PROLOGUE

Aux trèsexcellentz, belliqueulx, invictissimes et insupérables Héroes Françoys, salut, honneur, prouesse, victoire et triomphe.

Je ne sçay si vostre héroïque magnificence, Seigneurs trèsmagnanimes, trouvera point estrange que j'aye entreprins escripre à vostre universelle monarchie, veu que mon débile esprit à peine pourroit fournir stille condécent pour adresser au moindre de vous. [Par 1528 pour 1531] quoy d'entreprendre présenter escriptz à tant de claires et perspicaces veues, pourra vous sembler trop téméraire, et ores que vos bénignitez le voulsissent louer et priser, toutesfoys émulateurs le pourront blasmer et y trouver facillement à détracter et redire. À la vérité, Seigneurs, je suis assez adverty que mes imbécilles œuvres ne pourroient desservir d’estre présentées à voz trèsprudens regards, et néantmoins je ne vouldroye faillir à démonstrer envers vos excellences le bon désir que ay tousjours eu de illustrer, recommander et extoller le perpétuel renom de voz celsitudes, car elles méritent tout hault bruyt et exaltation. Et puis que [le los 1528 lotz 1531] si a merite tout gentil entendement se doit parforcer, pener et ingérer de vous priser, honnorer, collauder et s’employer à magnifier voz impérissables Iouenges. Certes tous bons esperitz amateurs de vertueulx gestes se y doivent entièrement employer : car ilz trouveront la spacieuse mer de toute noblesse, le trèsample pourpris de toutes vertuz, le somptueux don- Jon de tout honneur, les arcs triumphans de glorieuses victoires, et finablement l'unique recueil de toute foy, loyauté, intégrité et proesse résidens en voz invincibles et trèsnobles cueurs y entez par les impérissables gestes de vos trèsinclitz prédécesseurs et par vous labourieusement cultivez, ampliez et dilatez. [lz y trouveront la trèsclère fontaine des parnasées liqueurs où les Nymphes Pégasides acompaigniées du resplendisseur Apollo aspirent toute leur puissance et divine faconde, tellement que ceulx à qui les dieux propices ont eslargy quelque spirituelle grâce, ne doivent eulz pener aillieurs, ains en consacrant et célébrant voz immortelles renommées, s’efforcer d'acquérir nom à Jamais perpétuel. En ceste trésanimeuse mer, en ce vertueux pourpris, en ce honnorable donjon, et sur ces arcs triomphans se sont assis et exercez le facunde Gaguin, le preux Argenton, la source de sçavoir Bude, le trèséloquent Emille, le délicieux Collin, [Le 1528] Maire illustrateur, le concueilleur Bochet, les maroniens Marotz, et tant d’autres excellentz esperitz qu'ilz ont acquis indélébile bruit et exaltation. Et