INSTRUCTION AU DUC DE N1VERNOIS POUR FORTIFIER TOUL

30 DÉCEMBRE 1552 Bibliothèque Nationale, ancien fonds fr. 3136 fu. 20.

Affm que monsieur le duc de Niuernois entende clerement l'intention du Roy sur le faict de la fortiffication de la ville de Thoul, le dict Seigneur l'a faict mectre et rédiger par escript ainsi qu'il s'ensuyt.

Premièrement. Ayant oy ce que le cheuallier de Seure luy a rapporté de la p;)rtdu dict sieur de Neuersdu moien qu'il y a de mectre la dicte place en peu de temps en Testai qu'il désire, Icelluy Seigneur veult et prie le dict Sieur de Neuers prendre en main le faict delà dicte fortiffication, et se mectre et loger luy mesmes dedans la dicte ville. Le sieur de Bordillon et sa compaignye auecques luy et les cheuaulx légiers qu'iapardelà, et deppartirchascun son quartier pour en toute dilligence, et comme il a esté faict à Verdun et Metz, faire mectre la main à l'euvre selon le dessaing qui en a esté faict

par Frédance, et comme il sera advisé pour le mieulx par le dict Sieur de Neuers et les Cappitaines qu'il a auecques luy.

Pour cesl effect, le dict Seigneur envoyé présentement deux commissions pour lever deux mille pionnyers; c'est assavoir une au Sieur d'Espinat pour en faire lever mille en Bourgongne, laquelle le dict Sieur de Neuers luy fera incontinant tenir, et une autre au dict Sieur de Neuers pour en faire lever semblable nombre en Champaigne,et par tout où il en pourra trouuer en payant.

Dauentaige ayant le hérault Valloys escript à Monsieur le Connestable que le pays de Barroys a esté taxé a quatorze cens quarente hommes de corvée par chascune sepmayne pour la fortiffication de Clermont, et qu'il luy semble qu'il seront beaucoup mieulx emploiez audict Tlioul, le dict Sieur de Neuers advisera d'en prandre ce que besoing sera. Et à ceste fin est escript audict Valloys se retirer incontinant par deuers le dict Sieur de Neuers. Bien est le Boy d'aduis que, pour donner plus de couraige aus dietz hommes de corvée, de besongner que le dict Sieur de Neuers leur face donner à chascun quelque chose par jour des deniers du Roy.

Pour à quoy commancer et satisfaire le Boy a présentement faut bailler au commis du trésorier des repparations, qui est icy la somme de deux mille liures tournoys, et assignation de huict mille six cens soixante et six liures tournois, qu'il va prandre à Chaulmont en Bassigny ; que le dict Sieur de Neuers fera dispencer et mesnager le mieulx et plus utillement que faire se pourra.

Sur tout le dict Seigneur désire qu'il y soit fait extresme dilligence, et que pour cest effect ne soit riens espargné ne eu regard à personne que ce soit de Lorraine, Barroys, ne autre endroit. Et regardera le dict Sieur de Neuers de faire que le Clergé et ceulx mesmes de la dicte ville yaydent et s'efforcent

de tout ce qu'ilz pourront, attendu qu'il est question de leur conservalion.

Aura le dict Sieur de Neuers souvenance d'employer et faire besongner à la dicte forliffication les souldalz et valletz des gens de guerre qui seront en la dicte ville, ainsi qu'il s'est fait en celles qui ont esté fortiffiées, et affin qu'il y en ayt plus grand nombre et que le dict Sieur de Neuers aussi y soit plus fort, pourra tirer et faire venir en la dicte ville de Tboul des places de Dampvilliers, Yvoy, Montmady et autres de la frontière de delà, de chascune une Enseigne, estant la saison telle qu'il ne fault pas craindre que l'ennemy soit pour y pouvoir faire entreprise ; et toutes foys aura regard de ne les desgarnir pas trop.

Le Roy trouve trop excessif l'offre que faict le marchant Béga pour le faict des vivres, et luy semble que, estant la dicte ville de Thoul en pays si habondant, il n'y fault autre provision de vivres que celle que l'on y pourra faire des pais circunvoysins, ainsy qu'il s'est faict es autres places fortes. Desquelz vivres il entend que l'on face ameyner et venir tant de bledz et vins qu'il sera possible. Et pour cest etfect envoyé le dict Seigneur par delà le Sieur de Borran, auquej à ceste fin le dict Sieur de Neuers baillera toutes les contrainctes dont il aura besoing; et affin que le peuple s'accommode plus voluntiers à y amener ses vivres, est nécessaire que ledict Sieur de Neuers leur face bailler logeis à les retirer, et les faire conserver à ce que l'on les leur puisse rendre, si on n'en avoit affaire, et qu'il n'y ayt aucun dommaige, comme il sera besoing leur faire entendre.

Des autres menuz vivres, comme builles, gresses, chandelles, et autres petites choses nécessaires, qui ne se pourront trouuer par le plat pais, ledict Sieur de Borran regardera aussi d'en faire faire provision au meilleur marché que faire se pourra. Et en envoyant ung estât, sera ordonné deniers pour y satisfaire.

Quand au sel, est présentement envoyée une leetre signée de la propre main du Roy, addressant an fermier du magazin et grenier à sel de Chaumont en Bassigny, pour en faire déliurer à celluy que le dict Sieur de Neuers envoiera deuers luy, jusques a dix muydz et au dessoubz, qui luy seront après rabbatuz sur sa ferme.

Le dict Seigneur trouve bon aussi que le dict Sieur de Neuers face faire les mollins à cheual et à braz nécessaires, et de plus tost qu'il sera possible; lesquelz il fera paier sur les deniers des dictes repparations.

Au regard de Partillerye et munytions, le dict Sieur de Neuers doibt avoir souvenance qu'il y en a à Sainct Dizier bonne quantité toute portée pour cella. Et attendant que la dicte ville de Thoul soit en plus grande deffence, pourra y faire mener ung nombre de bacquebuttes à croc, et quelqueunes des pièces legières qui sont au dict Sainct Dizier, auecques une chartée ou deux de pouldres pour servir à éviter une surprinse. Et à mesure qu'elle se fera plus forte, y faire venir les autres, et peu à peu la faire fournir et accomodder de ce qui sera nécessaire. Aquoy le Roy ne luy espargnera riens, et congnoist que la fortiffication de la dicte ville luy est tant et de si grande importance qu'il prie le dict sieur de Neuers et après luy le dict sieur de Bordillon entreprandre et espouser de toute leur affection et autant qu'il scaict qu'ils ayment le bien de son service et avancement d'icelle, les asseurant qu'ilz n'auront faulte de ce qu'ilz scauroienl demander pour y satisfaire, et que le Roy les fera secourir et ayder tout ce qui sera en sa puissance.

Affin que la dicte fortiffication soit mieulx conduicte, le dict Seigneur escript a Frédance le père qu'il ne bouge du dict Tboul, estimant bien que Monsieur le Mareschal de Sainct André s'en passera bien pour le présent, estant Verdun tant avancé qu'il est.

Pour ce par que la leetre que le dict Sieur de Nevers escript

à Monsieur le Connestable, se dict que les villes de delà sont fort desgarnyes de marchandises, et mesmes d'appotliiquarrye, à cause de l'imposition forayne pour raison de laquelle les marchans diffèrent d'y en mener. Le Roy veult qu'il entende qu'il y a lectres dépeschées ainsi qui a asseuré le général de la Chesnaye, par lesquelles il est permis à ung chascun d'y en mener sans paier ladicte imposition en baillant caution de rapporter certiffication aux bureaulx, comme ilz les auront vendues es villes de l'obéissance du Roy, au moyen dequoy il est satisfait à ce que le dict Sieur de Nevers désire en cest endroict.

Le dict Seigneur a faictpourveoir au payement des appoinctez de la bende du Cappitaine Anthoine de Poyrin, et luy suffist aussi que le Cappitaine André de Maye ait seulement sa compaignye entière de cent harquebusiers à cheual, sans ce qu'il la puisse faire de plus granl nombre.

Fait à Compieigne le xxxe jour de décembre 1552.

Henry.

Depuis que le Roy a signé ce mémoire, il a sceu par Rorran que ceulx de l'élection de Langres ont mis douze mille livres sur la dicte élection au lieu des cornées pour les places de Montclerc, Cressy et Montigny. Et pour ce qu'il luy semble que la dicte somme auecques les troys mille liures des cheuaulx d'artillerye de l'élection du dict Langres est suffisante pour mectre les dictes trois places en toute deffence, il prie le dict Seigneur de Neuers faire prandre garde que les dictes sommes soient bien mesnagées, et faire s'il est possible que l'on réduise le faict des fortifications des dictes places k la toyse ou à la hotlée, ainsi que faict faire le Sieur de Rléneau a Yvoy.

de l'Aubesfine.

PIÈCES JUSTIFICATIVES. î"21