ELEGIE

SVR VN TABLEAV FAICT d’ouurage de Turquie, ou la Vertu voilée assise sur vn fumier est représentée sans pieds et sans mains et pour deuise est au bas

VIRTVS INVISA VILESCIT

D’où vient en ce temps-cy cest enigme nouveau Où la vertu se veoit despeinte en vn Tableau, Tendant les bras au Ciel, et la face voilée Toute confuse en deuil, sa robbe deschirée,

Scise sur vn fumier, et sans pieds et sans mains Demeure comme vn spectre en horreur aux humains ? Et que sert ce fumier qui dans sa salle ordure La Science et les Arts réduit en pourriture?

Sçache (AmyJ quoy qiCvn homme esclatte de vertu Et qu’il soit d’vn scauoir exquis tout reuestu,

S’il n’est pourtant cognu et porté dessus l’aile De la faueur des Grands comme à eux naturelle Ou si de leur pouuoir enfin n’est assisté Misérable il croupit dans la nécessité C’est comme vn Diamant dans la salle poussière Qui n’ esclatte sinon que par autre lumière.

O est un corps mutillé et de pieds et de bras Qui ne peut seulement desmarcher d'vn seul pas Pour exposer au iour l’effect de sa science Quoy qu'il le face voir par son expérience. Voila comme aujourd'huy quoy qu’ onsoitvertueux On ne peut sans support en ce monde estre heureux.