Peschiera, sur le lac de Garde, province de Vérone

dit lieu de Pesquere, après avoir eu en ses mains toutes les villes et places par luy querellées * , comme Crémonne, Greme ^, Bresse, Bergame et cent autres petites villes, que toutes il eut en cinq ou six jours, excepté le chasteau de Crémonne, qui tint quelque temps, mais enfin se rendit. Et bien fist davantage ledit prince, car par le moyen de la bataille qu'il gaigna, fut rendu au pape Julles, Ravenne, Fourly, Ymole, Fayence ^, et plusieurs autres places que lesditz Véniciens tenoient en Rommaigne , et au roy d'Espaigne, en son royaulme de Naples, Brindis * et Otrante, et à luy-mesmes furent présentées les clefz des villes de Véronne, Vincence et Padoue, mais il les mist entre les mains de l'empereur qui les querelloit. Toutesfois il ne garda guères bien les aucunes, dont mal luy en print, comme vous verrez cy-après. Sur ces entrefaictes, le reste de l'armée des Véniciens bienestonnée, se retira vers le Trévizan et le Fryol, cuydans que tousjours on les deust suyvre, ce qui ne se fist pas, qui fut gros malheur pour l'empereur, lequel de jour en jour s'attendoit par le roy de France en ceste petite ville de Pesquere, car promis avoit se trouver dedans ung vaisseau, acompaigné comme bon luy eust semblé, sur ung lac qui environne partie de ladicte ville de Pesquere, pour parlamenter ensemble plus amplement de leurs affaires; et à ceste cause