II. Parterre

TAPrs ou Tapisseries, sont proprement couuertures et ornemens, dont on se sert a couurir les parois, planchers, chaires, tables, et autres choses des maisons, pour les parer et orner. ladis il n’y auoit que les Rois et grands Seigneurs qui en eussent dans leurs Palais, d’autant que la manufacture en estoit chere et precieuse, et les ouuri,ers rares, mais maintenant que les esprits sont plus subtils aux inuentions, qu’ils n’estoiët par le passé, il y en a de tant de sortes et à si grand prix, qu’il y a moyen d’en contenter les plus grâds et les petits : De sorte que nous voyôns vn chacun auoir sa maison, ou sa petite chambrette, tapissée par tout.

Nul ie croy ne peut reuoquer en doute, la noblesse, excellence, et antiquité de la manufacture des tapis, ou tapisseries ; puisque Dieu seul tout puissant et eternel en a donné l’inuention, et s’en est voulu seruir en son sainct Tabernacle, comme les sacrez cahiers nous le tesmoignent en Exode. Chap. 35, où Moyse parlant au peuple d’Israël dit ainsi : Ecce uocauit Dominus ex nomine Betsaleel' , etc. impleuit que eurn Spiritu Dei, Sapientia et intelligentia etc. Oholiab quoque filium Achisamech ambos erudiuit sapientia, utfaciant opéra Abiëtarü, Polymitarü ac plumarü, de Hyacintho et purpura, coccoque bis tincto, et bysso, et texant omnia, ac noua quæque reperiant. Et au trente-huictiesme chapitre, Qiiœ Betsaleel domino per Moysen iubente

. Betsaleel. (Note de P. D.)

compleuerat, iuncto sibi socio Ooliab, etc. qui et ipse artifex lignorum egregius fuit, et polymitarius , atque plumarius ex hyacintho, purpura, vermiculo, et bysso.

Qui est donc celuy qui peut contempler l’admirable et industrieuse tissure de ce pauillon ou voile dressé à l’entrée de ce superbe tabernacle, où ceste Maiesté diuine se deuoit communiquer aux hommes, sans estre remply de merueille et estonnement : aussi estoit-il la figure de ce cœleste et eternel tabernacle, où nos âmes bienheureuses doiuent vn iour face à face contempler leur souuerain Dieu et créateur éternellement glorieuses , Qui ne s’escriera auec le Poète :

O felix tantis quœ primum industria rebus Prodidit Authoreml Deus ille, aut proxima diuis Mens fuit, in coecas aciem quœ magna tenebras Egit, et ignauum perfudit lumine vulgus.

C’est aussi ce que Platon en son Sympose a estimé l’inuention des arts si prodigieuse et supernaturelle qu’il a creu que Dieu en estant l’autheur l’auroit enseignée aux hommes, et auroit dit spécialement de la manufacture des tapis, et l’art de tistre venir de la main de Minerue.

Mais laissant les autres arts à part, nous pouuons asseurer que l’art de la tapisserie a cela de priuilegié, que son premier vsage auroit esté appliqué au seruice du Tout-puissant, et par son commandement auroit esté spécifiée et inspirée Içi méthode, l’industrie, manufacture, les estoffes, et couleurs par l’esprit de Dieu en l’entendement humain, ayant premièrement dissipé les tenebres de l’entendement de ces deux personnages abbrutis parmy l’erreur des deserts auparauant de leur communiquer l’entière clarté et l’intelligence requise à

si beaux ouurages, ny qu’eux mesmes en fussent susceptibles.

Tant y a que nous voyons plusieurs arts et mestiers auoir esté attribuez à l’inuention des hommes, mais la manufacture des tapis et tapisseries, et choses qui en despendent, estre par vn tesmoignage véritable de l’Escriture saincte rapportée au seul Dieu qui est de toute éternité : Qui n’a rien commandé estre faict en la loy ancienne, qui n’ait contenu en soy plusieurs mystères et secrets admirables pleins de signification et energie pour nostre salut.

Car quand il a voulu que ces courtines et cest habillement Pontifical fussent tissus de crespe retors teinct en couleur d’escarlatte, d’hyacinthe et de pourpre, qui nous signifient les quatre éléments; que sa bonté nous donne pour la nécessité de nostre vie, et sans lesquels nous ne pourrions subsister vne minute : Il nous donne à entendre que nous ne pouuons paruenir en son tabernacle eternel sans ses grâces qu’il nous a distribué gratuitement, et par sa bénignité immense et incôpréhensible.

Ceux qui se cognoissent aux blasons des couleurs scauent que par l’escarlatte brillante à nos yeux nous est représenté le feu :

Ardenti cocco radiare, dit Strabo et Siluius^,

At contra ardenti radiabat Scipîo cocco^.

Ceste teincture d’escarlatte se faict d’vne graine provenâted’vn arbre semblableal’Ieuse, ainsi que tesmoignent Pline et Discoride, et plusieurs teinturiers en laine.

Par l’hyacinthe, qui est de couleur bleue, ou perse, nous est représenté l’air, principal element de tous ani-