Lucio Malvezza, d'une famille noble de Bologne

d'armes et deux mille hommes de pied. Or, en ceste ville de Padoue, chascun jour se recueilloit ordinairement force foings, et en ce quartier-là font les charretées grandes, de sorte que au passer en une porte elles y entrent quasi à force. Le jour de leur embusche, dès le point du jour, ses charrettes commençoient à entrer dedans ladicte ville. Quant quatre eurent passé, après la cinquiesme venoient six hommes d'armes véniciens, et derrière chascun de leurs chevaulx ung homme de pied garny de hacquebute toute chargée, et parmy eulx avoient une trompette pour sonner incontinent qu'ilz auroient gaigné la porte, affin que la grosse force qui estoit en embusche vint. Si peu de lansquenetz qui estoient dedans la ville faisoient fort bon guet et ne tenoient que deux portes ouvertes, où pour le moins y avoit tousjours à chascune trente hommes de garde. Il y avoit ung gentilhomme de la ville, nommé messire Geralde Magurin, qui estoit adverty par la Seigneurie de ceste entreprise , et avoit en charge que quant il verroit l'affaire commencé, se devoit mettre en armes et tous ceulx qui tenoient leur party. Ceste cinquiesme charrette vint à passer, laquelle entré, ses six hommes d'armes qui suyvoient commencèrent à crier : « Marco ! Marco ! » Leurs gens de pied se gectèrent à terre et deschargèrent leurs hacquebutes de sorte que chascun tua son homme, car ilz tiroient en bute. Les povres lansquenetz qui se virent surpris furent bien estonnez ; toutesfois ilz se misrent en defifence et sonnèrent l'alarme. Cela leur valut peu, car incontinent que la trompette eust été entendue, la grosse flote va venir faisant ung bruyt merveilleux, en cryant : « Marco! Marco ! Ytalie ! Ytalie ! » D'une autre

148 HISTOIRE DE BAYART

part, ce gentilhomme messire Geraldo Magurin avoit fait son effort en la ville , dont des maisons sortirent plus de deux mil hommes armez, avecques ronçons * et javelines, de façon que les lansquenetz ne sceurent que faire, sinon qu'ilz se serrèrent, et tous ensemble se vont gecter en la place, où ilz se misrent en bataille. Ne demoura guères qu'ilz ne feussent assailliz en deux ou trois lieux ; mais oncques gens ne se deffendirent mieulx, car ilz furent plus de deux heures devant qu'on les sceust rompre. Enfin il vint tant de gens qu'ilz ne peurent plus soutenir le fès. Hz furent ouvers, rompuz et tous mis en pièces, sans que jamais en feust pris ung à mercy, qui fut grosse pitié ; mais ilz vendirent bien leur vie, car d'entre eulx ne peut mourir que ce qui y estoit, mais ilz tuèrent plus de quinze cens hommes, tant de la ville que des gens de guerre. Toutesfois la ville de Padoue fut prise, en laquelle bientost après survint le conte Petilano, qui mist grosse diligence pour la faire ramparer et fortifïier, bien considérant qu'elle feroit bon besoing à la seigneurie. Ces nouvelles vindrent aux oreilles de l'empereur, qui cuyda désespérer, et fist veu à Dieu qu'il s'en vengeroit et que luy-mesmes yroit en personne ; ce qu'il fist. Il escripvit unes lettres au roy de France, qui estoit encores à Milan, que son plaisir feust luy ayder de cinq cens hommes d'armes pour trois moys, à ce qu'il peust mettre les Véniciens à la raison, ce qui luy fut accordé, et s'ensuyvit ce que vous orrez.