Jean de Gonsague, s"^ de Vescovato, frère du cardinal de
quenetz du prince de Hanno, affin que chascune desdictes deux bendes feust secourue du gros camp si besoing estoit. Cela fut trouvé très bon et n'y eut plus que du marcher. Le bon chevalier sans paour et sans reprouche fut ordonné pour les approches, lequel eut en sa compaignie le jeune seigneur de Bucy et les cappitaines la Glayete et la Crote. Or, pour venir devant ceste porte de Vincence, falloit entrer en ung grant chemin droit comme une ligne, où ilz avoient fait quatre grosses barrières à deux cens pas l'une de l'autre, et à chascune avoit à qui combatre. Des deux costez de ce chemin, comme sçavent ceulx qui ont esté en Ytalie, y avoit fossez, parquoy on ne les povoit prendre que par le devant. Sur les murailles de la ville avoient force artillerie, où ilz bat oient sur ce grant chemin par dessus leurs gens à la venue des François, si menu et souvent qu'il sembloit gresle. Nonobstant cela, le bon chevalier et ses compaignons commencèrent à escarmoucher, et vivement vindrent à la première barrière, à laquelle eut fort assault, et y plouvoient les coups de hacquebute; toutesfois elle fut gaignée, et les ennemys repoulsez jusques à la seconde. Si la première fut bien combatue, encores ceste le fut mieulx; et y fut blessé, d'ung coup de hacquebute au bras, le jeune seigneur de Bucy, et son cheval tué soubz luy ; mais nonobstant cela ne fut possible le faire retirer ; et croyez que pour ce jour onc-
Mantoue dont il a été parlé plus haut. Il était fils de Frédéric, marquis de Mantoue, et de Marguerite de Bavière. Il mourut en 1523, âgé de 49 ans.
ques homme ne fîst mieulx que luy. Le cappitaine Millault arriva à ceste seconde barrière avecques cent ou six vingtz de ses rustres qu'il avoit esleuz, lesquelz firent raige. Or il fault entendre que ses approches se faisoient environ midy, parquoy faisoit assez cler pour veoir les mieulx combatans. Une bonne demye heure dura l'assault à ceste seconde barrière, qui enfin fut gaignée, et si vivement suyviz ceulx qui la gardoient qu'ilz n'eurent loisir demourer à la troisiesme, ains leur convint sans combat l'abandonner, et eulx rendre à la quatriesme , où il y avoit mille ou douze cens hommes et trois ou quatre faulconeaux qui commencèrent à tirer le long de ce grant chemin ; mais peu de mal firent, sinon qu'ilz tuèrent deux chevaulx. Geste barrière n'estoit que à ung gect de pierre du boulevart de la ville, qui donnoit grant courage aux gens de la seigneurie de bien combatre, ce qu'ilz firent, car l'assault y dura une heure à coups de picques et de hacquebute. Quant le bon chevalier veit que cela duroit tant, il dist à ses compaignons : « Messeigneurs, ses gens icy nous amusent trop, descendons à pied, et poussons à ceste barrière. » Si descendirent incontinent jusques à trente ou quarante hommes d'armes qui, la veue levée, vont droit à ceste barrière à poux de lance. Ce gentil prince de Hanno estoit tousjours joignant du bon chevalier, et le seigneur de Meillault avecques deux autres, l'ung nommé Grant Jehan le Picart^ et l'autre le cappitaine
1. Le capitaine Grand- Jehan Picard quitta le service du roi de France pour passer à celui de l'empereur, ainsi qu'on le verra plus loin.
Maulevrier*, qui faisoient raige; mais tousjours aux Véniciens venoient gens fraiz. Quoy voyant par le bon chevalier, dist tout hault : « Messejgneurs, ilz nous tiendront tousjours d'icy à six ans en ceste sorte sans riens faire, car ilz se refreschissent de gens à toute heure ; donnons-leur un aspre assault, et puisque chascun face comme moy . » Ce qui luy fut accordé. Sur cela il dist : « Sonne, trompette! » puis comme ung lyon à qui on a osté ses faons, va avecques ses compaignons livrer ung merveilleux assault, tellement qu'il fîst aux ennemys habandonner la barrière de la longueur d'une picque. Alors en cryant : « Avant, compaignons, ilz sont nostres ! » va saulter icelle barrière, et trente ou quarante après luy qui furent fort bien recueilliz. Toutesfois, quant les François virent le dangier où s'estoient mis leurs compaignons, chascun se mist à passer, et cryant : « France ! France ! Empire ! Empire! » firent une telle charge sur leurs ennemys qu'ilz leur firent guerpir la place ; tournèrent le dos et tout habandonnèrent , eulx retirans comme quasi rompuz en la ville. Ainsi furent gaignées les barrières de devant Padoue en plain midy, où les François acquirent gros honneur, tant ceux de cheval que ceulx de pied, mesmement le bon chevalier, à qui chascun en donnoit la gloire. Si furent faictes les approuches, et l'artillerie amenée sur le bort du fossé qui y demeura six sepmaines sans partir et jusques au siège lever, qui fut tel que vous entendrez.
1 . Louis de Brezé, comte de Maulevrier, baron du Bec-Grespin, fils de Jacques de Brezé et de Charlotte de France. Mari de Diane de Poitiers, il fut capitaine de 100 hommes d'armes, grand sénéchal de Normandie, et mourut en 1531.
162! HISTOIRE DE BAYART
