Id., 1. 17. (Note de P. D

maux qui rampent sur la terre, d’autant que ceste fleur Orientale est de la mesme couleur que ce que nous voyons parmy la vague de l’air, à scauoir le bleu.

Il y a plusieurs sortes de hyacinthes et de plusieurs couleurs, de rougeastres, de violets, de pourpre, de blanc, de bleu obscur, et de bleu clair : mais les plus communs sont de bleu clair, qu’on appelle auiourd’huy bleu mourant, qui est de la couleur de l’air. Ils sont ordinairement appeliez Vaccietz du mot latin Vaccinium, et quand Virgile au second de ses Egloges dit Alba Ligustra cadunt vaccinia nigra leguntur Il entend parler de l’hyacinthe cheuelu, que les Arboristes appellent hyacintus comosus, qui est fort commun parmy les champs, et a plusieurs filaments d’vn violet fort obscur au sommet d’iceluy. Et Ouide en ses Métamorphosés decriuant la mort d’Aiax lors qu’il dit :

Rubefactaque sanguine tellus

Purpureum viridi genuit de cœspite florem, etc.

Il entend parler de l’hyacinthe purpurin ; mais celuycy c’est l’hyacinthe Oriental estoillé, ayant la forme d’vne estoille lors qu’il est regardé de front, lequel n’a esté en vsage en ces contrées, que depuis que la loüable curiosité de quelques Simplistes nous les ont apportez des pays Oriëtaux. C’est pourquoy ils en retiennêt encore le nom.

Par le pourpre nous est despeinte la terre de couleur noirastre, massiue et non resplendissante, ny diaphane, comme les autres couleurs, à cause de son espaisseur. Et voyons nous ordinairement les métaux, qui prouiennent de la terre ietter ceste couleur purpurine lors qu’ils ont passé par le feu, comme quand Virgile dit

Ferrugine tinctus Ibera.

Il entend les heaumes de fer qui auoient passé par le

feu, ayans acquis ceste couleur de pourpre, que nous appelions brunissure ou couleur d’eau ; ainsi que faict tout fer bruny passé par le feu, tous les métaux en font de mesme, mais en l’or et aux fueilles de cuiure qui se mettent sous les pierres précieuses, il s’y fait non seulement ceste couleur, mais vn tres-beau violet, vn beau rouge et vn vert, tirans aux couleurs de l’Iris cœleste, qui se font par vne menue bruine causée des vapeurs de la terre, qui s’esleuent à l’opposite du Soleil.

Ceste couleur si precieuse, dont les vestements des anciens Empereqrs, et les robes des Sénateurs Romains, et ce lin de ce précieux tabernacle estoient teints, n’est plus maintenant en vsage, et auons perdu ceste excellente teinture, qui prouenoit, comme dit Pline liu. 9% c. 36, d’vn poisson du genre de ceux qui portent coquilles qu’on appelle pourpres, portant en la gorge ceste precieuse liqueur.

lulle Pollux dit que l’inuention en fut trouuée par Hercules, lequel cheminant auec vne ieune fille par les champs, et se reposans sur le bord de la mer, arriua que ceste pucelle voyant vn chien mangeant vn de' ces pourpres, et ceste teinture luy resortant par les mâchoires, la trouua si parfaictement agréable, qu’elle iura a Hercules, qu’il ne se passeroit de là en auant aucune chose entre luy et elle, qu’il ne luy eust donné vne robe de pareille couleur, ce qu’il fit.

Or nous auons maintenant d’autres teintures qui equipollent à celle-là, mais qu’elles soient si belles et de telle durée, l’auarice, tant des marchands teinturiers et ouuriers, que de ceux qui veulent auoir les choses pour rien, nous en empesche.

Par ce lin ou ce fil de cotton deux fois retors suscep-

tible de toute couleur, nous est représentée l’eau propre à receuoir toutes sortes de figures et couleurs qui luy sont mises à l’opposite, comme les glaces des miroirs, ou bien lors que quelque couleur est meslée auec. Les autheurs anciens affirmët qu’il procédé d’vn arbre qui croist en Achaie, corne dit Pline. lulle Pollux dit qu’il en croist aussi aux Indes Orientales et en Égypte. Philostrate asseure qu’il vient d’vn arbre aussi haut que le peuplier, et ayant les feuilles semblables aux saules. La commune opinion et la plus probable est d’estre blanc : encore qu’il soit dit, qu’Apolonius fut fort aise d’en auoir trouué de couleur brune semblable à son habit, ce qui n’est vraysemblable ; car estant tel, il n’eust pas esté propre pour prendre toutes cesdites couleurs, comme fait le blanc.

C’est ce que nous appelions auiourd’huy crespe fin, que l’on peut teindre en diuerses couleurs.

Mais c’est vser icy d’vne trop longue digression, retournons à la noblesse, excellence et antiquité de nostre Stromatourgie, laquelle anciennement n’estoit tissuë tout au plus que de quatre couleurs, comme Pline tesmoigne, lequel contemplant tant de varietez de couleurs inuentées de son temps, admiroit l’antiquité, qui auec quatre couleurs seulement, du blanc, du vert, du rouge, et du noir, auoit sçeu faire tant d’immortels ouurages. Contemplatione tôt colorum, tanta varietate subit antiquitatem mirari quæ quatuor coloribus solis, ilia immortalia opéra fecerit^ albo, viridi^ rubro, nigro : omnia ergo meliora fuerunt, cum minor copia : nunc rerum^ non animi prêt iis excubatur.

Aussi les Turcs et Persans, retiennent encore ceste méthode, que de n’vser en leurs Tapis, que de sept principales couleurs, qui sont la base et fondement (ou

selon l’art) le pied de toutes les autres. Or l’artifice d’auiourd’huy est de beaucoup plus admirable, quand il n’y a pinceau qui puisse si bien adoucir les couleurs, ny les mesler ensemble, comme faict la quantité des. nuances que nous voyons maintenant sur chacune desdites teintures.

Or laissant ces particularitez nous deuons considérer et tenir pour certain, si nous voulons croire au liures de Moyse, que toutes les manufactures sont prouenuës des Hebreux, puis que selon nos liures sacrez, ç’a esté le premier peuple qui a habité la terre. Et est à présumer que les Égyptiens, ausquels Pline attribue la tissure : Ægyptiis textilia l’auroient apris d’iceux.

Tant il y a qu’en tout et par tout il se peut remarquer combien est ancien l’art de faire de tels Tapis, ou couuertures pour orner les maisons : ou l’art de tistre, sous lequel mot, sont compris plusieurs arts et mestiers qui dépendent de la tissure, que Platon en son Politique, et en ses autres Oeuvres divise en Hyphantique * , qui est la plus excellente pour le trauail de la laine : l’Histoutgie^ et autres qui en approchent ; voire mesme nostre Stromatourgie y est incluse, y tenant le principal et plus haut degré : iusques-là que ce grand Philosophe s’esbat a desnombrer par le menu les outils et instrumens d’icelle, exprimer les noms de chacun, à quoy ils seruent et la metode de s’en pouuoir seruir.

le ne veux pas dire que ce fut vne mesme fabrique, comme celle que nous auons maintenant, d’autant que l’esprit plus subtilisé que deuant, la main plus adextre, l’experience plus certaine, l’inuention plus exquise, et