SERMON A LANCELOT I

comence a demander : « Sire chevaliers, n'estes vos Laucei^t dou Lac ? » Et il dist oïl. — « Et que alez vos querant einsi armez come vos estes ?» — « Sire, je vois o mes autres compaignons querre les aventures dou Saint Graal. »

« Certes, fet li preudons, querre les poez vos, mes au trover s avez vos failli. Car se li Sainz Graax venoit devant vos, je ne cuit pas que vos le poissiez veoir, ne plus que uns avugles feroit une espee qui devant les eulz li seroit. Et neporquant/-/ maintes genz ont demoré en teniebres de pechié lonc tens et enobscurté, que Nostre Sires rapeloit puis a veraie lumière, lo si tost come il veoit que li cuer i entendoient. Nostre Sires n'est pas lenz de secorre son pecheor : si tost come il aperçoit qu'il se torne vers lui en cuer ou en pensée ou en aucune bone oevre, il le vient tost visiter. Et se cil a garni son ostel et netoié einsi com pechierres doit fere, il descent et repose 15 en lui, ne puis n'a li pechierres garde qu'il s'em parte s'il ne l'enchace fors de son ostel. Mes s'il i apele autre qui contreres li soit, il s'em part com cil qui plus n'i puet demorer, quant cil i est aqueilliz qui toz dis le guerroie.

« Lancelot, cest essample t'ai mostré por la vie que tu as 20 si longuement menée puis que tu chaïs en pechié, ce est a dire puis que tureceus l'ordre de cli€valerie. Car devant ce que tu fusses chevaliers avoies tu en toi herbergiees toutes les bones vertuz si naturelment que je ne sai juene home qui poïst estre tes pareuz. Car tout premièrement avoies tu 25 virginité herbergiee en toi si naturelment qu'onques ne l'avoies enfrainte ne en volenté ne en oevre. Solement en volenté ne l'avoies tu pas enfrainte ; car maintes foiz avint que quant tu pensoies a la viuté de la colpe charnel en quoi virginitez est corrompue, tu escopissoies en despit et disoies 3o que ja en ceste maleurté ne charroies. Et lors affermoies tu qu'il n'ert nule si haute chevalerie come d'estre virges et d'çsçhiyer luxure et garder son cors netçmçn^,

124 l'A QUESTE DEL S. GRAAL

« Après ceste vertu, qui tant est haute, avoies tu humilité. Humilité vet doucement et soef, le chief enchn. Ele ne fet pas ausi corne fesoit li phariseux qui disoit quant il oroit au temple : « Biau sire Diex, je te rent grâces et merciz de ce « que je ne sui pas ausi mauves ne ausi desloiax come sont mi « voisin. » Tiex n'estoies tu pas, aînz sembloies le publican qui n'osoit nés regarder l'ymage, que Diex ne se corroçast a lui por ce qu'il estoit trop pechierres, ainz estoit loign de l'autel et batoit sa colpe, et disoit : « Biau sire Diex Jhesucrist, aiez « merci de cest pecheor ! » En tel manière se doit maintenir qui droitement veut acomplir les huevres d'umilité. Einsi fesoies tu quant tu estoies damoisiaux, car tu amoies et cremoies ton creator sor toutes ch'oses et disoies que len ne devoit nule terriane chose douter, mes len devoit douter celui qui puet destruire cors et ame et bouter en enfer.

« Après ces deus vertuz que je t'ai devisees avoies tu en toi soffrance. Soffrance si est semblable a esmeraude qui toz dis est vert. Car soffrance n'avra ja si fort temptacion que ele puisse estre vaincue, ainz est toz dis verdoianz et en une meisme force, ne ja nus n'ira contre li qu'ele n'emport toz dis la victoire et l'onor. Car nus ne puet si bien vaincre son anemi come par soffrir. Quelque pechié que tu feisses par defors, ce sez tu bien en ta pensée que ceste vertu avoies tu en toi herbergiee trop naturelment.

« Après avoies tu une autre vertu herbergiee en toi si naturelment comme se ele te venist de nature : ce ert droiture. Droiture si est une vertuz si fort et si puissant que par li sont toutes choses tenues en droit point, ne ja nule foiz ne se changera, et a chascun rendra ce qu'il avra deservi et ce que droiture li aportera. Droiture ne donc a nului par amor ne ne toit par haine, ne ja n'espergnera ami ne parent, ainz s'en ira toz jorz selonc la ligne de droiture en tel manière que ja ne changera fors de droite voie por aventure qui aviegne.

SËRMONT A LAKCfELOT I25

« Après ccste vertu eus tu en toi cliaàté si hautement herbergiee que ce ert merveille. Car se tu eusses toutes les richesses del monde entre tes mains, tu les osasses bien doner por amor de ton criator. Lors estoit li feus dou Saint Esperit chauz et ardanz en toi, et estoies volenteis etententis en cuer et en amede tenir ce que ces vertuz t'avoient preste.

<^ Einsi garniz de toutes bontés et de toutes vertuz terriennes entras tu ou haut ordre de chevalerie. Mes quant li anemis, qui primes fist home pechier et le mena a dampnacion, te vit si garniz et si coverz de toutes parz, si ot poor qu'il ne te poïst sorprendre en nule manière. Si veoitapertement que trop esploitast bien a son oes, s'il te poïst mètre fors d'aucun de ces poinz ou tu estoies. Il vit que tu estoies ordenez a estre serjanz Nostre Seignor et fus mis en si haut degré que ja mes ne te deusses abessier jusque au servise de l'anemi. Si te douta molt a assaillir por ce que sa peine i cuida perdre. Lors se pensa en mainte manière coment il te porroit décevoir. Et tant qu'au darreain li fu avis qu'il te porroit plus tost mener par famé que par autre chose a pechier mortelment, et dist que li premiers pères avoit esté par famé deceuz, et Salemons li plus sages de toz les terriens, et Sansons Fortins li plus forz de toz homes, et Absalon li filz David li plus biax bons dou siècle. « Et puis, fist il, que tuit cil en ont « esté deceu et boni, il ne me semble mie que cist enfes i « deust avoir durée. »

« Lors entra en la reine Guenievre, qui ne s'ert pas bien fête confesse puis que ele entra primes en mariage, et l'esmut a ce qu'ele te resgarda volentiers tant come tu demoras en son ostel, le jor que tu fus chevaliers. Quant tu veis qu'ele te resgarda, si i pensas ; et maintenant te feri li anemis d'un de ses darz a descovert, si durement qu'il te fist chanceler. Chanceler te fist il, si qu'il te fist guenchir fors de droite voie et entrer en celé que tu n'avoies onques coneue : ce fu en la voie

I2é LA QUESTË t)EL S. GRAAL

de luxure, ce fu en la voie qui gaste cors et ame si merveilleusement'que nusnel puet très bien savoir qui essaie ne l'a. Des lors te tolili anemis laveue. Car si tost corne tu eus tes eulz eschaufezde l'ardorde luxure, maintenant enchaças humilité et atresis orgueil etvousisaler teste levée ausi fièrement corne un lyon, et deis en ton cuer que tu ne dévoies riens prisier ne ne priseroies ja mes, se tu n'avoies ta volenté de celé que tu veoies si bêle. Quant li anemis, qui ot toutes les paroles si tost come la langue les a dites, conut que tu pechoies mortelment en pensée et en volenté, si entra lors toz dedenz toi, et en fist aler celui que tu avoies si longuement ostelé.

« Einsi te perdi Nostre Sires, qui t'avoit norri et escreu et garni de toutes bones vertuz, et t'avoit si haut levé que en §on servise t'avoit mis. Si que quant il cuida que tu fusses ; ses serjanz et le servisses des biens que il t'avoit prestez, tu lelessas maintenant, si que quant tu deus estre serjanz Jhesucrist tu devenis serjanz au deable, et meis en toi tant des vertuz de l'anemi com Nostre Sires i avoit mis des soes. Car contre virginité et chasteé herberjas tu luxure, qui confont l'une et l'autre ; et contre humilité receus tu orgueil, come cil qui ne prisoit nul hom avers soi. Après enchaças toutes les autres vertuz que je t'ai nommées et acoillis celés qui contreres lor estoient. Et neporec Nostre Sires avoit mis tant de bien en toi qu'il ne pooit estre que de celé grant plenté n'i eust aucune chose de remanant. De cel remanant que Diex te lessa as tu fêtes les granz proesces par les estranges terres, dont toz li monz parole. Or gardes que tu peusses puis avoir fet, se tu eusses toutes ces vertuz sauvées en toi que Nostre Sires i avoit mises. Tu n'eusses mie failli a achever les aventures dou Saint Graal, dont tuit li autre sont ore en peine, ainz en eusses tant mené a fin com nus bons, sanz le Verai Chevalier, porroit fere ; li oil ne te fussent pas avuglé devant la face ton Seignor, ainz le veisses apertement*

t>AîlÀBOLE Dtr FESTm 1^7

Et toutes ces choses t'ai je dites por ce que je sui dolenz que tu ies si maubaiiliz et honiz que ja mes en leu ou tu viegnes n'avras honor, ainz te diront vilanie tuit cil qui la vérité savront cornent il t'est avenu en la Queste.

« Et neporquant tu n'as mie tant meserré que tu ne puisses 5 trover pardon, se tu cries de bon cuer merci a Celui qui t'avoit si hautement garni et t'avoit apelé a son servise. Mes se tu nel fesoies de bon cuer, je ne te lo mie que tu ailles avant en ceste Queste. Car bien saches que nus n'i est entrez qui sanz honte s'em parte, se il n'est veraiement confés. Car lo la dueste n'est mie de terrianes choses, mes de celestielx; et, qui ou ciel velt entrer orz et vilains, il en est trébuchiez si felonnessement qu'il s'en sent a toz les jorz de sa vie. Ausi est- de cels qui en ceste dueste sont entré ort et conchié des vices terriens, qu'il ne savront tenir ne voies ne sentiers, 15 ainz iront foloiant par les estranges terres. Si est ore avenue la semblance de l'Evangile, la ou ele dit :

« Il fu jadis uns preudoms riches qui ot apareillié a fere noces « et semont ses amis et ses parenz et ses voisins. Quant les « tables furent mises, si envoia ses messages a cels qu'il avoit 20 « semons et lor manda qu'il venissent, car tout ert prest. Cil <c targierent et demorerent tant qu'il ennoia au preudome. « Quant il vit qu'il ne vendroient pas, si dist a ses serjanz : « Alez de ci et tornez par mi les rues et par mi les chemins et « dites as privez et as estranges, et as povres et as riches, qu'il 25 « viegnent mengier, car les tables sont mises et tout est prest. » « Cil firent le comandement lor seignor et en amenèrent tant « avec aux que la meson fu pleine. Quant il furent tuit assis, li a sires regarda entre les autres ; si vit un home qui n'ert pas « vestuz de robe de noces. Il vint a lui et li dist : « Biax amis, 3o « que queistes vos ceanz ?» — « Sire, g'i vign ausi come li « autre. » — « Par foi, fist li sires, non feistes : car il sont « venu plein de joie et de feste et vestu com len doit venir a

128 LA QUESTË DEL S. GRÂAL

« noces. Mes vos n'i avez aporté nule chose qui aparteigne a « feste. » Maintenant le fist giter de son ostel et dist, oiant toz « cels qui as tables seoient, qu'il avoit semons dis tanz de gent « qu'il n'avoit venu a ses noces ; dontlen puet veraiement dire « que mouti a des apelez et poi des esleuz. »

« Celé semblance dont l'évangile parole poons nos veoir en ceste Queste. Car par les noces qu'il fist crier poons nos entendre la table dou Saint Graal, ou li preudome mengeront. li verai chevalier, cels que Nostre Sires trovera vestuz de robes de noces, ce est de bones grâces et de bones vertuz que Diex preste a cels qui le servent. Mes cels qu'il trovera desffarniz et desnuez de veraie confession et de bones oevres ne voudrai! pas recevoir, ainz les fera giter de la compaignic des autres, si qu'il recevront autant de honte et de vergoignc corne li autre recevront d'onor. »

A tant se test et resgarde Lancelot, qui plore si durement come s'il veist devant lui morte la riens el monde que il plus amast, come cil qui tant est dolenz qu'il ne set que il doie devenir. Et quant il l'a grant pièce resgarde, il li demande s'il avoit estéconfés puis qu'il entra en la Queste. Et il respont a peine et dit oïl ; si li conte tout son estre et les trois paroles que cil li avoit devisees, et la senefiance des trois choses. Quant li preudons ot ce qu'il li dit, si li dist : « Lancelot, je te requier sor la crestienté que tu as et sus l'ordre de chevalerie que tu receus ja a lonc tens que tu me dies laqael vie te plest plus, ou celé que tu eus jadis ou celé ou tu es novelement entrez. » — « Sire, je vos di sor mon criator que cest novel estre me plest cent tanz plus que li autres ne fist onques, ne ja mes tant come je vive n'en quier partir por aventure qui aviegne. » — « Or ne t'esmaier donc, fet li preudons. Car se Nostre Sires voit que tu li requières pardon de bon cuer, il t'envoiera tant de grâce que tu li seras temples et ostel et qu'il se herbergera dedenz toi. »