CHAPITRE PREMIER

Bretaigne est une belle isle de grant et illustre nom aux anciens autheurs Grecz et Latins située et assise en la mer occéane qu'on appelle la grant mer entre Occident et Septentrion à l’opposite de Germanie, des Gaulles et d'Espaigne, par grant estendue et longueur de pays. Ceste isle du costé de Midy, duquel regarde les Gaulles, est circuye de la mer que on appelle la mer de Bretaigne ; du costé de Septentrion, duquel regardent les isles Orchades et les isles Hebudes, est circuye de la mer appellée la mer Hyperborée, et de la mer appellée la mer d'Uccalidonie. Et du costé d'Orient duquel regarde partie de Germanie et le royaulme des Dannes, qu'on dit à présent Dannemarch, est circuye de la mer que on appelle la mer de Germanie. Et du costé d'Occident, duquel regarde l'isle de Ivverne autrement dicte l’isle d'Hybernye, et à présent Irlande, est circuye de la mer qu'on appelle la mer d'Occident. La longueur de ceste isle est dehuyt cens mil pas, et la largeur de trois cens mil pas, qui seroit, à compter deux mil pas pour une lieue, quatre cens lieues de long et cent cinquante de large. Et quant au regard du tour et circuyt qu'on dit que ceste isle a, il y a diversité d'oppinions entre ceulx qui en ont escript. Car aucuns disent que la dicte isle contient de tour et circuyt vingt deux mil Stades, dont les huyt vallent mil pas, qui seroit deux mil sepl cens cinquante foys mil pas, qui vauldroient treize cens soixante et quinze lieues. Les autres desquelz est César en ses Commentaires au cinquiesme livre de la Guerre des Gaulles, disent que la dicte isle contient vingt fois cent mil pas, c'est à dire mil lieues. Il y en a d'autres, entre lesquelz est Solin, et après luy Beda en l'Histoire Ecclésiastique des Anglois, qui disent que elle contient de tour et circuyt quarante huyt fois soixante et quinze mil pas, qui seroit à compter par lieues, quinze cens lieues. Pline dit au quatriesme de l'Histoire Naturelle, que selon lythias et Isidore elle contient de circuyt trente huyt fois vint et cinq mil pas, qui seroit beaucoup moins que tous les autres, si ce lieu là en Pline n’estoit point corrompu. Et semble par la lec-

ture d’aucuns Plines anciens, qu'il y ayt au passage allégué, trentehuyt fois soixante et quinze mil pas, nonobstant qu'en iceulx les motz soient transposez et aucunement corrompuz, laquelle chose sembleroit estre plus raisonnable.

Cesteisle de Bretaigne auroit esté spéciallement appellée Albion pour la blancheur (selon aucuns) des pierres et rochiers d'icelle isle apparans à ceulx qui arrivent en icelle, ou qui passent par les environs, et luv auroit esté baillé le nom par ce, ainsi que dit Pline au lieu allégué. Non seullement la dicte isle de Bretaigne, mais aussi l'isle de Ivverne dicte Hvbernie et plusieurs autres isles voisines et adjacentes desquelles sera cy après parlé se nommoient d’ung mesme nom : les Bretaignes. Les lieux maritins et costé de la mer de ceste isle vers les Gaulles selon César en ses Commentaires ou livre allégué, ont esté prins par force et possédez autres fois par les Belges, peuple des Gaulles, voisins d'icelle isle : qui là allèrent pour gaigner et piller ce qu'ilz trouveroient à leur gré, à la manière que souloient en ce temps là faire plusieurs peuples et nations tant en Grèce, Gaule, Germanie que autre part, es-[1528 v°]quelz lieux ilz auroient cultivé les terres et basty beaulx édiffices à la manière des Gaulles. Et que il soit ainsi il y avoit encores du temps de César, ainsi qu'il dist, plusieurs villes ès dictz lieux retenant le nom des villes et pays des ditz Belges desquelz ilz vindrent là. Et au regard du dedans d'icelle isle dit César qu'il avoit esté toujours possédé par gens que là on disoit estre nez en icelle. Quant aux meurs des anciens habitans de la dicte ille, selon César, les plus humains et traictables estoient ceulx qui habitoient vers [Cantium 1528, Canticum 1531], qui sont lieux maritins, et aussi ès environs, et où à présent est la ville de Londres, qui se appelloit Londinum : qui estoient peu différens de la manière de vivre des Gaulles. Mais ceulx qui habitoient le dedans de la dicte isle pour la pluspart ne cultivoient point leurs terres, et ne recueilloient aucun grain, mais vivoient de chair et laictz. Tous les habitans d'icelle isle avoientune manière de faire quant 1lz alloient à la guerre qu'ilz se taignoient voulentairement et d’ung commun accord d'une herbe nommée Glaston, qui les rendoit de couleur [1531 v°] azurée ou .céleste tirant sur le noir. Et faisoient cela affin qu'ilz fussent plus horribles et espoventables à veoir, et qu'ilz feissent plus grande paour à leurs adversaires. Et oultre ce 1lz laissoient croistre leurs cheveulx et la barbe estant au dessus de la baulieure supérieure ayant la barbe de dessoubz le menton, et tout autre poil rez qui les rendoit encores de regard plus sévère et cruel. Et fault entendre que la

dicte herbe nommée Glaston est une herbe servant à taincturiers ayant les fueilles quasi comme plantin et la tiche de deux couldées ou plus : nommée la dicte herbe par Discorides, Galenus et autres, anciens Isatir et en langue françoise ou gallique Guasdon ou Gaston ; maintenant par langue ung peu corrumpue vulgairement nous l’appellons Guesde. Et est assez congneue de nom et d'usage en France. Et non seullement les hommes de la dicte ysle allant en guerre se taingnoient de la dicte herbe, mais aussi selon aucuns les femmes d’icelle ysle aucunesfoys s'en taingnoient affin que plus honnestement en quelques festes et solennitez de leurs dieux elles peussent y estre et assister toutes nues, voulans en ce ymiter la couleur et tainct naturel des Ythiopiens. Les mariages de quoy 1lz usoient en icelle ysle estoient d'estrange sorte, car 1lz estoient dix ou douze qui auoient leurs femmes communes, et vivoient assemblement comme tous mariez les ungs aux autres, et souventesfois frères avec sœurs, pères et mères avec leurs enfans. Et quant aux enfans qui procédoient des dictes femmes communes estoient réputez enfans de ceulx qui premièrement avoient prins les dictes femmes vierges ou pucelles en‘mariage.

Quant à la considération du lieu et assiete de ceste ysle, aulcuns disent qu'elle est assise soubz ciel ou aer tempéré, et nonobstant que en ycelle l'air soit fort humide, toutesfois avec telle humidité y a chaleur modérée ou tepeur plus qu'en beaucoup de lieux ou régions voisines moins approchantes du Septentrion que la dicte ysle. Et peult estre la raison ; car quasi toutes ysles sont voulentiers plus humides et plus chauldes, ou de plus grande tepeur que les terres voisines qui ne sont point ysles qu'on appelle continent, qui peult aussi estre la raison que aucuns lieux et pays des Gaulles et Germanie moins approchans du Septentrion sont plus froiz que ceulz qui plus en approchent, néantmoins que la raison commune soit au contraire. Les signes de la température de l’air d'icelle ysle sont selon iceulx les fort doulces et fort excellentes laynes que portent là les bestes à layne en grande habondance et qu'on va là quérir comme telles de toutes pars, aussi les grandes cornes que ont en icelle isle beufz et vaches. Mais oultre ce peult démonstrer la bonté de l’aer d'icelle isle plusieurs autres choses excellentes que y produict nature en grande abondance, comme entre autres choses fins métaulx quasi de toutes sortes, c’est assavoir or, argent, estaing, erain, fer, plomb, aussi pierres précieuses, et entre autres grande habondance de perles, desquelles fist faire Jules César, ainsi que dit Pline ou neufiesme de son Histoire Naturelle, ung pectoral, c'est

à dire ung aornement à mettre devant la poictrine qu'il donna et dédia au temple de Vénus en son honneur, de laquelle il pensoit estre descendu par génération prenant sa descente de Enéas qu’on disoit estre filz de Vénus. Mais dit Pline au lieu allégué que les perles qui croissent en la dicte isle de Bretaigne ou en la mer d'icelle sont petites et descolorées, c'est à dire qu'elles n'ont pas une clarté vive comme ont perles quon appelle orientalles. Pareillement y a en ceste isle source de eaues naturellement chauldes, excellens pasturages et bestail fort hon en grande quantité et plusieurs aultres choses singulières qui seroient longues à réciter. 1] y a en ceste isle faulte de vin, mais au lieu d'icelluy 1lz usent des cervoyses, l'invention de laquelle attribue Pline aux Espaignolz, aussi ilz sont voisins des pays des Gaulles où croissent bons vins en habondance où les habitans de la dicte isle se pevent fournir. Ceste isle de Bretaigne, précédent le temps de Jules César, n'avoit point esté congneue par les Rommains lequel César yÿ alla par deux foys et subjuga quelque partie d'icelle isle et la rendit tributai| 1528, 2jre aux Rommains. Depuis luy par Claudius empereur qui aussi y alla en personne pour quelque mutinerie qui estoit au pays, partie d’icelle isle fut subjuguée et mise en l’obéissance des Rommains facillement et sans guerre, ainsi que récite Suétone. Pareillement selon l'oppinion de Eusèbe plusieurs isles des environs qu’on nomme Archades furent par luy subjuguez. Et estoit la dicte isle congneue par les Rommains et par eulx subjuguée du temps de Pline jusques à la forest de Calidonie où à présent est le royaulme d’Escosse. Et depuis auroit esté icelle isle en ceste sorte tenue soubz l’obéissance des Rommains au deçà de la dicte forest de Calidonie jusques au règne de l’empereur Valentinian 11531, 2] régnant, duquel furent fort oppressez de guerres ceulx de la dicte isle subjectz aux Rommains par deux nations appellées les Escossois et Pictoys qui les vouloyent subjuguer à eulx et à leur obéyssance. Au moyen de quoy furent contrainctz les ditz habitans subgectz aux Rommains envoyer par devers ung nommé Aétius qui lors estoit lieutenant général et gouverneur pour le dit empereur au pays de Gaulle affin d’avoir secours, lequel Aétius ne leur envoya aulcun secours de ses gens parce que, ainsi que aucuns veullent dire, il en avoit lors à faire où il estoit. Et par tant furent contrainctz les ditz insulans avec quelque nombre de Rommains qui estoient en icelle prendre l'adventure à l’encontre des ditz Escossois et Pictois, laquelle chose leur vint à grant honneur, Car ilz obtindrent victoire sur les ditz Escossois et Pictoys, et les contraignoient de eulx retirer plus bas en la dicte isle, mais

craignans les dictz Rommains et insulans qu'ilz ne peussent pas longtemps garder leur pays sans secours à l’encontre des dictz Pictoys et Éscossoys appellèrent à leur secours quelque nombre de Saxons qui se nommoient Anglois qui n'estoient pas loing de la dicte isle pour les garder à l'encontre desditz Escossois et Pictois, moyennant pris constitué entre eulx pour leurs ‘gaiges et sallaires, lesquelz Saxons nommez Anglois vindrent en la dicte isle, ayans pour duc et cappitaineung nommé! Vertigerus 1528, Vertigius 1531].

Après qu'ilz furent arrivez en1icelle 1lz firent quelques guerres à l'encontre desdictz Escossois et Pictois et les réprouvèrent et eurent quelques victoires, mais le prouffit de leurs victoires ne fut pas aux Rommains et insulans, mais ausditz Saxons Anglois lesquelz après qu ilz eurent chassé les dictz Ecossois et Pictois et sur eulx obtenu victoires, et qu'ilz se virent les plus fors 1lz voulurent mettre lesdictz Rommains et insulans avecques le pays qu'ilz tenoient à leur obéyssance et subgection, et pour mieulx venir à leur attainte firent mourir de diverses sortes de mort grande quantité desditz Rommains et insulans, mesmement de ceulx qu'ilz congnoissoient avoir povoir et auctorité en ladicte isle. Et dès lors délaissa la dicte isle estre subgeste, et en l’obéyssance des Rommains qui la tenoient ainsi que dessus est dit et entre ce que tenoient les dictz Rommains en la dicte isle en l'obéyssance des dictz Saxons Anglois. Et depuis quelque temps après ensuyvant ung nommé Aurelius Ambrosius cytoyen Rommain qui quasi seul des Rommains qui estoyent en icelle isle estoit demouré saulvé de l’occision faicte par les dictz Saxons Anglois s'esleva et feist quelque assemblée de gens, par le moyen des habitans d'icelle isle pour chasser lesditz Saxons Anglois et se vendiquer sur eulx en liberté, pour se remettre en l'obéyssance des Rommains qui estoit chose plaisante ausditz insulans. Et print le dit Aurelius habit d’empereur et tel se fist nommer et fist la guerre fort et ferme ausdictz Saxons Anglois. Finablement après plusieurs combatz et journées de guerres doubteuses furent lesdictz Aurelius et insulans vaincus par lesditz Saxons Anglois et fut tué en la bataille ledit Aurelius. Après laquelle victoire exercèrent lesditz Saxons Anglois si grande cruaulté contre lesditz insulans en les mettant à mort çà et là, de ville en ville et partout là où 1lz les trouvoient sans miséricorde ne rémission, que iceulx insulans de grande paour qu’ilz avoient de cheoir ès mains desditz Saxons Anglois s’enfuyrent de ladicte isle et à force de navires, basteaulx et autres vaisseaulx pour naviger que ilz firent légièrement et à grant haste se misrent sur la mer à si grant flotte et presse de gens, que

beaucoup desditz basteaulx qui estoient trop chargez périrent : et y [eut 1528, fut 1531] grant nombre desdictz insulans noyez en chemin. Et firent tant lesditz insulans qu'ilz arrivèrent ès parties des Gaulles voisines de ladicte isle qui estoient de la province de Touraine vers la fin d'Acquitaine qu'on nommoit les Armoricques, qui est pays maritin et coste de mer ouquel lieu 1lz misrent leur siège et y habitèrent et nommèrent icelluy pays Bretaigne du nom de ladicte isle qui estoit leur pays duquel 1lz estoient en fuytte et chassez par lesdictz Saxons Angloys, lequel nom auroit duré et dure encores jusques à présent au dit pays qui est présentement ung beau duché riche et opulent nommé le duché de Bretaigne soubz l'obéyssance du Roy de France, et dès lors ladicte isle perdit son nom et délaissa à estre appellée Bretaigne et fut appellée par lesditz Saxons Anglois de leur [1528 v°] nom Angleterre ce qui souloit estre de l'obéyssance des Rommains, comme terre par eulx conquise et gaignée sur lesdictz insulans, et là perpétuèrent leur nom lesdictz Saxons Anglois qui ne l’auroient sceu perpétuer en leur pays de Saxone. Et délaissa avoir nom Bretaigne ladicte isle et commença estre nommée Angleterre ce qui estoit en icelle en l’obéyssan-[1531 v°]ce desdictz Rommains, régnans Zéno et Augustule empereurs : c'est assavoir ledit Zéno à Constantinoble, Augustule à Romme, l'an soixante et troys que l’empire de Romme commença à décliner.

Quant à la division plus ample de ceste ysle, il fault entendre que icelle isle que les anciens autheurs Grecz et Latins l’ont dicte estre triangle a esté divisée en trois parties, lesquelles souloient estre anciennement distinguées par promontoires qui sont lieux insignes, haultz eslevez de terre ou en montaigne assiz sur le rivage de la mer, ou dedansicelle, apparans de loing à ceulx qui sont sur la mer. Deux desquelles parties tient à présent le Roy d'Angleterre, et l’autre qui est la tierce Le roy d'Escosse. La première partie est ou souloit estre anciennement Cantium et Londinum, qui contient les lieux maritins et coste de la mer à l’opposite des Gaulles avec grant pays de ladicte isle : et est la partie de la dicte isle la plus humaine, civile et traictable et se appelle proprement Angleterre, ainsi nommée par les Saxons Angloys, comme dessus a esté dit. La seconde partie de ladicte isle est au hault d'icelle en tirant vers le Septentrion, où souloit estre anciennement la forest de Calidoine, avec ung promontoire de ce nom, circuye du costé de Septentrion de la mer nommée la mer Calidonie ou d'Uccalidonie, et en icelle est à présent le royaulme d'Escosse. Et est divisée la première partie de montaignes, et de deux petitz flocz de mer,

allans et venans, distans l’ung de l’autre de soixante mil pas qui se peullent parfois passer à guay, vers laquelle division auroil autresfois esté faicte muraille par Sévère empereur. Ceste partie qui est Escosse, est appellée par les Angloys Albanye, par Ptholémée la petite Bretaigne, par autres la seconde Bretaigne. La troisiesme partie de ceste isle est du costé de Occident à l’opposite de l’isle d'Ybernye ou Irlande où souloit estre anciennement ung peuple ou nation nommée Brigantes, et aussi ung promontoire insigne appellé Helenum, qui est à présent appellé Cornubie ou Cornouaille vulgairement, ouquel lieu croist le bon et fin estaing d'Angleterre qu'on appelle estaing de Cornouaille, et ceste partie s’appelle Walie : nous l’appellons vulgairement, Gualles, le premier v mué en g. Et auroit esté ainsi nommée pour ce qu’elle est du costé d'occident de ladicte isle, lequel occident s'appelle west en langue vulgaire du pays ou mieux de Germanie dont sont venus les Saxons Anglois qui auroient occupé la pluspart de la dicte isle comme dessus a esté monstré, au moyen de quoy on appelle aucunes fois les habitans de la dicte tierce partie Westexons Westranglois : c'est à dire Saxons ou Anglois occidentaulx, et joinct ceste partie à la première du costé de l'Orient d'icelle tierce partie. En ceste partie y avoit eu autresfois ung beau royaulme qui y auroit duré jusques au temps de Edouard tiers roy d'Angleterre lequel l’auroit aboly et mis icelle partie soubz l’obéyssance du roy d'Angleterre, laquelle depuis auroit esté érigée en principaulté, qui se baille en tiltre au filz aisné du roy d'Angleterre qu'on appelle le prince de Walie ou de Gualles. Il convient entendre oultre ce qui est dit que ladicte isle de Bretaigne nommée spéciallement Albion qui comprend à présent les royaulmes d'Angleterre et d'Escosse n’est seulle isle au quartier de son assiete, mais ès environs d'icelle du costé d’Occident et Septentrion y a plusieurs belles isles congneues et célébrées par les anciens aucteurs grecz et latins. Entre lesquelles y a une qui est la plus belle et la plus grande de toutes nommée Ivverne, dont cy dessus est parlé, et par aucuns Hybernie, maintenant on l'appelle vulgairement Irlande, et est assise ceste isle du côté d'Occident de ladicte isle de Bretaigne vers la haulte partie d’icelle isle de Bretaigne qui tire au Septentrion, et est circuye du costé d'Occident de la mer Occidentalle, du costé d'Orient de la mer Hibernique qui est entre la dicte isle de Ivverne ou de Hibernie et de Bretaigne, divisant icelles l'une de l’autre, et du costé deSeptentrion de la mer Hiperborée, et du costé de Midy de la mer Verginer. Et contient ceste isle en longueur et largeur selon César au lieu allé-

gué autant que la moictié de la dicte isle de Bretaigne. Mais, selon Pline, au quatriesme livre de son Histoire Naturelle alléguant à ce propos l’oppinion de Agrippa : elle contient en largeur autant que ladicte isle de Bretaigne, mais en longueur elle est moindre de deux cens mil pas, et est distant de ladicte isle de Bretaigne de pareille espace comme est distante ladicte isle de Bretaigne des Gaulles ; et dit Solin que ceste mer qui est entre lesdictz deux isles de Bretaigne et Hibernie n'est point paisible ne carme, mais plaine de vagues, au moyen de quoyv n'est point navigable sinon en esté, et encore peu de jours [1528,3]. Ceste ysle de Hybernie, selon Pomponius Mela, est inutille à semences et grain, pource que l’aer d’icelluy pays ne peult mener icelles semences à maturité, néantmoins est la dicte ysle fort fertille et [1531,3] habondante en pasturages excellens et si bons qu'en peu d'heure de jour le bestail d'’icelle isle où il y en a de bon et grande quantité est plainement nourry pour tout le jour en telle sorte que pour la pluspart du jour il est besoing le garder de manger ou paistre, autrement de trop grande nourriture ledit bestial seroit en danger de mourir, mesmement en temps d'esté. Les habitans d'icelle isle ne sont pas si humains et traictables que ceulx de ladicte isle de Bretaigne, mais maintenant ceulx qui respandent et repairent du costé de la dicte isle de Bretaigne et les plus prochains d’icelle sont les plus traictables, et au regard des autres sont sauvages et vivans quasi comme bestes. Aussi en ceste isle à présent y croist froment, et aussi d'icelle viennent fort bons chevaulx de selle, que nous appellons communément haulbains ayans l’aleure plus doulce que ceulx d'Angleterre, laquelle sorte de chevaulx souloit le temps passé venir d Espaigne d'ung lieu appellé Asturie, et les appelloit on au moyen de ce Asturcoy ou Asturcons. La pluspart de ladicte isle d'Hibernye à présent est subgecte au roy d'Angleterre. On dit estre en icelle ung lieu qu’on appelle le Purgatoire sainct Patrice, qui fut ung de ceulx qui ayda à convertir les habitans d'icelle isle à la foy chrestienne, lequel lieu on appelle vulgairement le trou sainct Patrice, et duquel on a faint et controuvé plusieurs choses non dignes de foy. Entre les isles de Bretaigne et Hibernye y a plüsieurs petites 1isles, entre lesquelles y en a [à] présent deux de nom : c'est assavoir une qui se nomme Mona, de laquelle parle César et Pline, et souvent Cornelius Tacitus, et l'appelle on à présent vulgairement Man laquelle on dit estre subgecte au roi d'Escosse, et y en a une autre qu'on appelle Anglesia qu'on dit estre subgecte au roy d'Angleterre. Au dessus desdictes isles de Bretaigne et Hybernie en tirant

vers le Septentrion quasi entre lesdictes deux isles y a cinq autres isles de nom qu’on appelloit anciennement les isles Hébudes. Et en tirant d'icelles vers Orient au dessus du royaulme d’Escosse vers le Septentrion sont les isles nommées Occhades quasi en rond distant de peu de chemin les unes des autres que dit Ptolémée et Pomponius Mela estre au nombre de trente, Pline et Martianus Cappella au nombre de quarante, lesquelles isles on dit à présent estre subgectes au Roy d Escosse. Et d’icelles en tirant ung peu vers Orient, et de là en montant au Septentrion est assise l'isle de Thyle, laquelle ont mis les anciens pour le dernier lieu habitable du costé du Septentrion, nonobstant que depuis on a trouvé autres lieulx et isles plus avant en tirant vers le Septentrion, mesmement oultre le circle arctique comme l'isle de Islande et les terres nommées Pilappellant, et Angrouellant. Par delà lequel circle l’in[élqualité de jours aux nuytz, et des nuytz aux jours est si trèsgrande quant le soleil est au signe et tropique de Cancer, ou au signe et tropique de Capricornus, que chascun paralelle est différent l'ung de l’autre d'ung moys de tout jour, ou d'ung moys de toute nuyt jusques à ce qu'on soit soubz le pol arctique soubz lequel 1l n'y a que ung jour et une nuyt en tout l'an, c’est assavoir six moys de jour et six moys de nuyt, lesquelles choses ensemble quelle inéqualité de jours à nuytz el de nuytz à Jours est ès isles cy dessus déclairées, pour ce que beaucoup y mettre plus grande inéqualité qui n'y est ne se sçauroit bonnement comprendre par ceulx qui n’entendent pas la constitution et composition de la sphère, par laquelle les dictes choses clèrement sont démonstrées, parquoy de ceste matière en ce lieu Je laisseray d’en parler. Il y a oultre les isles dessus nommées encores plusieurs autres isles ès environs de la dicte isle de Bretaigne, entre lesquelles est l'isle de Mitteris. Et du costé de Germanie les isles Glissaires nommées par les Grecz Electrides ainsi nommées, pour ce qu en icelles isles dégouste de certaines sortes d'arbres une liqueur comme gomme ou résine, laquelle après s’endurcit qui s'appelle par les Germains ainsi que dit Pline glessum, et par les Latins se nomme succinum, et les Grecz le moment electrum ; les propriétez de laquelle met Pline bien au long au dernier livre de son Hystoire Naturelle.

Oultre ce que est cy dessus dit des premiers habitateurs de la dicte isle de Bretaigne selon l'oppinion de César en ses Commentaires, on trouve en quelques croniques anciennes de la dicte isle autre narration du commencement plus ancien des habitateurs d’icelle isle, laquelle nonobstant qu'elle pourroit mieulx sembler

tenir de fable que d'hystoire seroit besoing en brief déclairer, pour ce que depuis là on fait la descente de ceulx qui ont depuis habité et tenu icelle isle. Et pour entendre ce que c'est, on dit que longtemps devant la destruction de Troye la grant 1l y eut ung roy de Syrie qui eut une fille nommée Albina, laquelle avec trente deux seurs qu'elle avoit fut chassée et expulsée par son père, parce qu’elle et ses dictes seurs avoient mis à mort leurs maris. [celle Albina avec ses dictes seurs après [1528 v°] long chemin fait arriva en la dicteisle de Bretaigne, laquelle elle nomma de son nom Albion. Et de [1531 v°] puis chercha maris pour elle et ses dictes seurs, par le moyen desquelz elles eurent plusieurs enfans de haulte et grande stature qui tindrent et possédèrent icelle isle par long temps, et Jusques à ce que ung nommé Brutusles chassa et expulsa d'icelle isle, laquelle il nomma de son nom Bretaigne. On dit que cestuy Brutus estoit filz de Silvius qui estoit filz de Ascanius filz de Aeneas Troyen, lequel Brutus eut trois enfans, chascun desquelz fit et constitua en icelle isle ung royaulme et nomma de son nom. L'ung desditz enfans se nommoit Locrus qui constitua ung royaulme nommé Locrie, l’autre Cambrus qui constitua ung royaulme nommé Cambra. qui se nomme à présent Warvich dont cy dessus a este parlé. Le troisième Albanactus qui constitua ung royaulme nommé Albanye qui est maintenant Escosse comme a esté cy dessus dit. Locrus survesquit ses deux frères, et luy seul obtint toute ls dicte 1isle de Bretaigne.

Comment et par quelle manière la trèsbelle et excellente cronicque

du noble et puissant roy Perceforest fut premièrement mise en évidence, et apportée du pays d'Angleterre deçà la mer en ce royaulme de France. Et puis (ranslatée de latin en langage françois au prouffit, honneur et passetemps de tous princes, chevaliers, seigneurs el dames.