HUMILIATION DE LANCELOT II

créance et de si povre que il cuide plus fere par sa chevalerie que par la grâce de Nostre Seignor, sachiez qu'il ne s'en partira ja sanz honte, et au darain n'i fera il rien de chose qu'il quiere. »

Ensi parloit li preudons a Lancelot ; et le tint en tel manière 5 trois jorz avec lui. Et Lancelot se tint molt a beneuré de ce que Diex l'avoit amené celé part a cel preudome qui si bien l'avoit enseignié qu'il en cuidoit mielz valoir toz les jorz de sa vie.

Quant li quarz jorz fu venuz, si manda li preudons a son frère qu'il li envoiast armes et cheval a un chevalier qui o lui 1° avoit demoré. Et il en fist sa requeste moût debonairement. Au quint jor, quant Lancelot ot oie messe et il fu armez et montez ou cheval, il se parti dou preudome plorant, et moût li requist por Dieu qu'il priast por lui que Nostre Sires ne l'oubliast tant qu'il revenist a sa première maleurté. Et il li ^s promet que si fera il ; si se part a tant delaienz.

Quant il se fu partis dou preudome, si chevaucha jusqu'à hore de prime par mi la forest. Et lors encontraun vaslet qui li demanda : « Sire chevaliers, dont estes vos ?» — « Je sui, fait il, de la meson le roi Artus. » — « Et coment avez vos 20 non ? Dites le moi. » Et il dist qu'il a non Lancelot del Lac. « Lancelot, fetcil, en non Dieu vos n'aloie je mie querant : car vos estes uns des plus maleureus chevaliers del monde. »

— « Biax amis, fet Lancelot, coment le savez vos ?» — « Je

le sai bien, fait li vaslez. N'estes vos celui qui le Saint Graal 25 vit venir devant lui et fere apert miracle, ne onques por sa venue ne se remua ne plus que se ce fust uns mescreanz ? » !

— « Certes, fet Lancelot, jel vi, si ne me remuai ; si m'en poise plus que bel ne m'en est. » — « Ce n'est pas merveille, fet li vaslez, s'il vos em poise. Car certes vos mostrastes bien 3o que vos n'estiez pas preudons ne verais chevaliers, mes desloiaux et mescreanz. Et puis que vos honor ne li vousistes fere de vos meismes, ne vq? merveilliez pas se honte vos en

avient en ceste Queste ou vos estes entrez avec les autres preudomes. Certes, mauves failliz, moût poez avoir grant duel, qui soliez estre tenuz au meillor chevalier dou monde, or estes tenuz au plus mauves et au plus desloial ! »

Quant il ot ceste parole, si ne set que dire, car il se sent a 5 forfetde ce dont livaslez l'acuse. Et toutevoies dit il : « Biax amis, tu me diras or ce que tu voldras, et je t'escouterai. Car nus chevaliers ne se doit corroder de chose que vaslez li die, se trop grant honte ne li dit. » — « A Tescouter, fet li vaslez, estes vos venuz, car de vos n'istra ja mes nul autre preu. Si 10 soliez estre la flor de terriane chevalerie ! Chetis ! bien estes enfantosmez par celé qui ne vos aime ne ne prise se petit non. Ele vos a si atorné que vos avez perdue la joie des ciex et la compaignie des anges et toutes honors terriannes, et estes venuz a toutes hontes recevoir. » Il n'ose respondre, 15 come cil qui a tant de corroz qu'il voldroit bien estre morz. Et li vaslez le va laidengiant et honissant et disant la greignor vilanie qu'il puet. Et il l'escoute toutes voies, come cil qui est si entrepris qu'il ne l'ose nés regarder. Et quant li vaslez est lassez de dire li ce qu'il volt et il voit qu'il ne li 20 respondra mie, si s'en vet tout son chemin. Et Lancelot nel resgarde onques, ainz s'en vet plorant et dolousant et priant Nostre Seignor qu'il le rameint a tele voie qui profitable li soit a l'ame. Car ce voit il bien qu'il a tant meffet en cest siècle et tant meserré vers son criator que, se la miséricorde 25 Nostre Seignor n'est trop grant, il ne porra ja mes trover pardon. Si est a ce menez que la voie devant ne li plot onques tant que ceste ne li plaise assez plus.

Quant il a chevauchié jusque a midi, si voit devant lui fors dou chemin une petite meson. Il torne celé part, car il set 30 bien que ce est hermitages. Quant il est jusque la venuz, si voit une petite chapele en une petite meson. Et devant, a r^ntrçe, se seoit yns vjel hom vestu de robe blapche en sem-