CHAPITRE XIIII

Brennus doncques arrivé au port de Gaulle, comme dit est dessus, estoit moult tourmenté et angoisseux, et portoit moult grief en son courage d'avoir ainsi esté débouté de son pays, et quil n'avoit plus povoir ne puissance de user de la dignité royalle qu'il avoit perdue, ne à qui il prendroit son refuge, il alla par les provinces de Gaulle acompaigné seullement de douze chevaliers. Et quant il eut à chascun monstré et compté sa misère et calamité, il ne peut avoir aucune ayde, et finablement il vint à Segnium le duc des Allobrogoys, qui sont de présent appellez Bourguignons, et fut illecques receu noblement, et demoura avecques luy quelque temps, : et acquist avec le duc si grande familiarité qu'il n’y avoit nul en sa court qui eust port ny audace devant luy : car aussi en toutes les besongnes et affaires du duc, fust en paix ou en guerre, il démonstroit sa prouesse et hardyesse, en sorte que le duc l’aymoit d'amour de père comme sil eust esté son filz. Il estoit beau personnage, et bien formé de tous ses membres, et sçavoit moult bien parler : 1l estoit aussi endoctriné au fait de la chasse au gibier et en vénerie. Et luy estant ainsi en l’amour et en la grâce du duc, le duc délibéra de luy donner en mariage une seulle fille qu'il avoit, partel sy, que s’il advenoit qu'il ne peust avoir filz masle de ce mariage il luy promettoit qu'il luy donneroit le royaulme des Allobrogois pour en jouyr et possesser avecques sa fille après son trespas. Et s'il advenoit qu'il eust ung filz, il luy promettoit de luy donner secours et

ayde à conquester le royaulme de Bretaigne. Et n’estoit pas Brennus, seullement aymé du duc, mais aussi de tous les barons, chevaliers et seigneurs de la court. Et sans faire longue demeure le duc maria sa fille à Brennus, et se soubzmisrent lors tous les princes du pays à luy et luy furent donnez les sièges du royaulme. Et ces choses faictes ne demoura guères que le duc passa ses derniers jours et mourut. Et quant il fut décédé Brennus appella tous les princes, barons et seigneurs du pays, et les attira tous à son amour, et leur départit et donna une partie des trésors du duc qu'il avoit réservé et gardé dès le temps des Orcasions. Et davantage ce que les Allobrogois prisoient moult fort, 1l estoit charitable et donnoit voulentiers à ceulx qui avoient povreté et souffreté. Et luy estant ainsi en l’amour de chascun il pensa à luy mesmes comment et par quel moyen il se pourroit venger de son frère Bellinus. Et quant il eut dénoncé et déclairé au peuple son vouloir, chascun fut [1528, 1531 v°] content de luy tenir compaignie partout là où il les vouldroit mener. Et lors sans plus arrester 1l assembla moult grande armée et print alliance avec ceulx de Gaulle lesquelz luy promisrent qu'ilz le laisseroient passer par leurs provinces pour aller en Bretaigne. Et feit tantost appareiller son navire au port de Neustrie qu'on ‘appelle maintenant Normandie, et quant tout fut prest, il entra en mer et eut bon vent, et par bons voilles il singla si bien qu'il entra en l'isle de Bretaigne, et quant sa venue fut sceue Belinus assembla tantost tous ses subjectz et la jeunesse du royaulme de Bretaigne et s’en alla à l'encontre de Brennus pour luy livrer la bataille. Et quant les batailles furent ordonnées tant d'une part que d'autre sur le port pour combatre, la mère des deux enfans nommée Tommenna survint là, et en traversant les batailles désiroit de trouver son filz Brennus, et quant 1l l'eut apperceu elle va incontinent acoler de ses

deux bras et commença doulcement à le baiser, el en descouvrant

ses mamelles elle pleuroit et souspiroit en telle maniére qu'elle ne povoit parler. Et quant elle peut parler elle luy dit telles ou semblables parolles : « Souviengne toy, mon filz, de ses mamelles que tu as alaittées et succées. Souviengne toy aussi [mon filz 1528] du ventre de ta mère ouquel l’ouvrier et créateur de toutes choses te créa de riens et te feilt venir homme en ce monde en trèsgrant angoisse et travail de mon ventre. Ayes doncques souvenance des grans angoisses que j'ai souffers pour toy, et par tant je te prie que tu me octroye et m'accorde une requeste, c’est que vueilles appaiser ton yre et pardonner à ton frère lequel ne feit jamais tort à nully, et quant tu auras bien tout considéré tu trouverras que à tort te

plains de luy : tu scez bien que tu estois subject à luy. Ne te souffit il pas que tu possèdes maintenant le royaulme des Allobroges ? Quelle chose t'a fait ton frère sinon que d'ung povre rocher il t’a pourveu d'ung beau royaulme ? Et saches que la discorde qui est entre vous deux n'est pas de luy procédé, mais de toy, car tu prins alliance et ayde du roy de Norveg pour te eslever à l'encontre de luy. » El lors sur ces parolles avec plusieurs autres qui seroient longues à racompter le roy Brennus fut meu de pitié et appaisa son yre et son courage, et tantost de sa propre voulenté il osta le heaulme de dessus sa teste et se partit de son ost et alla avec sa mère vers son frère Belinus, et en signe de paix commencèrent à embrasser et baiser lung l’autre, et ostèrent leurs armeures, et sans aucune demeure ilz furent faictz bons amis ensemble. Et feirent désarmer leurs gens et s'en vindrent en la cité de Trinovacum et illec tindrent leur conseil et délibérèrent de mener chascun leur ost ès parties de Gaulle, et de submettre toutes les provinces du pays à leur puissance, subjection et obéyssance, et tantost après ilz passèrent la mer pour descendre en Gaulle, et quant 1lz y furent descenduz ilz commencèrent à gaster le pays. Et quant la chose fut congneue par les roys de France 1lz se misrent en armes et assemblèrent leurs gens pour venir à l'encontre d'eulx. Et quant ilz furent approuchez l’ung de l’autre 1lz combatirent moult asprement, et finablement Belinus et Brennus obtindrent la victoire et ne cessèrent de suyvir ceulx de Gaulle jusques à ce qu’ilz prindrent le roy et les contraignirent à eulx rendre, et destruisirent toutes les citez et submirent à eulx tout le royaulme avant qu'il fust ung an passé. Et quant toutes ces choses furent acomplies 1lz délibérèrent d'aller conquester Romme à tout leurs armées, et quant 1ilz furent entrez au pays 1lz gastèrent toutes les Ytales.

Comment Belinus et Brennus conquirent plusieurs pays, el allèrent Jusques à Romme.