Dixit autem Dominus ad Jehu

Quia studiose egisti quod rectum erat et placebat in oculis meis, et omnia quse erant in corde mec fecisti contra domum Achab, filii tui usque ad quartam generationem sedebunt super thronum Israël.

31. Porro Jehu non custodivit ut ambularet in lege Domini Dei Israël in toto corde suc; non enim recessit a peccatis Jéroboam , qui peccare fecerat Israël.

32. In diebus illis coepit Dominus taedere super Israël ; percussitque eos Hazael in universis finibus Israël ,

33. a Jordane contra orientalem plagam , omnem terram Galaad , et Gad , et Ruben, et Manasse, ab Aroer, quae est super torrentem Amon, et Gulaad, et Basau.

34. Reliqua autem verborum Jehu, et universa quae fecit, et fortitudo ejus, nonne haec scripta sunt in libro verborum dierum regum Israël?

35. Et dormivit Jehu cum patribus suis, sepelieruntque eum in Samaria; et regnavit Joachaz, filius ejus, pro eo.

36. Dies autem quos regnavit Jehu super Israël, viginti et octo anni sunt, in Samaria.