Mais que, dès que
rons, s'il vous plaist, et nous laisserez quelques gens avecques nous. — Je le veulx bien, dist-il. Petit- Jehan de la Vergne^ et telz et telz, jusques au nombre de six hommes d'armes et dix ou douze archiers, vous feront compaignie. » En devisant sur ce propos, vont adviser ses Albanoys et arbalestriers descendre du chasteau qui sembloient aller aux nopces et faire aussi beau butin comme ilz avoient fait depuis deux jours ; mais il leur alla bien autrement comme vous orrez. Quant ilz furent passez, Bonnet alla droit au pont avecques ses gens, et le bon chevalier, avecques le reste de sa compaignie, s'en alla droit au passage où l'espie le mena , qui si bien le guyda qu'en moins de demye heure l'eut rendu en la plaine, où on eust veu ung homme à cheval de six milles loing. Si vont adviser environ la portée d'une longue couleuvrine leurs ennemys, qui marchoient le chemin de Vincence, où ilz pensoient trouver leur proye. Le bon chevalier appella le bastard du Fay^, son guydon, et luy dist : « Gappitaine, prenez vingt de voz archiers et allez à ses gens-là escarraoucher. Quant ilz vous verront si petit nombre, ilz vous chargeront, n'en faictes doubte. Tournez bride, faisant de l'effrayé et les amenez jusques icy où je vous attendray à la coste de ceste montaigne, et vous verrez beau jeu. » Il ne lui convint pas dire deux fois, car il sçavoit le mestier de la guerre le possible. Si commencea à marcher tant qu'il fut apperceu des ennemys. Le cappitaine Scandrebec,
1. C'est probablement celui qui figure dans la montre de la compagnie de Bayart sous le nom de Jehan de la Bergnie.
2. Antoine du Fay, gentilhomme de Dauphiné, fils naturel d'Hector du Fay, s' de Ghapteuil et de Peyraut.
174 HISTOIRE DE BAYART
joyeulx de ceste rencontre, commencea à marcher fièrement avecques ses gens, tant qu'ilz apperceurent les François aux croix blanches. Si commencèrent à les charger cryant : « Marco ! Marco ! » Le bastard du Fay, qui sçavoit sa leçon par cueur, commencea à faire l'effrayé et à se mettre au retour. Il fut vivement poursuivy et de façon qu'il fut rembarré jusques à l'embusche du bon chevalier, qui avecques ses gens, l'armet en teste et l'espée au poing, comme un lyon vint donner dedans en escryant : « France ! France ! Empire ! Empire ! » De ceste première charge, y eut de ses ennemys portez par terre plus de trente : le premier assault fut dur et aspre , mais enfin les Albanoys et les arbalestriers se misrent en fuyte , le grant galop, cuydans gaigner Bassan dont ilz scavoient fort bien le chemin. S' ilz faisoient leur devoir de courir, les François faisoient devoir de chasser; toutesfois trop bien alloient les chevaulx légiers, et eust le bon chevalier perdu sa proye, n'eust esté ce pont que gardoit Bonnet, lequel avecques son compagnon Mypont et les gens qu'ilz avoient, deffendirent le passage aux ennemys, de façon que le cappitaine Scandrebec congneut bien qu'il falloit combatre ou fuyr à l'adventure, ce qu'ilz aymèrent mieulx eslire, et se misrent en fuyte à bryde abatue; mais si bien furent les esprons chaussez qu'il fut pris soixante Albanoys et trente arbalestriers avecques les deux cappitaines. Le demourant s'en alla à travers pays vers le Trevizan. En la compaignie du bon chevalier, puis* six jours, avoit esté fait archier ung jeune gentilhomme du
