MORT DU RELIGIEUX
servise et il fu issuz de la chapele, cil distrent qu'il ert morz. Si lepristrent et trestrent lor espees. Et quant il li cuidierent la teste couper errant, Cil qu'il avoit toz dis servi mostra sus lui si apert miracle qu'il ne porent sus lui ferir cop dont il li poissent maufere, et si n'avoit vestu fors sa • 5 robe; et despeçoient ausi lor espees et rebouchoient corne s'il ferissent sor une enclume. Si i ferirent tant que lor espees furent toutes despeciees, et il furent lassé et travaillié des cous qu'il li orent donez, ne il ne li avoient encore fet tant de mal que sans fust issuz de lui. m
« Quant il virent ce, si furent tuit desvé d'ire et de mautalent. Il portèrent esche et fusil et alumerent le feu ci devant, et distrent qu'il l'ardroient, car encontre feu ne dureroit il pas. Si le despoillierent tout nu et li osterent la haire que vos veez ilec. Et quant il se vit einsi nu, si en ot honte et 15 vergoigne de soi meismes ; si lor pria qu'il li baillassent aucun garnement, qu'il ne se veist si vilainement com il estoit. Cil furent félon et cruel et distrent que il ne vestiroit ja mes de linge ne de lange, ainz morroit. Quant il oï ce, si comença a sozrire et respondi : « Coment, fist il, cuidiez 20 « vos que je puisse morir par cest feu qui ci est apareilliez por ft moi ?» — « Vos n'en avroiz ja, font il, se la mort non. » — « Certes, fet il, seignor, se Nostre Seignor plest que je <c muire, il me plest molt. Mes se g'i muir, ce sera plus par la « volenté Nostre Seignor que par le feu : car cist feus n'avra 25 « ja tant de pooir desus moi que poil de moi en soit brûliez; « ne il n'a ou monde chemise si déliée, se je l'avoie vestue et « puis entrasse a tout el feu, qui ja en fust maumise ne empi- « riee. » Quant il oïrent ceste chose, si tindrent tout a fable quan qu'il disoit ; et neporquant li uns d'els dist qu'il verroit 30 par tens se ce porroitestre voirs. Si osta sa chemise de son dos, et li firent vestir, et tantost le giterent ou feu, qu'il avoient fet si grant qu'il dura de? hier matin jusqu'à ersoir
molt tart. Etquant il fu estainz, il troverent sanz faille le preudome dévié ; mes il avoit la char si saine et si nete come vos poez veoir, ne la chemise qu'il avoit vestuene fu autrement empiriee que vos poez veoir. Et quant il virent ce, si .furent moût espoanté ; si l'osterent de la et l'aporterent en 5 ceste place ou vos le veez ore, et mistrent sa haire delez lui et s'en alerent a tant. Et par cestui miracle que Cil qu'il avoit tant servi a fet por lui, puez tu veoir apertement qu'il n'est pas periz, mes sauvez. Si m'en irai a tant, car bien t'ai devisé ce dont tu estoies en doute. » lo
Et si tost com il ot ce dit, si s'en ala abatant les arbres devant lui et fesant la greignor tempeste dou monde, si qu'il sembloit que tuit li anemi d'enfer s'en alassent par mi la forest.
Quant li preudons ot ceste aventure, si est assez plus liez que devant. Il estoie le livre et l'estole et vient au cors et le 15 comence a besier, et dist a Lancelot : « Par foi, sire, biau miracle a Nostre Sires mostré por cest home que je cuidoie qu'il fust morz en aucun pechié mortel. Mes non est, Dieu merci, ainz est sauvez, si come vosmeismes poez avoir oï. »
— « Sire, fet Lancelot, qui fu cil qui tant a parlé a vos ? Son 20 cors ne poï je veoir, mes sa parole oï je bien, qui est si laide
et si espoantable qu'il n'est nus qui poor n'en deust avoir. » ;
— « Sire, fet li preudons, poor en doit len bien avoir, car il n'est riens qui tant face a douter come cil, car c'est cil qui done conseil a home de perdre cors et ame. » Lors set bien 25 Lancelot qui cil est de qui il parole. Et li hermites li dist qu'il li face compaignie a guetier cel saint cors, et demain li ait tant qu'il l'ait enterré. Et il dit que ce fera il volentiers et que molt est liez de ce que Diex l'a amené en lieu de servir cors de si preudome com il est. 3o
Il oste ses armes et les met en la chapele, et vient a son cheval et li oste la sele et le frain, puis revient au preudome por fere li compaignie. Et quant il sont ensemble assis, il H
