I. En marge ; Quel doit estre le lieu

encore sçeu iouuïr, ayant esté empesché par les menées et sourdes pratiques du dit Lourdet, désirant tousiours estre seul : et par les administrateurs des pauures, lesquels en ont tousiours voulu faire vne escolle. Ce qui est du tout contraire a l’establissement de ladite manufacture, car Minerue et Vulcan ne s’accordent pas bien ensemble, et d’abondant il arriue souuent, qu’entre les enfans qui vont aux escolles et ceux qui trauaillent, il y a beaucoup de contrarietez, d’autant que les vns se ioüans, incitent ceux qui trauaillent à faire le semblable, et y sont quasi comme contraints ; de façon que bien souuent par malice, rompent ou gastent des estoffes, ou ne font rien qui vaille quand ils se voient retenus au trauail : en apres il se void bien souuent se faire deux brigues pour s’entrebattre et s’entre quereller, qui cause d’ordinaire des noises et diuorces entre ceux-mesmes qui ont la charge de cette ieunesse : a quoy Messieurs les administrateurs pourroient facilement remedier, en enuoyant les enfans qui seroient pour l’escolle aux autres Hospitaux, et ceux des autres Hospitaux qui seroient destinez au trauail, les amener en la maison de la Sauonnerie, de sorte qu’il n’y auroit qu’vn exercice dans la Sauonnerie et vn autre dans vn autre Hospital, et ne seroit tousiours que la chose mesme.

Pour l’apprentissage desdits enfans, ils seroient obligez, ainsi que le portent les lettres dudit establissement, mais il seroit de besoin de n’en obliger que cinquante les premières six années, et au bout des trois ans desdites six années, en obliger cinquante autre, afïin que les premiers monstrassent aux derniers. Il seroit necessaire que lesdits deux entrepreneurs eussent vne bonne intelligence ensemble, et que ce ne fust qu’vn.

affin que quand l’vn seroit absent aux négoces de dehors, l’autre suppleast au deffaut, pour veiller sur lesdits enfans : ils pourroient estre neantmoins logez séparément et n’avoir rien de commun l’vn auec l’autre. Il seroit expédient aussi, que tous différends, qui pourroient exciter quelque grand diuorce, ou trouble, ou causer quelques sinistres accidens fussent terminez par Messieurs les Directeurs ou Administrateurs, ou par celuy qu’il plairoit à Messieurs du Conseil y commettre.

Que les officiers, seruiteurs, seruâtes, et autres pauures ouuriers qui voudroient trauailler dans ladite Maison, pour y gaigner leur vie, seroient au gré des dits entrepreneurs ausquels ils obeyroient, affin de coupper la racine de toutes diuisions et querelles, ce qui arriue ordinairement à ceux qui ont à obeyr à deux maistres.

Pour la nourriture desdits enfans, et leur entretenement, celle des officiers, seruiteurs et seruantes, chaufage, blanchissage, et autres choses necessaires leur seront administrées par lesdicts administrateurs, ainsi que de coustume, ou pour le mieux, par lesdits entrepreneurs, ausquels pourroit estre distribuée une somme suffisante tous les mois, ou toutes les sepmaines, par telles personnes qu’il plairoit a Messieurs du Conseil, de laquelle ils respondroient par corps.

Voila à peu près ce qui est du general, sauf a Messieurs du Conseil y adiouster ou diminuer.

Pour les reglemens particuliers, ils se font selon les lieux, et le temps, et les personnes, c’est pourquoy il n’est besoin icy d’en traiter.

Or d’autant que i’ai promis d’enseigner icy, tant qu’il me sera possible, la metode de bien trauailler esdits tapis, i’en toucheray icy vn mot en passant en faueur

des enfans bien nais, et qui s’addonneront à la vertu, ensemble des choses requises et necessaires pour faire de plus beaux ouurages qui se soient encore veus, combien que telle chose dépende de la prattique.

Quiconque donc voudra estre bon ouvrier, il est de besoin qu’il sçache la pourtraiture et la peinture a destrempe, et qu’il en aye les outils necessaires, affin qu’il n’emprunte rien de personne, et qu’il sache faire luymesme ses patrons et desseins.

Qu’il soit propre^ et net de sa personne, habile et diligent en son ouurage, et adroit en toutes ses actions. Sur toutes choses qu’il aye la crainte et amour de Dieu deuant les yeux, et quand il sera à son ouurage, qu’il garde le silence, car :

Pluribus intentus minor est ad singula sensus.

Il est impossible de songer à deuiser et à son œuure, et ne faut qu’oublier vn poinct pour corrompre la proportion de quelque compartiment ou d’vne fleur.

Pour les outils que doit auoir l’ouurier, c’est premièrement, comme i’ay dit, ceux de l’illuminure, lesquels ie descriray en autre lieu, auec les portraicts de tous les outils necessaires audit art, ensemble la maniéré de trauailler en or et argent ; il se doit fournir ^ d’vn bonet, d’autant qu’vn chapeau ayant de grands bords, luy oste le iour, vn trenchefil, vn peigne, et des cizeaux qui soient pendus à sa ceinture, affin qu’ils ne puissent tomber à terre et qu’ils ne se rompent en tombant, deux cens de broches de buis ou d’ebene, ou de quelque bois dur, affin que le ver ne s’y puisse mettre, vne boiste a deux ou trois tiroirs, séparée par le dessus en plusieurs quarrez : vne mesure de deux ou trois pieds