COURONNEMENT ET MORT DE GALAAD

ment. » Celui jor avint que li rois Escorant gisoit malades el mal de la mort. Si les manda devant lui et lor cria merci de ce qu'il les a si malmenez a tort. Et il li pardonent volentiers, et il morut maintenant.

Et quant il fu enterrez, cil de la cité furent molt es- 5 maiez, car il ne savoient de qui il poissent fere roi. Si se conseillèrent grant pièce, et en ce qu'il estoient a consel oïrent une voiz qui lor dist : « Prenez le plus jone des trois compaignons, et cil vos gardera bien et vos conseillera tant come il sera avec vos. » Et il firent le comandement a la lo voiz ; si pristrent Galaad et le firent seignor d'aus ou il volsist ou non, et li mistrent la corone el chief. Dont il li pesa molt ; mes por ce qu'il vit que fere le covint, l'otroia, car autrement l'eussent il ocis.

Quant Galaad fu venuz a terre tenir, si fist par desuz la 15 table d'argent une arche d'or et de pieres précieuses qui covroit le saint Vessel. Et toz les matins, si tost come il ert levez, venoit devant le saint Vessel entre lui et ses compaignons, et fesoient lor proieres et lor oroisons.

Quant vint au chief de l'an, a celui jor meismes que 20 Galaad avoit porté corone, si se leva bien matin entre lui et ses compaignons. Et quant il vindrent el paies que len apeloit esperitel, si regardèrent devant le saint Vessel : et voient un bel home vestu en semblance de evesque, et estoit a genolz devant la table et batoit sa coupe ; et avoit entor lui 25 si grant plenté d'angleres come se ce fust Jhesucrist meisme. Et quant il ot esté grant pièce a genolz, si se leva et commença la messe de la glorieuse Mère Dieu. Et quant vint el segré de la messe, que il ot ostee la plateinne de desus le saint Vessel, si apella Galaad et li dist : « Vien 30 avant, -vserjant Jhesucrist, si verras ce que tu as tant desirré a veoir. » Et il se tret avant et regarde dedenz le saint Vessel. Et si tost come il i ot regardé, si comence a trembler molt

durement, si tost corne la mortel char commença a regarder les esperitex choses. Lors tent Galaad ses meins vers le ciel et dit : « Sire, toi ador ge et merci de ce que tu m'as acompli mon desirrier, car ore voi ge tôt apertement ce que langue ne porroit descrire ne cuer penser. Ici voi ge l'a començaille des granz hardemenz et l'achoison des proeces ; ici voi ge les merveilles de totes autres merveilles ! Et puis qu'il est einsi, biax dolz Sires, que vos m'avez acompliesV mes volentez de lessier moi veoir ce que j'ai touz jors desirré, or vos pri ge que vos en cest point ou je sui et en ceste 10 grant joie sofFrez que je trespassg de ceste tcrriene vie en la celestiel. »

Si tost come Galaad ot fête ceste requeste a Nostre Seignor, li prodons qui devant l'autel estoit revestuz en semblance de evesques prist Corpus Domini sus la table et l'offri 15 a Galaad. Et il le reçut molt humilieusement et o grant dévotion. Et quant il l'ot usé, li prodom li dit : « Sez tu, fet il, qui je sui ?» — « Sire, nenil, se vos nel me dites. » — « Or saches, fet il, que je sui Josephes, li filz Joseph d'Arimatie, que Nostre Sires t'a envoie por toi fere compaignie. Et sez 20 tu por quoi il m'en a plus tost envoie que un autre ? Por ce que tu m'as resemblé en deus choses : en ce que tu as veues les merveilles del Saint Graal ausi come je fis, et en ce que tu as esté virges ausi come je sui ; si est bien droiz que li uns virges face compaignie a l'autre. » 25

Quant il ot dite ceste parole, Galaad vient a Perceval et le bese et puis a Boorz, si li dist : « Boorz, saluez moi monseignor Lancelot mon père si tost come vos le verroiz. » Lors revint Galaad devant la table et se mist a coudes et a genolz ; si n'i ot gueres demoré quant il chaï a denz sus le 3o pavement del paies, qar l'ame li eirt ja fors del cors. Si l'en portèrent li anglere fessant grant joie et beneissant Nostre Seignor.