NAVIGATION DE LANCELOT

aviron ; et il vet celé part et entre enz. Et si tost corne il i est, si li est avis qu'il sente toutes les bones odors dou monde et que il soit raempliz de toutes les bones viandes que onques goustast hom terriens. Et lors est cent tanz plus aeise que devant, car or a il, ce li est avis, tout ce qu'il desirra onques ■ en sa vie : dont il rent grâces a Nostre Seignor. Si s'agenoille en la nef meismes, et dit : « Biau pères Jhesucrist, je ne sai dont ce puet venir se de toi ne vient. Car je voi orendroit mon cuer en si grant joie et en si grant soatume que je ne sai se je sui en terre ou en paradis terrestre. » k Lors s'acoste au bort de la nef et s'endort en ccle grant joie.

Toute la nuit dormi Lancelot si aeise qu'il ne li fu pas avis qu'il fust tiex com il souloit, mes changiez. Au matin, quant il s'esveilla, si resgarda tôt entor soi et vit ou mileu i-. de la nef un lit molt bel et molt riche. Et ou mileu dou lit gisoit une pucele morte, dont il ne paroit fors le visage descovert. Et quant il la volt, si s'i adrece et se seigne et mercie Nostre Seignor de ce que tele compaignie li a aprestee. Si se trest près, come cil qui volentiers savroit dont ele est et 2t de quel lignage. Si la vet tant regardant amont et aval qu'il vit desoz sa teste un brief. Il i gite la main, si le prent et le desploie et i troeve letres qui disoient : « Geste damoisele fu suer Perceval le Galois, et fu toz jorz virge en volenté et en oevre. Ce est celé qui chanja les renges de l'Espee as >-estranges renges que Galaad, iilz Lancelot del Lac, porte orendroit. » Après troeve ou brief toute sa vie et la manière de sa mort, et coment li troi compaignon, Galaad et Boort et Perceval, l'ensevelirent einsi come ele est et la mistrent en la nef par le comandement de la voiz devine. Et quant il set 3. la vérité de la chose, si est assez plus liez qu'il ne selt ; car molt a grant joie se Boorz et Galaad sont ensemble. Si remet le brief arrière et revient au bort de la nef, et prie a Nostre

Seignor que il ançois que ceste Q.ueste faille li doint trover Galaad son filz, si que il le voie et parolt a lui et le conjoïsse. En ce que Lancelot ert en proieres de ceste chose, si reso-arde et voit la nef arivee a une roche vielle et anciane, et avoit assez près de la roche ou la nef ariva une chapele petite, 5 et devant l'uis se seoit uns hons vielz et chanuz. Et quant il l'aproche, si le salue de si loign corne il le pot oïr. Et li preudons li rent son salu assez plus viguereusement que Lancelot ne cuidast qu'il le poïst fere, et se lieve de la ou il seoit, et vient au bort de la nef et s'asiet sus une mote de 10 terre, et demande a Lancelot quele aventure l'a celé part amené. Et il li conte la vérité de son estre et cornent fortune l'a amené celé part ou il ne fu onques, si corne il cuide. Lors li demande li preudons qui il est. Et il se nome. Et quant cil ot que ce est Lancelot del Lac, si se merveille 15 molt cornent il se mist en la nef. Si li demande qui est o lui. « Sire, fet Lancelot, venez veoir s'il vos plaist. » Et il entre maintenant en la nef et troeve la damoisele et le brief. Et quant il l'a leu de chief en chief et il ot parler de l'Espee as estranges renges, si dist : « Ha ! Lancelot, je ne cuidoie ja 20 tant vivre que je le non de ceste espee seusse. Or puez tu bien dire que tu es mesaventureuz, quant tu a achever ceste haute aventure n'as esté ou cil troi preudome ont esté, que l'en cuida aucune foiz a meins vaillanz de toi. Mes ore est coneue chose et aperte qu'il sont preudome et verai 23 chevalier vers Damedieu plus que tu n'as esté. Mes que que tu aies fet ça arriéres, je crois bien que se tu des ore mes te voloies garder de pechié mortel et d'aler contre ton Creator, encor porroies tu trover pitié et miséricorde vers Celui en ' qui toute pitié abite, qui ja t'a rapelé a voie de vérité. Mes 30 ore me conte coment tu entras en ceste nef. » Et il li conte. Et li preudons li respont tout em plorant : « Lancelot, saches que molt t'a Nostre Sires mostree grant debonereté, quant il