CHAPITRE XV
Environ trois cens. Îx. ans après la fondation de la cité de Romme les Gaullois de la province de Sens avec leur duc [Brenno 1528, Brennus 1531] et moult grant armée après qu'ilz eurent mys le siège devant une ville nommée Clusini qui est de présent appellée Tuscane, c’estlà dire Tustane, les messagiers des Rommains vindrent
pour combatre contre eulx : dont Brennus moult indigné il délaissa le siège de Clusini et se partit à tout son armée et tira droit à Romme. Et quant Fabius le consul en fut adverty il amassa ses gens pour aller au devant de Brenuus. Mais il ne peut pas résister à la force et puissance de Brennus lequel à l'ayde de ses gens les découppoit et destrenchoit comme on fait les chaulmes des bledz. Et ceste dure occision de Fabius, le tesmoigne assez le fleuve qui est appellé Habia tout ainsi que le fleuve dit Cremera tesmoisgne aussi des autres Fabiens, car il seroit bien difficille de racompter le tresbuchement et occision de la chevalerie de Romme, laquelle fut embrasée et mise en feu par les Gaulois qui trespercèrent la cité et occirent la plus part des sénateurs en leurs palais et [1528,1531, 13] par l’embrasement des maisons qui tomboient sur eulx ilz eurent là leurs sépultures. Et tous les jouvenceaulx de Romme se retirèrent en la tour du Capitole où ilz se trouvèrent environ mille hommes et furent léans assiégez et affamez les malheureux Rommains.
En ce mesme temps que ceulx de Gaulle tenoient Romme en leur subjection il y avoit ungroy en Grèce nommé Artaxerses roy des Prelans [sic 1528, 1531] lequel fist commandement par tout le pays de Grèce que chascun laissast les armes et vouloit que chascun reposast en bonne paix, et ordonna que quiconques [Roi le contraire qu'il fust griefvement pugny.
En ce temps là il y avoit à Romme deux consules ; c’est assavoir Fabius et Porcenna qui avoient le gouvernement des Rommains, lesquelz quant 1lz eurent congneu qu’il estoit impossible de povoir résister à la puissance de Bellinus et de Brennus, par le conseil et advis des sénateurs 11z vindrent parler à eulx, et leur requirent avoir paix, amytié et concorde avecques eulx. Et leur offrirent aussi plusieurs gros dons d'or et d'argent par tel sy que on les laisseroit jouyr et possesser leur pays en paix, et pour seurté de ce leur baillèrent ostages. Et ce fait, Bellinus et Brennus emmenèrent leur ost et leurs armées en Germanie, qu'on dit maintenant Allemaigne. Et quant 1lz eurent jà molesté le populaire les Rommains commencèrent à eulx révolter, et de soy repentir d'avoir fait l'aliance dessusdicte avecques Bellinus et Brennus, et reprindrent leurs hardyesses, et se misrent en armes pour aller secourir les Allemans. Et quant cela fut venu à la congnoissance des deux roys, c'est assavoir Bellinus et Brennus, ilz en furent moult indignez; si assemblèrent tantost leur conseil pour sçavoir comment 1lz pourroient batailler contre l'ung et l'autre peuple, car 1lz estoient jà descenduz tant d'Italiens à l’aide des Germains qu'ilz en furent tous espoventez.
Net
rs
41 ee Pen GO
