FIN

LES HABITANTS DE TOUL SE METTENT SOUS LE PROTECTORAT DE PHILIPPE LE BEL

NOVEMBRE 1300 Archives Nationales, AE. II, n". 303

Sachent tuit presenz et avenir que nous li maires, li maistres eschevins et li universiteis des citains de Toul, pour la pais et pour le profit de nous et de toute la citei de Toul, avons souplié et souplions ta très excellant et puissant prince et signeur Ph[ilippe], par la grâce de Dieu, roi de France, que il nous, nos biens et nostre citei receust a tousjours perpetuelment en sa garde et en sa protection, et maintenons et avons maintenu devant lui et devant sa gent que nous poons, nous et nostre citei, souzmettre en la garde et souz la protection de quelconque prince et signeur, et bien l'avons acoustumei de si lonc temps que il n'est mémoire don contraire; car nous sommes de si franche condition que nous ne devons au roi d'Aleinaingne, à l'esveque de Toul, ne au chapistre de Toul, ne à autre signeur, taille, ne prise, ne ost, ne chevau-

1. Pour ne pas trop grossir ce volume l'auteur publie très peu de pièces justificatives; les curieux pourront facilement se procurer les autres pièces dont il indique toujours l'origine. Il serait heureux de communiquer les documents qui sont en sa possession.

chiée, ains poons querre et avoir gardain, teil comme il nous plaist; et bien l'avons acoutumei par le temps desus dit, sans le consentement dou roi d'Alemaingne, de l'esveque et dou chapistre de Toul, ne d'autres, quelz qu'ils soient. Et pour occhoison de la garde dou roi de France, ne volons nous faire ne ne faisons préjudice au roi d'Alemaingne à l'esveque ne au chapitre de Toul ne à autres; ains volons servir le roi de France et estre en sa garde, sauf le droit d'autrui, et faire à chaucun tout ce que nous seriens tenuz. Et avons offert et offrons audit roi de France et à sa gent que nous li donrons chaucun an dous soulz de petis tournois pour chaucun feu, et estimons que il i a bien dous mile feus de nous citeins; et se il i avoit acun défaut dou nombre des feus ou dou paiement jusques à dit nombre de deus mile feus, nous le preferiens; et se plus i avoit, li accroissemenz seroit le roi, et paierons ceste pension à la feste Saint-Martin d'Yver, et la ferons lever à nous despens par un sergent que l'en nous doit prester de par le roi. Derichief nous li avons offert et offrons qui tuit nostre citain pour tant armes à pié et à chevaul serviront le roi es marches de Champeingne, de la contée de Bar, de l'esvechié de Mes, et de la duchié de Lorraingne, et iront à son commandement, sauf ce que la citei demeure souffisamment garnie pour lui gardeir, et sauf ce que nous ne serons pas tenuz d'aler contre l'empereur ou contre l'esveque de Toul, se il esvequenenous meffesoit. Et quant notre citain istroient horz au commandement dou roi, nous irons le premier jour à nos despens, et ausi le secont jour, si nous estiens au retour; et si nous demeriens, nous seriens maismement le secont jour et d'enqui en avant, tant comme nous i demorriens aus despens le roi, en teil manière que li homs à chevaul aurait trois soulz de petis tournois, et li abelestriers à pié douze deniers tournois chaucun jour, et li autre petite gent seur leur pourvéance et leur gaaingne. Et entendons et voulons que li rois de France et ses gens aient leur

recet en la ville de Toul, et leur devons soingnier vendange dedens la ville et defors près de la ville, parmi l'argent le roi de France desus dit, ou de sa gent, sauf le droit d'autrui. Et se par aucune aventure avenoit que li dus de Lorraingne, li cuens de Bar ou li esveques de Mes, ou aucuns d'aulz prissent do nostre ou meffeissent en aucune manière à nous, et il entraioieivt à roi ou à sa gent, et les gens le roi les requeissent ou mandaissent que il délivrassent, recreussent ou rendissent ce que il averoient pris, et amendassent leur meffait, se il vouloient dire que à bonne cause et à bonne raison l'eussent fait, les gens le roi doivent en la manière que il pourront par raison faire recroire ce que il auroient pris et à eus assignier jour lai où il seroient à aise : C'est asavoir à Vauquelour, à Nuefchastel, ou à Andelo; sauf ce que la querele doit estre démencie de plain sanz prévosté et sanz assise; et ne porrons estre plus loing mené pour respondre de nulle querelle que es liens devant nommez. Et ce aultre gens, oultre ces trois bairons, nous savoient que demandeir ou nous vouloient traire en cause quele que elle fuist, nous responderiens et feriens droit devant la gent le roi dedens la dilte citei de Toul, lai où nous avons acoutumei en cas apertenant a fait de garde. Et nous doit li rois de France garder et maintenir en teil droit et en en teil franchise, comme nous sommes à jour d'ui, à nos despens; sauf en touteschouses les coustumes, les establissemens et autres drois dou roiaume de France, et tout droit d'autrui; ne nous ne porrons jamais faire ne avoer autre gardien contre sa volontei. Et en la manière desus ditte, nous melons, nous, nostre citei et nos biens en la garde et en la protection dou roi de France et de ses successours perpetuemenl. Et promettons par nos sarremens toutes ces choses dessus dittes, quant est et iert en nous à tenir fermement et acomplir. Et quant auschouses desus dittes tenir et acomplir, nous obliions au roi de France nous, nostre citei, nous citains, nos hoirs et nos successours et nos biens.

Et pour ce que ces chouses soient fermes et estaubles à toujours, nous avons fait mettre en ces présentes lettres le saiel de nostre universitei des citains de Toul, douquel nous usons. Ce fut fait à Toul, l'an de l'incarnation nostre signeur, mil et trois cens, ou mois de novembre.

Beau sceau de cire brune scellé sur lacs de soie rouge, fort bien conservé.