LE TEXTE DU MANUSCRIT E
Bibliothèque nationale. Nouvelles acquisitions françaises 1104, f° S4 1'° — f° 61 v°.
Ce est le lay de l'ombre.
NE me veil pas desaùser De bien dire, ainz veil user Mon sens en el que estre oiseus.
Je ne veil pas resembler ceus 4
Q.ui sont oiseus por tout destruire, Mes, puis que j'é le sens d'estruire Aucun bien, en dit et en fet, Vilains est qui ses gas en fet, 8
Quant ma cortoisie s'aoevre A dire aucune plesant oevre Ou il n'a rampone ne lait.
Fox est qui por parole lait 12
Bien a dire, por qu'il le sache.
Et, s'aucuns fox sa langue en sache Par derrière, tôt ce li loit, Que, nient plus que je puis cest doit 16
Faire ausi lonc comme cestui, Ne cuit je que on peùst hui Fere un félon debonere estre.
Et miex vient de bone eure nestre 20
Qu'estre des bons, c'est dit pieça.
Par Guill[aume], qui despeça L'escoffle et art un et un membre, Si com cis contes nos remembre, 24
Puet on prover que je di voir, Que miex vaut a un home avoir Eùr que parenz ne amis.
Amis muert et on est tost mis 28
Hors de l'avoir, qui bien nu garde ;
Et qui a fol le met en garde,
Sachiez que tost le gaste et use ;
Après sa folie s'acuse 52
Qu'il l'a despendu sanz mesure.
Se d'ilec avant a mesure
Ses sens sa folie entrelet
Et mésaventure le let, 36
Eiirs le ra tost mis em pris.
Et por ce ai cest lai empris
Que je voil mon sens desploier
A bien dire et a souploier 40
A la hautesce de l'Eslit.
Molt par me torne a grant délit
Quant la volenté m'est eslite
A fere ce que me délite : 44
D'une aventure mètre en rime.
On dit : Qui bien nage bien rime.
Qui de haute mer vient a rive,
Fox est se a la mer estrive : 48
Miex l'em prisent et roi et conte.
Or escoutez en icest conte
Que ferai, s'aucuns ne m'encombre,
Et dirai ci du lay de l'Ombre. 52
CI dit que uns chevaliers iere En celé marche de l'Empiere De Loheraigne et d'.Memaigne.
Je ne cuit pas c'om tex en maigne 56
De Chaalons jusqu'en Perchois Qui eùst toutes a son chois Bones teches comme cil ot.
De maintes resemble au fil Lot, 60
Gauvain, si comme nos dison, Mes je n'oï onques son non, Ne je ne sai se point en ot.
Proesce et cortoisie l'ot 64
Eslit a estre suen demaine.
De la despense qu'il deniainne
74 J- BEDIER
Se merveillent tuit si acointe.
Ne trop emparlé ne trop ceinte 68
Nu trovissiez por sa proesce.
11 n'estoit pas de grant richesce, Mes il se savoit bien avoir ; Bien, sot prendre en un leu l'avoir 72
Et nietre la ou point n'en ot.
Pucele ne dame n'en ot Parler que durement [nu] prist, N'onques a nule ne s'em prist 76
A certes que il n'en fust bien, Car il estoit sor toute rien Et frans et doz et debonnere.
Qanque chascuns en vosist fere 80
En peùst fere entor ostel ; Mes as armes autre que tel Le trovast on, plus que ne di :
Estout et ireus et hardi, 84
Quant il avoit l'eaume en son chief.
Bien sot un renc de chief en chief Cerchier por une joste fere.
A ce ot torné son afere 88
Li chevaliers dont je vos di Qu'il vosist que, chascun lundi Qu'il estoit, qu[e] il en fust deus.
Onques chevalier ne fist Deus 92
Si preu d'armes comme il estoit.
Ce n'estoit pas cil qui vestoit.
Sa robe d'esté en yver : '
Plus donnoit il et gris et ver 96
C'uns autres de .x. tanz d'avoir, Et tôt jorz voloit il avoir .VII. compaignons ou .v. au mains, Ne ja riens ne tenist as mains, 100
S'en le vosist, qu'en ne l'eùst.
Deduiz d'oisiaus, qu'en li leùst, Ama, que je despris mie.
Il sot d'esches et d'escremie 104
Et d'autres geus plus que Tristans.
Molt bon mai ot un bien lonc tans
Et molt se fist amer as genz.
Il ert de cors et biaux et genz 108
Et frans et legiers et isneaus
Et si estoit plus preuz que beaus :
Et tôt ce doit chevaliers estre.
Amors, qui est et dame et mestre, lu
En ce bon point li corut seure,
Que ele en velt estre au deseure,
Et si veut avoir le treù
Du grant déduit qu'il ot eu 116
De mainte dame en son aage,
N'onques servise ne hommage
Ne li fist entreues qu'il li lut.
Por ce qu'il ne se reconnut 120
A son homme n'a son bailleu,
Si li fist en tens et en lieu
Sentir son pooir et sa force
Conques Tristans, qui fu a force 124
Tonduz comme fox por Yseut,
N'ot le tierz d'ahan que il eut
De si qu'il en ot sa pais faite.
Ele li a saieie traite 128
Par mi le cors dusqu'au panon :
La grant biauté et le doz non
D'une dame li mist el cuer.
Or li estuet a geter puer i?2
Toutes les autres por cesti.
De maintes s'en estoit parti
Son cuer, que nule n'en amoit ;
Mes or set il sanz doute et voit m6
Qu'il li covient tôt mettre ensemble
Por ceste servir, qui li semble
Li rubis de toutes biautez.
Li sens, la debonneretez, 140
La grant biauté de son cler vis
Li est, ce li est bien avis,
Devant ses eulz et jor et nuit.
N'est joie qui ne li ennuit, h4
Fors que li pensers a cesti.
De tant li a bon plet basti
Amors qu'il la connoissoit bien,
Conques nule si plesant rien 148
Qui famé fust n'avoit veûe,
Ce dit, et s'en tret sa veùe
A garant qu'il a dit ver(i)té :
« Ahi ! » fet il, « tante averté 152
J'ai fet de moi et tant dangier !
Or velt Dex par cesti vengier
Celés qui m'ont seules amé.
Certes mar ai desaamé, » 156
Fet cil, a qui d'amors ert seurpris :
Or m'a Amors en tel point pris,
Qu'ele veut que son pooir sache,
Conques vilains cui barbiers sache 160
Les denz ne fu si angoisseus. »
Ce pense et dit quant il est seus.
Ne ja, son vuel, ne fesist el,
Conques mes hom en si cruel 164
Point ne fu comme Amors l'a mis.
« Las ! » fet il, « se je sui amis.
Que sera ce, s'el n'est amie ?
Je ne sai ne je ne voi mie 168
Comment je puisse vivre un jor.
Deduiz d'errer ne de sejor
Ne m'i puet mon mal alaschier.
Or n'i a fors du tenir chier 172
Ceus qui la vont ou ele maint,
Car par ce fere ont eu maint
De lor dame joie et solaz.
Car m'eùst ceste fet un laz 176
De ses .11. braz entor le col !
Tote nuit songe que l'acol
Et qu'ele m'estraint et embrace ;
Li esveiUiers me desembrace 180
En ce qui plus me delitast ;
1)2 tente.
164 einsi cruel.
Lors quier par mon lit et atast Son biau cors, qui m'art et esprent ; Mes, las ! qui ne trueve ne prent : 184
C'est avenu moi et maint autre Mainte foiz. Or ne puet estre autre :
Aler ou envoler m'estuet
Proier, puis qu'autre estre ne puet, 188
Qu'ele ait merci de moi enfin Et que, por Deu, ainz que je fin, Qu'ele ait pitié de ma destrece El que, par sa grant gentillesce, 192
Qju'ele me gart et vie et sens .
11 i avroit un mains des siens S'ele solïroit que je morisse.
S'est bien droiz que de son cuer isse 196
- Piliez et douceurs de ses euz ; Si cuit bien qu'i me vanroit miez
Li alers que se g'i envoi.
On dit : « N'i a tel comme soi », 200
Ne nus n'iroit si volentiers.
On dit pieça que li mestiers
Aprent l'orne, et la grant sofrete.
Puis que g'i ai parole atrete, 204
Il n'i a se d'aler la non
Dire qu'ele a en sa prison
Mon cuer, [qui] de gré s'i est mis.
Ja, devant qu'il ait non amis, 2c8
N'en quier[t] eschaper por destrece.
Gentillesce, pitiez, largece
La devroit a ce esmovoir. »
11 s'est atornez por movoir, 212
Soi tierz de compaignons sanz plus.
Ne sai que vos deïsse plus :
Il monte, et vallet jusqu'à sis.
Il chevauche liez et pensis 216
A son pensé et a sa voie ;
Ses compaignons oste et desvoie
De la voie et de son penser.
Qu'il ne se puissent apenser 220
yS J. BÉDIÈR
A la reson de son voiage.
Il dit qu'il chevauche a grant rage,
Celant son pensé et sa voie,
Tant qu'il vinrent à la monjoie 224
Du chastel ou celé manoit.
Fet li sires qui les menoit :
« Veez com cis chastiaus siet bien ! »
Il nel disoit pas tant por rien 228
Qu'il montast as fessez n'as murs
Com por savoir se ses eùrs
L'avoit encor si haut monté
Qu'il parlassent de sa bonté, 252
De la dame qu'il va veoir.
Font cil : « \''os devriez avoir
Grant honte, car mal avez fet,
Qui ançois nos avez retret 236
Le chastel que la bêle dame
Dont chascuns dit bien qu'el roiaume
N'a si cortoise ne si bêle.
Or tôt coi ! » font il, « que se elc 240
Savoit com vous avez mespris,
Il vos venroit miex estre pris
As Turs et menez en Chaere ! »
Il dit en sozriant : « Aère ! 244
Or, seignors, or tôt bêlement !
Menez me .1. poi^ mains durement,
Car je n'i ai mort deservie.
Il n'en est nus dont j'aie envie 248
Des chastiaus, se de cestui non.
Je vorroie estre en la prison
Salehadin .v. anz ou sis
Par si que il fust miens, asis 252
Si comme est, qu'en fusse seùrs.
— Et quanqu'il a dedenz les murs ? »
Font il. K Vous seriez trop sire ! »
Il n'entendent pas a son dire 256
Le sofirae qu'il lor fesoit.
Li bons chevaliers nu disoit
Fors por oïr mon qu'il diroient.
Il lor demande s'i l'iroient 260
Veoir. « Que feromes nos donques ? »
Font cil. « Chevaliers ne doit onques
Trespasser n'e[n] chemin n'e[n] voie
Bêle dame qu'il ne la voie, » 264
Fet cil : « Je m'en tien bien a vos
Et si le veil et lo que nos
I alons, quant resons l'aporte. »
Atant guenchissent vers la porte 268
Chascuns la teste du destrier,
Criant : « As armes, chevalier ! »
A tel voiage tel tençon !
Soufrain s'en vont a esperon, 272
Tant qu'il vinrent en la ferté.
II ont .1. novel baille outré, Clos de fossez et de paliz.
Li sire avoit devant son pis 276
Torné son mantel en chantel
Et seurcot d'ermine molt bel
De soie en graine et d'escureus.
Autretel avoit chascuns d'eus 280
Et chemise ridée et blanche
Et chapel de flors et de vanche
Et espérons a or vermaus.
Je ne sai comment fussent miaus 284
Plesanment vestu por l'esté.
Il ne sont nul leu aresté
Jusqu'au perron devant la sale.
Chascuns valiez encontre avale 288
As estriers par fine reson,
Li seneschaus de la meson
Les vit descendre en mi la cort.
D'une loge ou il ert s'en cort 292
Dire sa dame la novele
Que cil la vient veoir que ele
Connoissoit bien par oïr dire.
N'en devint pas vermeille d'ire, 296
392 ou il ère.
La dame, ainz en ot grant merveille.
Desor une coûte vermeille
A voit esté tantost trecie.
Elle s'est en estant drecie, 500
La dame de très grant biauté.
Ses puceles li ont geté
Au col un mantel de samit,
Avec la grant biauté c'ot mis $04
Nature en li. Si com l'en conte,
Que qu'ele volt aler encontre.
Cil se hastent tant de venir
Q'ançois qu'ele peûst issir 308
De la chambre, i sont il entré.
Au semblant que lor a mostré
Li est il bel de sa venue ;
De tant pou com ele est venue 312
Encontre eus, se font il molt lié.
Un chainse blanc et délié
Ot vestu, la preuz, la cortoise.
Qui traïnoit plus d'une toise 316
Après li seur les jons menuz.
« Sire, bien soiez vos venuz,
Et vo compaingnon ambedui, »
Dit celé qui bon jor ait hui, 520
Qu'ele est bien digne de l'avoir.
Si compaignon li distrent voir,
Qu'el n'est pas dame a trespasser.
Sa biauté les fet trespenser 324
Touz .III., en lor saluz rendant.
Ele prent par la main, riant.
Le seignor, sel mainne seoir :
Or a auques de son voloir, 328
Qant delez li se fu assis.
Si compaingnon sont bien apris :
Asis sont, ne li firent cuivre,
Sor un coffre ferré de cuivre Î32
Avecques ses .11. damoiseles.
308 peiist venir.
Que qu'il se deduient a eles En demandant plusors aferes, Lor bons sires ne pensoit gueres î^
A eus, ainz pense a son afere ; Mes la gentil, la debonnere, Li set bien rendre par parole Reson de qanqu'il l'aparole. }4o
Qu'ele estoit molt cortoise et sage.
Cil li met adès el visage Les eulz por mirer sa biauté ; Molt les a bien pris a verte }44
Ses cuers, qui sest toz en li mis, Que, de qanqu'il li o[n]t promis, Li tesmoingnent il ore bien Qu'il ne li ont menti de rien : 548
Molt li plet ses vis et sa chiere.
« Bêle très douce amie chiere, »
Fet il, « por qui force de cuer Me fet guerpir et geter puer 352
De toutes [autres] mon penser, Je vos sui venuz présenter Qanque Je ai, force et pooir, Si en puisse je joie avoir î)6
Qu'il n'est rien nule que j'aim tant Comme vos, se Dex repentant % Me let venir a sa merci.
Et por ce sui ge venuz ci î6o
Que je veil que vos le sachiez
Et que gentillece et pitiez
Vos en praigne, qu'il est mestiers.
Que, qui en feroit as mostiers 364
Oroison, si feroit il bien,
Por ceus qui n'entendent a rien
S'a estre non loial ami.
— A ! sire, por l'ame de mi, » }68 Fet ele, a qu'avez vos or(e)dit r
Molt me merveil dont si fet dit...
— Dame, » fet il, « je vos di voir :
Vos toute seule avez pooir 372
Sor moi, plus que dame qui vive. »
La colors l'en croit et avive De ce qu'il dit qu'il est toz s[i]ens, Puis li a dit par molt biau sens : 376
« Certes, sire, je ne croi mie Que si biaus hom soit sanz amie Com vos estes : nus nu creroit.
Vostre pris en abesseroit 580
Et si en vauriez molt mains. Si biaus hom de cors et de mains, De braz et de toute autre rien !...
Vos me savriez ja molt bien 384
Par parole par mi l'ueil trere La plume, et ce c'on ne doit fere Fere a entendre par verte ! »
Rien l'a en son venir hurté 388
Par parole et desfet son conte, Si corn cil qui m'aprist le conte Le m'a fet por voir entendant.
Il se sueifre a mener tendant, 392
Qu'il n'estoit riens que tant amast.
S'uns autres le mesaamast, Il s'en seùst bien revengier ; Mes il ert si en son dangier 396
Qu'il ne l'osoit de rien desdire, Ainz li reconmença a dire : «
« Ha ! dame, merci, por pitié !
\'ostre amors m'a fet sanz faintié 4cx)
Descovrir les max que je sent.
Molt mal s'i acorde et asent ■ • Vostre parole a vos biax eulz
Qui m'acueiilirent orainz mielz 404
Au venir, et plus plesanment.
Or sachiez bien certainement
Ce fu cortoisie qu'il firent,
Car, très l'eure qu'il primes virent, 408
Ne virent nul, ce est la somme.
Qui si se vousist a vostre home
Tenir com je veil sanz faintise.
Douce dame, par gentillise ! 412
Car le vos plese a essaier :
Retenez moi a chevalier
Et, quant vos plera, a ami,
Car, ançois un an et demi, 416
M'avrez vos fet si preu et tel
Et as armes et a l'ostel
Et tant de bien en mon cors mis
Que li nons c'on apele amis, 420
Se Dieu plet, ne m'iert ja veez !
— Le cuidier que vos i avez, »
Fet ele, « vos en fet grant bien.
Je n'entendoie au regart rien 424
Se cortoisie non et sens,
Mes vos l'avez en autre sens
Noté : folement, si m'en poise. «
Se ge ne fusse si cortoise, 428
Il m'en pesast ja durement ;
Mes il avient assez sovent,
Quant aucune dame vaillant
Fet aucun chevalier semblant 452
De cortoisie et d'ennor fere.
Lors cuident tôt lor autre afere
Cil soupirant avoir trové.
Par vos l'ai ge bien esprouvé : 456
Tout ainsi l'avez entendu.
Miex vos venist avoir tendu
La hors une roiz a colons.
Que, se li ans estoit si Ions 440
Et li demis com troi entier,
Ne savriez tant esploitier,
Por riens que vos seûssiez fere,
Que je fusse aussi debonnere 444
Envers vos com j'estoie orainz.
Li hom se doit bien garder ainz
Qu'il se vant de chose qu'il n'ait ! »
Or ne set cil, n'en dit n'en fait, 448
421 Diex.
Qu'il puist fere ne devenir.
« Au mains ne puis ge pas venir,
Dame », fet il, « que j'ai esté.
Pitié et debonereté 4S2
A il en vos, je n'en dout mie,
N'onques ne failli a amie
Nus en la fin qui bien amast,
Si me sui mis en mer sanz mast, 4S6
Por noier aussi con Tristans.
Conment que j'aie esté lonc tens
Sires de ma volenté fere,
A ce ai torné mon afere 460
Que, se je n'ai merci anuit,
James ne cuit que m'i anuit
Nule, qant g'istrai de cesti.
Un tel plet m'a mes cuers basti 464
Que en vos s'est mis sanz congié. »
En faisant un petit ris : « Gié, »
Fet ele, « ainz mes tele n'oï !
Or puet bien demorer issi, 468
Puis que voi que n'est pas a gas.
Encore, par saint Nicolas !
Cuidoie que vos gabissiez.
— Certes, dame, se vos fussiez 472
Une povre garce esgaree,
Bêle douce dame anoree,
Ne m'en seûsse j'entremetre ! »
Que qu'il puist dire me prometre, 476
A ce ne li puet rien valoir
Qu'il en doie ja joie avoir
De li, si ne set que il face.
Li vermaus li monte en la face 480
Et les lermes du cuer as eulz.
Si que li blans et li vermeulz
Li moille contreval le vis.
Or est il bien la dame avis 484
466 un petit ditié.
475 je-
Ne li fausse pas de couvent
Ses cyers, ainz set bien que sovent
L'en sovient il aillors qu'ilues.
Certes, s'ele plorast avec,
La dame molt fesist grant bien.
Ele ne cuidast ja por rien
Qu'il deûst estre si destroiz.
« Sire, « dist ele, « n'est pas droiz
Que je aime vos ne autre home,
Que j'ai mon seignor molt preudome,
Qui molt me sert bien et enneure.
— Ha ! dame, » fet il, « a bone eure ! De ce doit il estre molt liez
Et, [se] gentillece et pitiez Vos prenoit de moi et franchise, Ja nus qui d'amors chant ne lise Ne vos en tenroit a pieur, Ainz feriez au siècle honeur, Se vos me voliez amer :
A une voie d'outremer Porriez l'aumosne aatir.
— Or me fêtes de vos partir, Sire, » fet ele, « c'est plus let.
Mes cuers ne m'i sueffre ne let Acorder en nule manière ; Por ce s'est oiseuse proiere.
Si vos proi que vos en soufrez.
— Ha ! dame, » fet il, « mort m'avez ! Gardez nu dites mes por rien,
Mes fêtes cortoisie et bien :
Recevez moi par un joel.
Ou par çainture ou par anel.
Ou vos retenez un des miens, Et je vos créant qu'il n'iert biens Que chevalier face por dame.
Se j'en dévoie perdre l'ame.
Si m'ait Dex, que je n'en face.
515 nu fêtes.
Vo douz vis et vo clere face
Me puent de pou ostagier ;
Ge sui toz en vostre dangier, 524
Qanque je ai, force et pooir.
— Sire, je ne veil pas avoir, »
Fet la dame, « le lox sanz preu.
Bien sai c'on vos tient a molt preu 528
Et c'est pieça chose seûe.
Bien seroie ore deceûe.
Se ge vos metoie en la voie
De m'amor et je n'i avoie 532
Le cuer : ce seroit vilenie.
Il est une grant cortoisie
D'issir hors du blasme, qui puet.
— Dire tôt el vos en estuet, 536 Dame », fet il, « por moi garir.
Se vos me lessiez morir
Sanz estre amez, ce seroit teche,
Se cil biaus vis plains de simplece 540
Estoit omecide de moi !...
Il en covient prendre conroi
Prochain en aucune manière.
Dame de biauté et manière 544
De toz biens, por Deu ! gardez i ! »
Cil biau mot plesant et poli
Le font en un pensé chaïr
D'endroit ce qu'ele velt oïr 548
Sa requeste, et s'en ot pitié.
El ne le tient mie a faintié.
Les soupirs, les lermes qu'il pleure,
Ainz dit que force li ceurt seure 552
D'amors, qui tôt ce li fet fere.
Ne que jamès si debonnere
Ami n'avra, s'el n'a cestui ;
Mes [ce] que onques mes fors hui 556
N'en parla li vient a merveille.
Avec ce penser le travaille
^44 mamiere.
Resons, qui d'autre part l'opose
Qu'ele se gart de fere chose 560
Dont ele se repente au loing.
A celui qui ert en grant soing
Du penser ou ele ert entrée
A molt bêle voie mostree 564
D'une grant cortoisie fere
Amors, qui en tant maint afere
A esté voiseuse et soutille.
Entrus que estoit la gentille 568
Ou grant penser ou ele estoit.
Cil tret erranment de son doit
Son anel, si l'a mis el sien ;
Puis fist après un greignor sen, 572
Qu'i li derompi son penser,
due ainz ne li lut apenser
De l'anel qu'ele avoit el doit.
A ce qu'ele ne s'en gardoit : 576
« Dame, » fet il, « a vo congié !
Sachiez que mon pooir et gié
Est tôt en vo conmandement. »
Cil se part de li erranment 580
Et si compaingnon ambedui.
Nus ne set la reson, fors lui,
Por qoi il s'en départ issis.
Il fu soupiranz et pensis : 584
Venuz est au cheval, si monte.
Fet celé a qui le plus en monte
De lui remetre en sa leece :
« Iroit s'en il a certes ? Qu'est ce ? 588
Ce ne fist onques chevaliers !
Je Guidasse c'uns anz entiers
Li fust assez mains lonc d'un jor,
Por qu'il fust o moi a sejor 592
Et il m'a ja si tost lessie !
Ahi ! s'or m'i fusse plessie
Vers lui de parole ou de fet !
562 De celui.
J. BEDIER
Por les faus semblanz qu'il m'a fet 596
Doit on mes tôt le mont meins croire.
Qui por plorer le vosist croire
Et por fere ses faus soupirs,
Si me consaut li Sains Espirs, 600
Ja por ce n'i perdist il rien !
Nus ne guilast ore si bien
Ne si bel, ce est or du mains. »
Atant envoie vers ses mains 604
Un regart, si choisi Tanel.
Toz li saris dusqu'au doit manmel
De son pié li esvanoï,
N'onques mes si ne s'esbahi 608
Ne n'ot de rien si grant merveille.
La face qu'ele avoit vermeille
L'en devint trestote empalie.
« Qu'est ce ? » fet ele, « Dex aïe ! 612
Je voi ci l'anel qui fu siens !
De tant sui je bien en mon sens
Que je vi orains en son doit
Cestui ? Ce fis mon, orendroit ! 616
Et por qoi Ta il ou mien mis ?
Ja n'est il mie mes amis
Et si pens je qu'il le cuide estre.
Or est il, par Deu ! plus que mestre 620
De cest art, ne sai qui l'aprist.
Diex ! conment est ce qu'il me mist ?
A ce que je sui si soutise
Que je ne m'en sui garde prise 624
De Tanel qu'il m'a ou doi mis,
Or dira que c'est mes amis.
Ce fera mon, je n'en dout mie !
Dira il voir ? Sui je s'amie ? 628
Nenil, por noient le diroit ;
Ainz li manderé orendroit
Que il viengne parler -a mi
S'il veut que le tiengne a ami, 632
Si li dirai qu'il le repraingne.
Je ne cuit pas qu'il en mespraingne
Vers moi, s'il ne velt que jou hace. »
Atant commande c'on li face 636
Venir un vallet tout monté.
Ses puceles l'ont tant hasté
Qu'il li est venuz tout montez.
« Amis, » dist ele, or tost, hurtez ! 640
Poingniez après le chevalier !
Dites li, si comme il a chier
M'amor, qu'il ne voist en avant,
Mes viengne arrière maintenant 644
Parler a moi d'un sien afere.
— Dame, » fet il, « je cuit bien fere
Vostre volenté dusqu'en son. »
Atant s'em part a esperon, 648
Après le chevalier poingnant,
Cui Amors aloit destraingnant
De celé qui l'envoie querre.
En mains d'une Hue de terre 652
L'a il ataint et retorné.
Sachiez qu'il se tint a huer né
De ce c'on l'avoit remandé ;
Il n'a pas le mes demandé 656
Por qoi on remandé l'avoit :
Li aneaus qu'ele avoit ou doit
Ert l'achoison du remander;
Ce li fist son oirre amender 660
Qu'il tarde celé qu'el le voie.
Li escuiers s'est en la voie
Du retor a lui acointiez.
Hé ! Diex ! comme il fust ore liez 664
Du retorner, se por ce non
Qu'il estoit en grant soupeçon
Qu'el ne li veille l'anel rendre !
Il dit qu'il s'iroit ainçois rendre ' 668
A Citiaus qu'il le represist.
« Ne cuit pas qu'ele itiespresist, »
Fet il, « envers moi de celé oevre. »
La joie du retor li cuevre 672
Le penser dont il ert en doute.
Por les faus semblanz qu'il m'a fet 596
Doit on mes tôt le mont meins croire.
Qui por plorer le vosist croire
Et por fere ses faus soupirs,
Si me consaut li Sains Espirs, 600
Ja por ce n'i perdist il rien !
Nus ne guilast ore si bien
Ne si bel, ce est or du mains. »
Atant envoie vers ses mains 604
Un regart, si choisi Tanel.
Toz li saris dusqu'au doit manmel
De son pié li esvanoï,
N'onques mes si ne s'esbahi 608
Ne n'ot de rien si grant merveille.
La face qu'ele avoit vermeille
L'en devint trestote empalie.
« Qu'est ce ? » fet ele, « Dex aïe ! 612
Je voi ci l'anel qui fu siens I
De tant sui je bien en mon sens
Que je vi orains en son doit
Cestui ? Ce fis mon, orendroit ! 616
Et por qoi l'a il ou mien mis ?
Ja n'est il mie mes amis
Et si pens je qu'il le cuide estre.
Or est il, par Deu ! plus que mestre 620
De cest art, ne sai qui l'aprist.
Diex ! conment est ce qu'il me mist ?
A ce que je sui si soutise
Que je ne m'en sui garde prise 624
De l'anel qu'il m'a ou doi mis,
Or dira que c'est mes amis.
Ce fera mon, je n'en dout mie !
Dira il voir ? Sui je s'amie ? 628
Nenil, por noient le diroit ;
Ainz li manderé orendroit
Que il viengne parler -a mi
S'il veut que le tiengne a ami, 632
Si li dirai qu'il le repraingne.
Je ne cuit pas qu'il en mespraingne
Vers moi, s'il ne velt que jou hace. »
Atant commande c'on li face 636
Venir un vallet tout monté.
Ses puceles l'ont tant hasté
Qu'il li est venuz tout montez.
« Amis, » dist ele, or tost, hurtez ! 640
Poingniez après le chevalier !
Dites li, si comme il a chier
M'amor, qu'il ne voist en avant,
Mes viengne arrière maintenant 644
Parler a moi d'un sien afere.
— Dame, » fet il, « je cuit bien fere
Vostre volenté dusqu'en son. »
Atant s'em part a esperon, 648
Après le chevalier poingnant,
Cui Amors aloit destraingnant
De celé qui l'envoie querre.
En mains d'une Hue de terre 652
L'a il ataint et retorné.
Sachiez qu'il se tint a huer né
De ce c'on l'avoit remandé ;
Il n'a pas le mes demandé 656
Por qoi on remandé l'avoit:
Li aneaus qu'ele avoit ou doit
Ert l'achoison du remander;
Ce li fist son oirre amender 660
Qu'il tarde celé qu'el le voie.
Li escuiers s'est en la voie
Du retor a lui acointiez.
Hé ! Diex ! comme il fust ore liez 664
Du retorner, se por ce non
Qu'il estoit en grant soupeçon
Qu'el ne li veille l'anel rendre !
Il dit qu'il s'iroit ainçois rendre ' 668
A Citiaus qu'il le represist.
« Ne cuit pas qu'ele mespresist, »
Fet il, « envers moi de celé oevrc. »
La joie du retor li cuevre 672
Le penser dont il ert en doute.
90 J. BEDIER
[Il est venuz a tant de route]
Comme il ot vers la forterece.
La dame, qui en grant destrece 676
Estoit et sor li desfendant,
Ist de la sale, descendant
Pas por pas aval le degré ;
Porpenseement et de gré 680
Vient en la cort por li déduire.
L'anelet voit en son doit luire,
Qu'ele veut rendre au chevalier.
« S'il m'en fet ja point de dangier, » 684
Fet ele, « et il nu velt reprendre,
Por ce ne Tiré je pas prendre
Par ses biaus cheveus ; se je puis,
Ainz le menré desor ce puis, 688
Si parlerai illec a lui.
S'il nu velt prendre sanz anui,
Je rompre molt tost la parole.
Comment ? Je n'iere pas si foie 692
Que je le giete en mi la voie.
Ou dont ? En tel leu c'on nel voie :
Ce ert ou puis, n'est pas mençonge.
Ja puis n'en ert ne que de songe 696
Chose dite qui me messiece.
Dont n'ai ge ore esté grant pièce
O mon seignor sanz vilanie ?
Se cist par sa chevalerie 700
Et par soupirer devant mi
Veut ja que ju tiengne a ami
A cest premerain parlement!...
II l'avroit ançois durement 704
Deservi, se ju dévoie estre. »
Atant est cil entrez en l'estre
Qui de tôt ce ne se prent garde.
Il voit celé que molt esgarde 708
Volentiers aler par la cort.
674 Vers omis par le copiste, rétabli d'après les autres manuscrits , qui le donnent sans variantes.
686 ne li 1ère ie pas.
Il descent lues et vers li cort,
Si corn chevaliers fet vers dame.
Si dui compaingnon ne nule ame 712
De l'ostel ne lui font anui.
Fet il : « Bone aventure ait hui
Ma dame, a qui je sui et iere ! »
Ne l'a or en autre manière 716
Férue du poing lez l'oïe :
Elle a hui mainte chose oie
Qui molt li touche près du cuer.
« Sire, » fet ele, « alons la fuer 720
Seoir sor ce puis por déduire. >■>
Or n'est il riens qui li puist nuire,
Ce dit, puis qu'el l'aqueut si bel ;
Or cuide bien par son anel 724
Avoir et s'amor et sa grâce.
Il n'est encor preu en la trace
Por qoi il se doive esjoïr.
Ainz qu'il peûst lez li seir, 728
Ot il chose qui li desplet.
« Sire a, fet ele, « s'il vos plest,
Dites moi, la vostre merci,
Cest vostre anel que je tien ci, 732
Por qoi le me donnastes ore ?
— Douce dame, » fet il, « encore.
Quant m'en irai, si l'avrez vos.
Si vos dirai, ce sachiez vos 756
Si nel tenez pas a faintié :
De tant vaut il miex la moitié
Qu'il a en vostre doit esté.
S'il vos plesoit, en cest esté 740
Le savroient mi anemi,
Se vos m'aviez a ami
Reçut, et je vos a amie.
— En non Dieu ! ce n'i a il mie, » 744 Fet ele, a ançois i a tôt el.
Ja puis n'istré de cest ostel, Si m'ait Dex, se morte non.
Que vos avroiz ne cri ne non 74^
94 J- BEDIER
Par la grant foi que me devez
Et proier que le reprenez,
Si chier com vos avez m'amor. »
Or n'i a i!, en Dieu amor ! 828
Tor c'un seul : qu'il ne li coviengne
A reprendre, ou qu'el nu tiengne
A desloial ou a jengleus.
« Diex ! » fet il, « li qex de ces geus 832
Partiz m'est or li mains mauvais ?
Or sai je bien, se ge li lais,
Ele dira je ne l'aim mie :
Qui tant estraint croste que mie 836
En saut, ce par est trop estraint.
Cil sairemenz m'a si ataint
Que li lessiers ne m'i est preus,
Ançois cuit je que li miens preus 840
Et m'onors i soit au reprendre.
Se je ne voil de molt mesprendre
Vers ma gentil dame anoree
Qui s'amor m'a aconjuree 844
Et la grant foi que je li doi.
Quant je l'avrai mis en mon doi,
Si ert il siens, la ou il iert.
Se ge faz ce qu'ele me quiert, 848
Je n'i puis avoir s'enor non.
N'est pas amis qui jusqu'en son
Ne fet au voloir de s'amie.
Et sachiez que cil n'aime mie 852
Qui riens qu'il puisse en lait a fere.
Si doi atorner mon afere
Du tôt en son conmandement.
Car il n'en doit estre autrement, 856
S'a la seue volenté non. »
Il n'anoma pas par son non
Quant il dit : « Dame, je prendrai
Par un covent, que j'en ferai, 866
Après la vostre volenté,
La moie, encor ait il esté
En ce doit que je voi si bel.
— Et je vos rent donques l'anel 864 Par covent que vos l'en faciez. »
N'est envielliz ne esfaciez
Li sens du vaillant chevalier.
Tôt esprenant de cuer entier 868
Le prist tôt porpenseement.
Si le resgarde doucement.
Au reprendre dit ; « Grant merciz !
Por ce n'est pas li or nerciz, » 872
Fet il, « s'il vient de vo biau doit ! »
Celé s'en sozrist, qui cuidoit
Qu'il le deûst remetre el sien ;
Mes il fist un plus greignor sen 876
Dont molt grant joie li vint puis.
Il s'est acoutez seur le puis,
Qui n'estoit que toise et demie
Parfonz, si ne meschoisi mie 880
En l'eaue, qui ert bêle et clerc,
L'ombre de la dame qui ère
La riens ou mont que plus amot.
« Sachiez » fet il, « tout a un mot, 884
Que je n'en reporterai mie,
Ainz l'avra ja ma douce amie,
La riens que j'aing miex enprés vos.
— Diex ! » fet ele, « ci n'a que nos : 888 Ou l'avrez vos si tost trovee ?
— En non Deu ! ja vos ert mostree, La preuz, la gentil qui l'avra.
— Ou est ? — En non Deu ! vez la la, 892 Vostre bel ombre qui l'ateni. »
L'anel a pris et si li tent :
« Tenez, » fet il, « ma douce amie !
Puis que ma dame n'en velt mie, 896
\'os le prendrez bien sanz mellee. »
L'eaue s'est un petit troblee
Au cheoir que li aneaus fist,
Et, quant li ombres se desfîst : 900
881 De l'eaue.
ft Vez, dame, » fet il, « or Ta pris.
Molt en est amendez mes pris,
Quant ce qui de vos est l'emporte.
Car n'eùst or ne huis ne porte 904
La jus ! si s'en venroit par ci
Por dire la seue merci
De l'oneur que fête m'en a. »
Hé ! Diex ! si buer i asena 908
A celé cortoisie fere
Conques mes riens de son afere
Ne fu a la dame plesans.
Toz reverdis et esprenans 912
Li a geté ses eulz es siens :
« Molt vient a homme de grant sens
Qu'i fet cortoisie au besoing.
Orainz ert de m'amor si loing- 916
Cil hom et or en est si près !
Onques mes, devant ne après,
N'avint, puis qu'Adanz mort la pome,
Si bele cortoisie a home : 920
Ne sai comment il l'en membra.
Quant por m'amor a mon ombre a
Jeté son anel enz ou puis,
Or ne li doi je ne ne puis 924
Plus veer le don de m'amor.
Ne sai por quoi je li demor.
Conques hom si bien ne si bel
Ne conquist amor par anel 928
Ne miex ne doit avoir amie. »
Sachiez qu'ele nu bleça mie.
Quant ele dit : « Biaus douz amis,
Tôt mon cuer ont el vostre mis 932
Cil doz mot et cil plesant fet
Et li dons que vos avez fet
A mon ombre en l'onor de moi.
Or metez le mien en vo doi : 936
913 Ou /i7 ^/u/o/ elsiens.
952 Tôt vostre cuer ont el mien mis. — 958 Je cuit que vos ne laurez mie.
Tenez, je vos doing comme amie.
Je cuit vos ne l'amerez mie
Mains du vostre, encor soit il pire.
— De l'onor », fet il, « de l'Empire 940
Ne me fesist on pas si lié. »
Molt se sont andui envoisié
Sor le puis de tant comme il peurent.
Des besiers dont il s'entrepeurent 944
Va chascun la douçor au cuer.
Lor bel oel n'en gietent pas puer
La parole, ce est du moins.
De tel geu comme on fet des mains 948
Estoit ebe dame et il mestre.
Fors de celui qui ne puet estre.
Dont il lor covendra molt bien.
N'i covicnt mes penser a rien 952
Jehak Renart a lor afere :
S'il a nule autre chose a fere,
Bien puet son penser mètre ailiers,
Que puis que lor sens et Amors 956
Ont mis andeus lor cuers ensemble,
Du geu qui remaint, ce me semble,
Venront il bien a chief andui ;
Et or s'en taise atant meshui ! 960
Ici fenist li lais de l'Ombre.
Contez, vos qui savez de nombre.
Remarque sur cette forme du texte.
Mettons à part 26 leçons évidemment ou presque évidemment fautives, celles que j'ai signalées et amendées chemin taisant. Tantôt un lapsus calami a estropié dans un mot une lettre ou une syllabe : mamiere pour manière (v. 544) par exemple; cf. les vers 131, 164, 292, 346, 369, 375, 686. Tantôt, par deux fois, le scribe a écrit un mot pour un autre : venir au lieu d'w/r au v. 308, sous l'influence du venir du vers
précédent, et fêtes au lieu de dites au v. 513, sous l'influence du fêtes du vers suivant. Ou bien il a omis un mot : nii au V. 75, qui au v. 207, poi au v. 24e, autres au v. 353, ^g au V. 498, rf au vers 556. Ou encore, par deux fois, il lui est arrivé de passer tout un vers : le v. 674 et le v. 812. Enfin il a gauchi en quelques endroits, faute d'avoir bien pris garde au sens de la phrase : écrivant quier pour quiert (v. 209), ne pour 7ien (v. 263), ditié pour ris gié (v. 466), de celui pour a celui (v. 562), puet \)OUT puis (v. 823), de Veaue pour en Veaue (v. 881), vostre ciier pour mon cuer (v. 932), /'aî;/'^^ pour Famere^ (v. 938). Rangeons dans le même lot 10 leçons que je répute suspectes^ que j'ai maintenues pourtant, parce qu'un critique plus habile réussirait peut-être à les justifier, et dont voici le relevé :
V. 54-5 : comment comprendre ces vers? — V. 102, qu'en : lire quant 7
— V. 141, biauté : lire douçors ? — V. 157, qui peut-il s'employer de la sorte au sens de celui qui ? — V. 217, que signifie a son pensé... ? — V. 261, feromes : ne faut-il pas le conditionnel? — V. 394, s' uns autres : lire s'une autre}
— V. 522, n'en : lire ne} — V. 623 : qu'est-ce que le mot soutise ? — V. 780- I : comment obtenir une rime exacte et comment construire la phrase?
Ce sont au total 36 leçons au plus que l'on doit condamner. De même, quand j'ai publié en 19 13 l'excellente copie A du Lai de VOmbre, il m'a fallu, bon gré mal gré, la corriger presque aussi souvent : 34 fois. Il n'est guère de copies si soigneuses d'un ancien texte littéraire qu'on n'y relève un nombre équivalent d'accidents du même ordre.
Mais, ayant une fois passé condamnation sur ces inadvertances du scribe, je pose en fait que le texte du manuscrit E est de tous points irréprochable, notamment aux quelque 300 lieux où Ton rencontre en A des leçons rivales, pour la plupart d'ailleurs non moins irréprochables ; et, plus particulièrement encore, aux 127 lieux où, à la leçon A, « appuyée » ou non par d'autres manuscrits, s'oppose une leçon E qui ne se retrouve nulle part ailleurs. Un lecteur qui voudra contrôler ce dire trouvera à l'appareil critique de mon édition de 19 13 les pièces de comparaison ; pour lui faciliter le travail, je lui offre la liste de références que voici :
Le phénomène de l'isolement du manuscrit E se produit aux
vers 5, 9. 10, 15, lé, 24, 29. 31, 32-5, 38, 39, 43, 45, 48, 50, 52, 53, 56, 57> 60, 71, 77, 83, 94, 98, III, 112-6, 126, 132, 138, 144, 145, 153, 158, 171, 204, 205, 219, 223, 232, 234, 253, 255, 256, 259, 284, 293, 299, 304, 305, 311, 320, 333, 341, 345, 364. 370, 37e, 378, 385-7, 406, 409, 419, 423, 430-4, 437, 439, 440. 444' 446-7, 462, 464, 469, 472, 476, 477, 488, 497, 498, 505, 507, )08, 513, 515, 523, 527, 5)0, 576, 580, 582, 584, 597, 613, éi6, 626, 627, ()^6, 661, 664, 688, 691, 69e, 724-5, 726, 7)8, 7)9, 784, 793, 795, 804, 809, 810, 814, 81), 825, 828, 846, 85e, 8)8, 8)9, 873, 876, 886, 894, 908, 946, 960.
Que l'on adopte, pour établir un texte dit critique du Lai de r Ombre, l'un quelconque des schémas ci-dessus dessinés et numérotés de i à 9, on s'obligera par là même à regratter le manuscrit E en des centaines de lieux et particulièrement en ceux-là : ce seront 127 leçons à rejeter en bloc, sans autre forme de procès.
Et si pourtant ce manuscrit E représentait une troisième et dernière édition, revue et corrigée par l'auteur ? Si vingt ou cinquante ou cent de ces 127 leçons étaient des retouches de la dernière heure, introduites par lui ?
Telle est l'hvpothèse que j'ai formée (schémas 10 et 11). Est-elle juste ? C'est ce que je me garderai de prétendre. Il ne s'agit que d'une vue des choses plus ou moins intuitive, d'un sentiment, d'une impression. Assurément, quand on examine les plus significatifs de ces cas de conflit, on voit se déployer, dans les leçons propres à E, le zèle d'un reviseur intelligent, qui s'applique avec plus ou moins de succès tantôt à rendre moins obscur un passage très difficile à entendre (v. 48), tantôt à remplacer une insolente cheville par un vers plein de sens (v. 370), d'autres fois à nuancer plus finement l'idée (v. 311, 378, 446-7, 66 1, 664), ou à refaire des phrases singulièrement gauches (v. 112-4, 305-8), ou encore à écarter une certaine licence de versification (y. 255, 505, 809, 810), ou à enrichir la rime (v. 158). iMais ce reviseur scrupuleux et habile, fut-ce Jean Renart en personne ? je ne sais, nul ne saura jamais. Par compensation, nul ne pourra jamais ruiner l'hypothèse que ce reviseur et Jean Renart ne font qu'un : car, pour la ruiner, il faudrait établir que, des 127 leçons propres à £, la plupart sont
100 I. BEDIER
empreintes d'un caractère de maladresse, de balourdise : et qui voudrait s'y essayer ? Peu importe donc qu'on la juge peu plausible, invnrisemblable : tant qu'on ne l'aura pas démontrée tout à fait absurde, elle interdira à tout homme de sens de construire un texte composite du Lai de l'Ombre.
MAÇON. PROTAT FREBES, INfPRIMEORS. MCMXXIX
