CHATIMENT DIVIN

bones pucelcs, qui çaienz a esté espanduz por la terrienne o^arison d'une desloial pécheresse. » Et quant il oent ceste oarole, si dient que molt est la venjance Nostre Seignor nerveilleuse, et que molt est fox qui contre sa volenté vet ne oor mort ne por vie. 5

Quant li dui compaignon orent grant pièce aie par le chastel por resgarder la grant mortalité qui i estoit fête, si troverent au chief d'une chapele un cimetière tôt plein d'arbrisiax fueilluz et d'erbe vert, et estoit toz pleins de bêles tombes'; si en i pooit bien avoir seisante. Si estoit si biax j» et si delitables qu'il ne sembjoit mie que tempeste i eust esté. Et non avoit il, car laienz gisoient les cors des puceles qui por amor a la dame avoient esté mortes. Quant il sont entr^ ou cimetière tôt einsi a cheval come il estoient, si vindrent as tombes ; si troverent desor chascune le non de celé qui 15 ilec gisoit. Si vont lisant les letres, tant qu'il troverent que laienz gisoient doze damoiseles toutes filles de roi et estretee de haut lignage. Et quant il voient ce, si dient que trop mauvese costume et trop vilaine avoient ou chastel maintenue, et trop longuement l'avoient sofFert cil dou païs, car 20 maint riche lignage en avoient esté abessié et anoienté par les puceles qui mortes i estoient.

Quant li dui compaignon orent ilec demoré jusqu'à prime et il orent assez veu, si s'em partirent et errèrent jusqu'à une forest. Et quant il vindrent a l'entrée, si dist Perceval a 25 Galaad : « Sire, hui est li jorz que nos devons départir et aler chascuns sa voie. Si vos comant a Nostre Seignor, qui nos otroit que nos nos puissons entretrover prochainnement. Car je ne trovai onques home de qui la compaignie me semblast si douce ne si bone come de vos ; et por ce me 30 grieve cist departemenz molt plus que vos ne cuidiez. Mes il le covient a estre, puis qu'il plaist a Nostre Seignor. » Lors oste son hiaume et ausi fet Galaad : si s'entrebesent au

départir, car molt s'entr'amoient de grant amor ; et bien parut a lor mort, car molt vesqui petit H uns après l'autre. Einsi se départirent 11 compaignon a l'entrée d'une forest que cil dou païs apeloient Aube, et entra chascuns en sa voie. Si lesse ore li contes a parler d'ax et retorne a Lancelot, car grant pièce s'en est teuz.

Or dit li contes que quant Lancelot fu venuz a j'eve de Marcoise, ^t il se vit enclos de trois choses qui ne le reconfortoient mie malt./Car d'une part ert la forest qui granz estoit et desvoiable ; et d'autre part avoit deus roches qui cstoient hautes et. anciennes, et d'autre part l'eve qui ert parfonde et noires Ces troi choses le mejioient a ce que il dist qu'il ne se remueroit d'ilec, ainz atendroit la merci Nostre Seignor : si i demora en tel manière jusque a la nuit. Quant ce fu chose avenue que la nuiz fu au jor meslec, Lancelot oste ses armes et se couche dejoste et se comande a Nostre Seignor et fet sa proiere tele come il la savoit, que Nostre Sires ne l'oubliast pas, ainzli envoiast secqârs tel come il savoit que mestier li estoit a l'ame et au cors.' Et quant il ot ce dit, si s'endort en tel point que ses cuers pensoit plus 20 a Nostre Seignor que as terriennes choses. Et quant il fu endormiz, si ii vint une voiz qui li dist : « Lancelot, lieve sus et pren tes armes et entre en la première nef que tu troveras. » Et quant il ot ceste parole, si tressaut toz .et oevre les eulz et voit entor lui si grant clarté que il cuide bien qu'il 2; soit granz jorz; mes ne demore gueres que ele s'esvenoïst, en tel manière qu'il ne set que ele devint. Et il lieve sa main et se seigne et prent ses armes et se comande a Nostre Seignor, puis s'apareille. Et quant il est toz armez et il a s'espee ceinte, si resgarde a la rive et voit une nef sanz voile et sanz U