Brindisi, ville de la Terre d'Otrante

146 HISTOIRE DE BAYART

avoit esté envoyé vers luy le légat d'Amboise jusques à Rouvray^ mais oneques ne le sceut amener. Parquoy, après son retour, et qu'il eut amené l'évesque de Gurse^, ambassadeur pour ledit empereur, devers le roy de France, lequel vint tellement quellement excuser son maistre, s'en retourna par ses journées à Milan au commencement de juillet.

Cependant la ville de Padoue, en laquelle l'empereur avoit seuUement envoyé huyt cens lansquenetz pour la garde, laquelle a six mille de tour, fut reprise par les gens de la Seigneurie de Venise; et y entra messire André Grit ^ avecques ung autre cappitaine appelle messire Luce Mallevèche*, par une subtillité telle que je vous diray. Tousjours avoient les Véniciens quelque intelligence en la ville , et fault bien noter une chose : qu'oncques seigneurs ne furent sur la terre plus ayméz de leurs sudjectz qu'ilz ont tousjours esté, et seullement pour la grande justice en quoy ilz les maintiennent. Or, entendez sur le commencement de juillet, qui est le temps que pour la seconde fois on fauche les foings en Ytalie, ung mardy matin, s'estoient venuz embuscher, à ung gect d'arc de ladicte ville , qui est à l'entour plaine d'arbres , tellement qu'on ne sçauroit veoir guèresloing, lesditz cappitaines messire André Grit et messire Luce Mallevèche, avecques quatre cens hommes