Monture

lera aisément sa chaisne, laquelle s’enuelopera à ladite ensouple, ou estant à competente hauteur, il prendra le verdillon de l’ensouple basse, et le passera dans l’anneau de sadite chaisne, puis l’arrestera dans la heueure de ladite ensouple auec les petites clauettes disposées de pied en pied. Estant la chaisne ainsi disposée de la largeur que l’ouurage doit auoir seulement, il retiendra l’ensouple haute, affin qu’elle ne puisse rouler qu’a force, et puis apres il roulera de force celle d’en bas, et les filets s’enuelopans ainsi de force se banderont également en les desmeslant a mesure : De sorte que ayant ainsi recommencé ces tours d’ensouples alternatiuement auec effort, il trouuera sa chaisne tendue esgalement par tout.

Par apres * , ayant tout roullé ladite chaisne sur l’ensouple haute, et l’ayant bandee et arrestee auec le chable, tentoir, ou levier, cheuille et hardiere : il luy conuient trenchefiller sadite chaisne par bas auec de la ficelle, qui sert comme vn second vautoir, pour ranger ses fils chacun en sa place.

Le trenchefil estant faict^, il conuient mettre la perche de lisse sur ses deux cheuilles, et ayant quelque baston bien vny, le passer dans ladite croisure ou est la première corde, et auoir deux petits aix qui soient de la longueur qu’il voudra faire les lisses, qui embrassent la perche de lisse et ledit baston : et ayant la ficelle câblée, deuidée en pelottons, il fera les lisses comme il appartient. ‘ ‘

Les lisses estant faictes, il ostera ledit baston et les deux petits aix, et passera son baston de croisure à l’endroit dudit baston que vous aurez retiré, qui sepa-