AVIS SUR LE VOYAGE DE BERRUYER
sont puissans ennemis et dedans un païs plein de villes grandes et fortes dont il y en a cinquante qui souffriront chacune un siège de trois mois!
Les succez nen pourroient estre que longs et les evenemens incertains, et le Roy y estant une fois engagé ne s'en pourroit retirer quand il vouldroit sans perdre sa réputation et il fauldroit quil la continuast. Il y peult arriver des mauvais succez et ces mesmes seigneurs pour le temps quelque bien disposez quilz soient pourroient changer et saccommoder avec leurs princes.
Le Roy n*estant point autheur de ceste division ny la cause du mescontentement des grandz ils ne se peuvent plaindre de luy du mauvais estât auquel ilz se peuvent trouver sil ne declarre la guerre ouverte au Roy d'Espagne.
Le Roy aussy dautre costé la plus grande partie desd. Estatz rellevans de sa couronne et aiant grand interest quilz ne tombent par la mauvaise conduitte des Espagnolz soubz la puissance des Holendois, peult les assister soubz main sans estre blasmé pourveu quilz len requierrent.
Pour cest effect jestime que sur ce quilz ont proposé de sassembler a Douay et la se declarrer que le Roy leur peult offrir de faire trouver sur la frontière de Picardie six mil hommes de pied et cinq cens chevaux en mesme temps que lesd. seigneurs se seront declarrez et auront esleu un chef pour commander leur armée.
Celuy qui commandera lesd. troupes recevra commission d'eulx pour entrer en leur armée et faire tout ce quilz luy ordonneront.
Il fault que lesd. seigneurs pourvoient à trouver de lartilerie et lequipage dicelle quilz ne peuvent attendre de France. Il leur faut faire entendre que cela ne sera qu'un commencement pour engager les affaires soubz le nom des Estatz du pais. Et que les Estatz dud. pais s'authorisans de jour en jour et unissans plusieurs villes et pais à eulx que le Roy aussy les assistera plus puissamment.
Et pour leur faire voir que cest avec grande raison que le Roy en use ainsy II leur fault dire que jusques ici Hz n'ont ny pris ny fait scavoir au Roy aucune resolution de leur intention soit de demeurer provinces libres, soit de se donner à lui ou à autre prince voisin.
Que le Roy est très aise de les secourir et assister en leur affliction et les aider à se souslever de l'opression en laquelle ilz sont ce quil fait par le nombre de gens quil leur offre lesquelz il augmentera
volontiers Mesmes se déclarrera sil est appelle par eulx par acte autentique de leur assemblée et délibération.
Mais que jusques icy les choses nestans non plus résolues quelles sont II na pas mesme estimé se debvoir declarrer ouvertement pour eulx jusques a ce quilz Ten eussent requis et appelle à leur secours soubz telles conditions quilz adviseront leur faisant lousiours sentir que le Roy ne désire rien d'eulx que ce qu'eulx mesmes trouverront juste pour leur conservation liberté et seureté Mais aussy leur faisant cognoistre que dedans ceste division silz ne prennent une forte resolution Hz doibvent considérer les forces du Roy d'Espagne soubz la domination duquel silz retombent après sen estre une fois voulu délivrer Ils doibvent attendre touttes extremitez.
Hz doibvent aussy considérer le voisinage des Holendois et le désir quilz auront de se prévaloir de ceste occasion et réduire toutes les provinces dedans leur Republique publians une liberté de conscience et libre exercice de Religion. L'inclination de leurs peuples et de leurs villes qui font le plus puissant corps et la principalle partie des dites provinces qui inclineront plutost à une forme de Republique qu'a se mettre soubz la domination d'un Prince sil fault quilz secouent le joug d'un Et ainsy que les seigneurs du pais après avoir porté leurs vie et leurs biens pour saquerir une liberté retombent en Republique et soubz la domination des villes.
Que le Roy leur met touttes ces considérations en avant affîn quilz ne se précipitent et ne He plaignent de navoir receu les effectz de son assistance qu'ilz pourroient désirer el comme il fera très volontiers touttes et quantes fois quilz lappelleront à leur secours et auront pris une resolution de ce quilz veullent faire.
Ce que neantmoins le Roy considère bien quilz ne peuvent faire sans estre armez et assistez d'argent Aussy que pour ce commencement Il estime que le nombre susdit suffit pour fortiffier leur assemblée et leur resolution particulièrement les Estatz occupans les forces d'Espagne le reste de ceste année comme ilz feront.
Aussy que le Roy aiant une armée a la suitte de Monsieur son frère et une autre en Allemagne II ne peult présentement les assister de plus grand nombre. Mais aussy tost que Tarmée d'Allemagne sera revenue ce quil espère dedans un mois II la mettra soubz la conduitte du Maréchal de Chastillom sur les frontières de Picardie pour favoriser ce quilz auront commencé.
J^estime que le Roy peult aller jusques la et dautant que ce que
