Livre des Jarades BB , 30, fol
Ce jourdhui premier du mois de Juin mil cinq cent soixante estant dans la maison de la ville dAgen assembles Maistre Antoine Tholon consuls et jurats
de la ville dAgen lesquels traitants des affaires et négoces de nouveau survenus en la ville dAgen concernant le faict de la Religion mesme de ce que depuis quelque temps en ça quelques personnages conduictz du maulvais et maling esprit auraient introduict au desceu des dessus nommes et secrètement deux ministres de Genève dans ladite ville dAgen lesquels de nuict auraient faicts assemblées et conventicules et faict prèscher lesdits ministres et introduire entre eulx une église en la façon et forme de Genève et en icelle créer offices contraires aux saincts décrets institutions et ordonnances de nostre saincte mère Eglise et contre les edicts et ordonnances sur ce faictes par le Roy notre sire ce que lesdits susnommés a grande diligence auroient puys quatre ou cinq jours en ça decouverts par le vouloir de Dieu auroient constitue prisonnier un desdicts ministres et partie de leurs fauteurs
et adhérents par lequel ministre auroient ete découvert plusieurs des habitants de la ville même deux conseilleirs de la cour presidial dAgen et autres personnages qui sont allies et apparantes daucung desdit juges presidiaux par le moyen desquelles parentelle amitié et alliance la justice d*un tel crime pourvoit être retardée ou dissimulée qui seroit grand escandalle a la republique de la ville dAgen que seroit grand préjudice a ladvenir. A ceste cause vint estre dadvis concordablement quil est besoing que le Roy nostre sire et souverain seigneur soit advertiz du dit affaire et supplier sa Majesté commettre et depputes certains commissaires et pour la pugnition desdits crimes deiictz aux despens desdits délinquants pour le faict seuUement de la justice attendu les dictes alliances et a ses fins et pour remonstrer ce que dessus au roy nostre Seigneur a ete commis et deppute Monsieur Maistre Bernard dAspremon L particulier en la dicte seneschaussee qui a accepte la dicte charge.
De la Roque secr.
