CHAPITRE XXXVL

D'une course que fist le bon chevalier sans paour et

sans reprouche, où il fut pris soixante Albanoys et trente arbalestriers.

Trois ou quatre jours après ceste course, qu'avoient faicte ensemble les cappitaines la Crote, la Clayete et [le] bon chevalier, il fut adverty par ung de ses espies que dedans ung chasteau, appelle Bassan, c'estoit retiré le cappitaine Scandrebec et ses Albanoys avecques quelques autres gens de cheval arbalestriers, soubz la conduicte du cappitaine Rynaldo Contarin, gentilhomme padouan, et que chacun jour ilz faisoient courses sur ceulx qui venoient au camp et sur les lansquenetz qui retournoient en Almaigne, pour saulver le bestail qu'ilz avoient gaigné sur les ennemys^ tellement que depuis deux ou trois jours en avoient deffaict plus de deux cens et recouvert plus de quatre ou cinq cens beufz et vaches qu'ilz avoient retirez dedans ce chasteau de Bassan ; et que, si par ung matin se vouloit rencontrer en ung passage au pied d'une montaigne au dessoubz dudit chasteau, ne fauldroit point à les trouver. Le bon chevaher, qui tousjours avoit trouvé l'espie véritable et aussi l'avoitil enrichy de plus de deux cens ducatz, délibéra y aller sans en parler à personne ; car il luy estoit bien advis, veu qu'il avoit entendu qu'ilz n'estoient pas plus de deux cens chevaulx-légiers en tout, qu'il les defferoit bien avecques ses trente hommes d'armes, qui estoient tous gens d'eslite. Toutesfbis, il avoit encores

1 . Le pillage, en enrichissant les soldats, occasionnait de continuelles désertions. — Les lansquenets retournaient par troupes en Allemagne, emportant le fruit de leurs larcins et surtout des bestiaux dérobés aux paysans.

172 HISTOIRE DE BAYART

huyt OU dix gentilzhommes avecques luy, et lesquelz estoient venuz en sa compagnie pour leur plaisir au camp de l'empereur, seulement pour l'amour qu'ilz portoient au bon chevalier, et eulx avecques sa compagnie n'estoient pas gens pour estre deffaictz en peu d'heures. Il leur conta son entreprinse, sçavoir s'ilz en vouloient estre ; c'estoit leur vie et ne demandoient autre chose, parquoy, une heure devant jour, par ung samedy, ou mois de septembre, montèrent à cheval et firent bien quinze mille tout d'une traicte jusques à ce qu'ilz viensissent au passage où l'espie les mena ; mais se fut si couvertement qu'oncques ne furent apperceuz; et si cela estoit aussi près du chasteau que la portée d'ung canon. Là s'embuschèrent, où guères ne furent qu'ilz ouyrent une trompette au chasteau qui sonnoit à cheval, dont ilz furent bien resjouyz. Le bon chevalier demanda à l'espie, à son advis, quel chemin ilz prendroient ; il respondit : « Quelque part qu'ilz vueillent aller, il fault par force qu'ilz passent par dessus ung petit pont de boys qui est à ung mille d'icy, que deux hommes garderoient contre cinq cens. Mais^ qu'ilz ayent passé ce pont, vous envoyerez de voz gens quelque peu pour le garder qu'ilz ne retournent au chasteau, et je vous meneray par le derrière de ceste montaigne à ung passage que je sçay; si ne fauldrez point à les rencontrer en la plaine, entre cy et le palais de la royne de Ghippre. — C'est bien advisé, dist le bon chevalier. Qui demourera à ce pont? » Le seigneur de Bonnet dist : « Mon compaignon Mypont et moy le garde-