A TRES HAVT ET TRES

PVISSANT SEIGNEVR MESSIRE

CHARLES DE LAVBESPINE

SIEVR DE CHASTEAVNEVF & de Préaux, Cominandeur & Chancelier des Ordres de Sa Majesté, & Garde des Seaux de France.

L’honneur que i’ay receu en mes ieunes ans,

d’auoir rendu seruice a feue Madame vostre mere (que Dieu absolue) lors qu’elle me receut en sa maison pour luy faire quelques ouurages, m’a fait entreprendre la hardiesse, de vous consacrer de rechef comme a l’heritier de ses uniques vertus ces fruicts de ce mien hyuer ; les premières fleurs desquels ayant esté espanouyes aux yeux de ce grand monarque henry iv, par la diligence et débonnaireté de vostre dite Dame et mère, qui les a si bien conseruées et maintenues pendant son vivant : que maintenant vous pouuez de vostre puissance et authorité en rendre les fruits en leur parfaite maturité. Je scais bien. Monseigneur, que les considérant en leur estre simple et particulier, qu’ils sont indignes de vos grandeurs :

Mais les regardant a l’esgard que Madame vostre mere leur a donné le premier accroissement, et comme produits au iour, ie ne doute nullement que suiuant les mesmes vertus paternelles et maternelles, vostre admirable bonté ne les reçoiue d’un œil bénin et fauorable, ne les protégé et defende des bruines de la mesdisance

ONSEIGNEVR

et de l’enuie, n’en accroisse les plantes par un ferme et solide establissement, et qu’elle ne fauorise quant et quant mes iustes et loüables desseins, qui ne tendent qu’à l’honneur et utilité de la patrie, et à une meilleure et salutaire instruction de cette ieunesse grandement fainéanté dans les hospitaux, qui redondera au soulagement du public et au proffit d’une infinité de panures. Ce sera l’aisle seule de vostre vertu singulière dont ma dextre s’emplumera, qui luy donnera la force de sousleuer ce pesant fardeau de la nécessité, en laquelle i’ay esté précipité, par l’enuie et l’ambition de quelques uns : fardeau soubs lequel ordinairement sont accrauantez et enseuelis les plus beaux arts et les plus rares inuentions.

Je ne requiers. Monseigneur, que vostre équitable Justice pour cet effect, qui seule suffira pour terrasser et anéantir leurs malicieuses prattiques, qui m’ont priué du bien et de l’honneur que mon labeur et industrie depuis trente années que i’ay employées au seruice de leurs Maiestez et a l’aduancement de la dite manufacture, m’auoient iustement acquis pour en faire triompher l’ingratitude.

Geste Stromatourgie, ou manufacture, qui vous est ce iourdhuy offerte. Monseigneur, ne marchant doresnauant que soubs la conduite de vos pas, ne sera plus ternie d’auarice ny d’ambition, mais se dilatant par tout ce Royaume soubs les heureux auspices de vostre grandeur et authorité, fera remarquer la gloire de vostre nom parmy les estrangers, diuersifiée en autant de vertus, comme il y aura de diuersité de fleurs et de couleurs en ses tapis. Vous ferez par ce moyen le seul compas de proportion, la reigle, le niueau, le crayon et le pinceau qui proportionnera, désignera, et tracera tant de beaux ouurages à la postérité, non encore

veus et prattiquez par cy deuant, que ie désire d’abondant donner au public auec vostre permission.

le n’enfleray point icy, Monseigneur, ce cahier (crainte d’abuser de vostre patience) de l’extraction de vostre très noble et ancienne famille, illustrée de plusieurs hautes et grandes alliances : car ce seroit vouloir esclairer le Soleil, que d’en vouloir tracer les véritables discours, après les escrits de tant de doctes et graues personnages, qui avec plus de grâce et d’emphase que ie ne pourrois faire, ont laissé à la postérité à iamais la mémoire de toutes les vertus exquises qui vous ont fait paruenir à la plus haute dignité de ce Royaume, loint qu’un chacun cognoist assez, et a veu de ses yeux, l’heureuse execution d’une infinité de Commissions et Ambassades d’importance a vous decernees par le Roy, qui vous ont fait paroistre par dessus tous autres aussi capable en toutes les affaires et négoces de ceste Monarchie Françoise que l’espreuve que vous en rendez encore tous les iours dont Sa Maiesté en reçoit du contentement, vous de la loüange, et la patrie du fruict, qui se void augmenter à mesure que courent les années.

C’est a vous donc. Monseigneur, que ceste rare Stromatourgie, ou manufacture, et l’autheur d’icelle se présentent à vos pieds, implorants vostre équitable Justice, pour les maintenir, protéger et defendre de la dent canine, et les vouloir selon vos Arrests ia donnez par vous, bien et deuëment establir soubs vostre puissance et authorité.

Vous suppliant. Monseigneur, que vostre bonté accoustumee suppléant à mon ignorance, excuse ma témérité, si i’ose présenter à vos yeux (qui ne contemplent que choses rares) un discours si mal poly et dressé ; mais n’ayât voulu emprunter une plume à loüage et

estrangère, qui auroit à la vérité plus artistement que moy enrichy ce papier, selon la dignité de vos mérites, i’ay osé commettre à mon cœur seul cest office, qui comme meilleur guarant de mes sincères affections, dés long temps voüees à vostre seruice, vous offre pour iamais les vrais ressentimens de tant d’obligations et courtoisies qu’a receueës de vostre maison.

Monseigneur,

Vostre très humble et obéissant seruiteur à iamais.