I. Lisière

Comment et par qui laditte Stromatovrgie a esté introduicte en France.

II IL Parterre.

PIERRE Dupont natif de Paris, fils de Noble homme M® François Dupont, viuant Trésorier et Payeur de la Gendarmerie de France, et de Damoiselle Gillette Guiot : ayant quitté ses estudes incontinent après les Barricades de Paris, à cause de l’absence de sonditpère, qui pour lors estoit au seruice du Roy en l’exercice de son Office, Et se voyat par ainsi oisif et sans occupation, s’adonna de luy mesmesà plusieurs ouurages, ainsi que peuuent faire les enfans, plustôt par ieu et manière de passetemps, que pour quelque dessein qu’il eut d’en faire son proffit à l’aduenir. '

Or entre autres ouurages esquels il occupa son esprit pendant ce malheur du temps (auquel toute la France se voyoit presque aux abois : et pour diuertir aucunement l’importunité d’vne nécessité extrême en laquelle luy et ceux qui estoient pour lors enfermez dans Paris estoient réduits) furent, affin de couper court, toutes sortes de tapisseries, tant à l’esguille, que faictes sur les mestiers, et à la pourtraicture et illuminure^ : Ce qui luy reüssit assez heureusement , et principalement en la manufacture des tapis de Turquie, et autres ouurages du Leuant, qui se font auec l’esguille, desquels il inuëta les outils et la vraye metode pour y faire trauailler des enfans auec facilité.

Or tout ainsi qui auoit l’espreuue de tous ces ouurages I . Commencement de ladite manufacture.

sans aucun dessein, aussi en quitta-il bientost l’exercice, se contentant seulement de sçauoir diverses choses et d’en pouuoir parler passablement.

Mais, soit par le malheur du temps, soit par les procez suruenus après la mort de sadite mère, pendant son bas aage, soit par les debtes accumulées durant tous ces troubles, soit aussi par l’ambition et auarice de ses plus proches : la pluspart de ses biens ayant esté vendus et dissipez, fut contraint d’auoir recours à ce qu’il auoit' autresfois practiqué par plaisir, pour subuenir à sa vie.

S’étant donc adonné à l’Illuminure, feu Madame de Chasteauneuf^ (que Dieu absolue) comme elle estoit Dame très-vertueuse et adonnee du tout à la pieté et déuotion, prit ledit Dupont à son seruice pour luy faire quelque paire d’heures d’Illuminure, et autres ouurages. Dequoy s’estant fidellement acquité, il fit veoir aussi à la dite Dame quelque temps apres (comme à la plus curieuse de Paris) quelques eschantillons de toutes sortes d’ouurages de Turquie faicts d’or, d’argent, de soye, et laine, lesquels comme chose non encore veuë, elle présenta à la Royne Mere, qui les fit voir tout à l’heure au feu Roy ; Lequel peu de iours après allant voir les peintures de sa Gallerie, et de sa sale des Antiques, que feu M. Bunel son peintre faisoit alors, et entrant en la maison dudit Bunel, vid vn fonds de chaise faict d’ouurage de Turquie, que ledit Dupont y avoit laissé, et se resouuenant de ce que feuë Madame de Chasteauneuf, en auoit rapporté à la Royne commanda à feu M. de Fourcy, Intendant de ses bastiments et manufactures, de faire venir ledit Dupont en sa présence, ce qu’il fit le lendemain en la Gallerie haute.