En marge : La seconde chose requise

comme l’homme d’Eglise, le concierge, maistres et entrepreneurs, portier, peintre, menuisier, et autres pauures personnes qui pourroient gaigner leur vie sOubs lesdits maistres, à Aller et retordre les laines, fil, soye, et à deuider icelles, et faire autres choses necessaires : de sorte que ce seroit vne petite republique, autant agréable à voir, comme vtile et necessaire à retirer vne quantité de faineans, qui gaigneroient leur vie paisiblement à la descharge du public.

Le lieu estant capable ^ , il seroit aussi requis qu’il fust proche de l’eau, et qu’il y eust fourneaux garnis de leurs chaudières et autres vstensilles pour la teinture, comme est la Sauonnerie près Chaillot, de laquelle maison il seroit de besoin en esloigner les esgouts, l’infection desquels n’apporteroit pas seulement des dangereuses maladies aux habitants dudit lieu, mais empescheroit d’y pouuoir travailler en or et argent, d’autant que ces deux métaux noircissent estrangement dans vn mauuais air, et les laines et soyes y ternissent.

Pour le reglement general et particulier, cela appartenant a Messieurs du Conseil, qui s’en sont reseruez la direction de la dite manufacture. le le desirerois laisser soubs le silence, n’estant à vn particulier d’establir des loix sur vn general ; toutesfois en disant mon opinion, ie ne pense point encourir aucun blasme.

Donc il me semble, soubs correction, que la Maison de la Sauonnerie ayant toutes les choses requises à nostre Stromatourgie a esté iustement par le Roy et Messieurs de son Conseil concédée à Pierre du Pont inuenteur de ladite manufacture, et à Simon Lourdet iadis son aprenty, de laquelle toutesfois ledit du Pont n’a