En marge : Ourdissure

vingt, ou de trente dixaines, selon que les cheuilles peuuent porter et contenir, il y passera de petites ficelles, et les noüera, affin de retenir tousiours la dite croisure, et continuera de rechef, si besoin est, tant qu’il aye autant de largeur, comme son ouurage le requiert.

Puis ayant passé le verdillon de l’ensouple haute \

■ par dedans la première espace de la croisure, et l’ayant chargé de toute la chaisne, il arrestera icelle avec vne ficelle attachée aux deux extremitez dudit verdillon, affin qu’elle n’en puisse eschapper : et par apres il passera deux cordes dans les deux autres espaces de la croisure, où les petites ficelles sont nouées, lesquelles il desnoüera et arrestera très bien les deux bouts de ses deux dites cordes, de peur que la croisure ne se perde : et par ainsi estendant ladite chaisne du long de son vautoir ouuert, il disposera facilement tous ses fils dedans chaque dent d’iceluy, selon la largeur de sondit ouurage, y donnant enuiron demy pied de chasque costé dauantage, pour empescher la restressissure qui arriue ordinairement. Et ayant ainsi disposé sa chaisne, il fermera ledit vautoir le liant fort bien de deux en deux pieds de peur qu’il ne s’ouure.

Ayant bien arresté tout ce que dessus il desliera les dites deux cordes et montera son verdillon en haut, se faisant ayder par quelqu’vn à le poser dans la haueure de l’ensouple haute : puis y ayant arresté ledit verdillon auec les petites clauettes, il donnera vn tour à ladite ensouple, et alors il arrestera son vautoir par les deux bouts aux montans du mestier affin qu’il ne varie nullement, et ainsi en tournant icelle ensouple, il desmes-