PHILIPPE DE COMINES

Mort de Charles VIII à Amboise.

Je veuil laisser de tous poinctz à parler de choses d'Italie et de Castille et retourner à parler de nos douleurs et pertes particulières en France, et aussi de la joye que peuvent avoir ceulx qui y ont du gaing, et parler du soubdain trespas de nostre roy Charles huictiesme de ce nom : lequel estoit en son chateau d’Amboise, où il avait entreprins le plus grand édiffice que commencea cent ans a, roy”, tant au chasteau que à la ville : et se peut veoir par les tours par où l’on monte à cheval, et par ce qu’il avoit entreprins à la ville, dont les patrons estoient faictz de merveilleuse entreprinse et despence, et qui de longtemps n’eussent prins fin. Et avoit amené de Naples

‘ C'est-à-dire : qui fut entrepris par un roi depuis cent ans...

plusieurs ouvriers excellens, en plusieurs ouvraiges, comme tailleurset painctres : et sembloit bien que ce qu'il entreprenoit estoit entreprinse de roy jeune et qui ne pensoit point à la mort, mais esperoit longue vie : car il joignit ensemble toutes les belles choses dont on luy faisait feste, en quelque pays qu’elles eussent été, vues, fust France, Italie, ou Flandre, et si avoit son cueur tous jours de faire et acomplir le retour en Italie, et confessoit bien y avoir faict des faultes largement, et les comptoit : et [uy sembloit que, si une aultre fois il y povoit retourner et recouvrer ce qu'il avoit perdu, qu'il pourvoyeroit mieulx à la garde du pays qu'il n’avoit faict, parce qu'il avoit arme de tous costez : et pensoit bien d'y pourveoir pour recouvrer et remettre en son obeyssance le royaulme de Naples, et de y envoyer quinze cens hommes d'armes italiens, que debvoit mener le marquis de Mantoue, les Ursins et les Vitellis, et le prefect de Romme, frère du cardinal de Sainet Pierre ad Vincula; et M. d'Aubigny, qui si bien l’avoit servy en Calabre, s’en alloit à Florence : et 1lz faisoient la moytié de cette despence pour six mois...

Estant le Roy en ceste grant gloire, quant au monde, eten bon vouloir, quant à Dieu, le septiesme jour d’apvril, lan mil quatre cens quatre vingtz dix huict, veille de Pasques Flories, il partit de la chambre dela royne Anne de Bretaigne sa femme, etla mena quant et luÿy pour veoir jouer à la paulme ceulx qui jouoyent aux fossez du chasteau, et il ne l’y avoit jamais menée que ceste fois. Et entrèrent ensemble en une gallerie, qu’on appeloit la gallerie Hacquelebae, parce que cestuy Hacquelebac l’avoit eue aultresfois en garde : et estoit le plus deshonnete lieu de ceans, car tout le monde y pissoit, et estoit rompue à l'entrée ; et s'y heurta le Roy, du front contre l’huys, combien qu'il fust bien petit, et puis regarda une grant pièce les joueurs, et devisoit à tout le monde.

Je n'estoye point présent, mais sondict confesseur, l’évesque d'Angers et ses prouchains chambellans me l'ont conté : car j'en estoye party huict jours avant, et estoye allé à ma maison. La derrenière parolle qu’il prononcea jamais en devisant en santé, cestoit qu'il dict qu'il avoit espérance de ne faire jamais pesché

mortel, ni véniel s’il povoit; et, en disant ceste parolle, il cheut à l'envers et perdit la parolle (il ne povoit estre deux heures après midy), et demoura là jusques à unze heures de nuict. Trois fois luy revint la parolle; mais peuluy dura, comme me le comptaledict confesseur, qui deux fois ceste semaine l’avoit confessé : l’une à cause de ceulx qui venoient vers luy pour le mal des escrouelles. Toute personne entroit en Jadicte gallerie qui vouloit, et le trouvoit on couché sur une povre paillasse, dont jamais il ne partit jusques à ce qu'il eust rendu lame : et y fut neuf heures. Ledict confesseur, qui tousjours y fut, me dict que lorsque la parolle luy revint, à toutes les trois fois il disoit : « Mon Dieu et ma glorieuse Vierge Marie, monseigneur sainct Claude et monseigneur sainct Blaise me soient en ayde! » Et ainsi despartit de ce monde si puissant et si grant roy, et en si misérable lieu, qui tant avoit de belles maisons et en faisoit une si belle : et si ne sceut à ce besoing finer une povre chambre. Et combien peult-on par ces exemples ci-dessus couchez, congnoistre la puissance de Dieu estre grande, et que c’est peu de chose que de nostre misérable vie, que tant nous donne de peine pour les choses du monde, et que les roys n’y peuvent résister non plus que les laboureurs.

Mémoires.