Perceval l'ome qui ou lit seoit ; car trop li semble mesaiesiez por les plaies que il a ; si le voit siviel par semblant qu'il cuide bien qu'il ait trois cenz anz ou plus d'aage. Et il le resgarde toz dis, car il tient ceste chose a trop grant merveille. Si voit, quant la messe fu chantée, que li prestres prist entre ses mains Corpus Dotnini t\. le porta a celui qui gisoit ou lit et li dona a user. Et maintenant qu'il l'ot receu, il osta sa corone de sa teste et la fist mètre desus l'autel ; et il se recoucha en son lit ausi come il