CHAPITRE XXXIV
De la grosse et lourde baterie qui fut devant Padoue, et de la grande berche qui y fut faicte.
Les approuches faictes devant Padoue et l'artillerie assise, chascun se logea en son quartier en trois camps, selon l'ordonnance cy- devant dicte. Et fault entendre qu'il y avoit tant de peuple que ledit camp tenoit de tous costez plus de quatre mille de pays. Et fut une merveilleuse chose que, durant le siège qui fut de deux moys ou environ, les fourrageurs n'allèrent jamais plus loing que de six mille du camp, pour avoir force foings, bledz, avoynes, chairs, poullailles, vins et autres choses nécessaires, tant pour les hommes que pour les chevaulx; et si grande habondance y en avoit que, quant on leva le siège, fut bruslé pour cent mil ducatz de vivres, dont on avoit fait provision, cuydant que plus longuement durast le siège. C'est ung incident, venons à la matière.
Le lendemain des approches commencèrent les canonniers à faire leur devoir, et sans cesser dura huyt jours la baterie, qui fut la plus impétueuse et terrible que cent ans auparavant avoit esté veue, car il y fut tiré des trois camps plus de vingt mille coups d'artillerie. Si l'empereur ou ses gens servoient bien d'artillerie ceulx de la ville, croyez que de leur part rendoient bien la pareille , et beaucoup mieulx ; car pour ung bien qu'on leur faisoit, en rendoient deux. Brief,
ladicte ville fut si bien batue que de toutes les trois berches ne s'en fist que une. Durant ce temps fut pris ung des canonniers de l'empereur, qu'on trouva, en lieu de tirer en la ville, qu'il tiroit contre ses gens, et disoit-l'on que ce seigneur Constantin le luy faisoit faire ; et qui pis estoit , chascun jour advertissoit le conte Petilano de ce qu'il a voit à laire. Je ne sçay s'il estoit vray, mais le canonnier fut mis sur ung mortier et envoyé par pièces en la ville. Il en fut dit assez d'injures audit seigneur Constantin, mais on ne pouvoit prouver le faict sur luy. Le seigneur de la Palisse l'appella lasche et meschant, et qu'il l'en combatroit , mais il ne respondist riens à propos , et en fist sur l'heure l'empereur, qui en estoit coyffé, l'appoinctement. Or, ses trois berches mises en une estoit seullement de quatre à cinq cens pas, qui estoit assez beau passage pour donner l'assault, car, quant aux fossez, ce n'estoit pas grant chose; mais le conte Petilano avoit si bien acoustré la ville par dedans que, s'il y eust eu cinq cens mille hommes devant, ilz ne feussent pas entrez, si ceulx de dedans eussent voulu, et vous déclaireray comment. Derrière la berche, pour entrer en la ville, avoit icelluy conte Petilano fait faire une trenchée ou fossé à fons de cuve*, de la haulteur de vingt piedz et quasi autant de largeur. En icelle avoit fait mettre force fagotz et vieil boys bien enrosez^ de pouldre à canon, et de cent pas en cent pas y avoit boulevart de terre garny d'artillerie, qui tiroient le long de ceste trenchée. Après icelle
1. Fossé à fond de cuve, fossé taillé à pied droit de chaque côté et fortifié d'un revêtement en maçonnerie.
