En marge : Que doit faire premièrement l’ouvrier

grosse, ou deliee, selon l’ouurage qu’il veut faire ; et d’icelle en prendre la dixième partie, pour la teindre en quelque couleur, pour faire ses dixaines. En apres ' il faut qu’il en prenne vn brin, et qu’il en enueloppe sa susdite mesure dans l’espace d’vn poulce seulement, pressant son brin l’vn prés de l’autre s’il veut faire l’ouurage fin, ou les esloignant l’vn de l’autre s’il le veut grossier, et remarquer par ce moyen combien il y a de poincts audit poulce, en comptant lesdits brins qui sont entrez dans ladite espace de poulce, et par ainsi ayant facilement iugé combien de dixaines entrent en la largeur de son œuure, et en la longueur, il pourra faire ses patrons sur son papier imprimé^.

En apres sa chaisne estant deuidee en pelotons®, il la disposera en trois, ou en deux, ou simple, qui est la manière la plus certaine, mais plus longue ; et ageancera ses cheuilles en sorte sur son ourdissoir, qu’elles soient disposées à l’esquierre, c’est-à-dire, qu’elles ne penchent ny d’vn costé, ny d’vn autre, affin que les fils soient esgaux, et spécialement celles du support : Et ainsi il commencera à ourdir sa chaisne, lui donnant tousiours 4. ou 5. pieds de longueur plus que l’ouurage ne porte, affin d’auoir ieu, sur la fin d’iceluy. Il ourdira donc à trois, ou deux à deux, ou vn brin seul, et prendra bien garde à bien faire sa croisure, et ne point mettre dauantage, que neuf points et puis la dixaine. Et en cecy il faut que l’esprit soit entièrement occupé, et non diuerty, c’est pourquoy le silence y est extrêmement requis.

Ayant donc ourdy ainsi vne portée de dix, ou de