Ce que ouy, ce qui eut lieu

tenoit qui la rendit incontinent que son oncle eut parlé à luy. Le bon chevalier et tous ceulx de sa compagnie y montèrent et trouvèrent plus de cinq cens beufs et vaches, et force autre butin, qui fut égallement party tant que chascun fut content. Le bestail fut mené vendre à Vincence. Hz firent très-bien repaistre leurs chevaulx, et y repeurent aussy, car trouvèrent assez de quoy. Le bon chevaher fist seoir à sa table les deux cappitaines véniciens , et comme ilz achevoient de disner, vecy arriver le petit Bontières qui venoit veoir son cappitaine et amenoit son prisonnier, lequel estoit deux fois aussi hault que luy et aagé de trente ans. Quant le bon chevalier le veit, se print à rire, et dist aux deux cappitaines véniciens : « Messeigneurs, ce jeune garson qui estoit paige n'a pas six jours, et n'aura barbe de trois ans, qui a pris vostre enseigne; c'est ung gros cas, car je ne sçay comment vous faictes, mais nous autres François ne baillons pas voulentiers noz enseignes, sinon aux plus suffisans. » L'enseigne vénicien eut honte et se veit à ceste occasion fort abaissé de son honneur ; si dist en son langaige : « Par ma foy ! cappitaine, je ne me suis pas rendu à celluy qui m'a pris par paour de luy, car luy seul n'est pas pour me prendre prisonnier, j'eschapperoye bien de ses mains et de meilleur homme de guerre que luy, mais je ne povoye pas combatre vostre troppe moy seul. » Le bon chevalier regarda Bontières, auquel il dist : « Escoutez que dit vostre prisonnier, que vous n'estes pas homme pour le prendre. » Le jeune enfant fut bien marry, et comme courroucé respondit : « Monseigneur, je vous supplie m'accorder ce que je vous demanderay. — Ouy vrayement, dist le bon chevalier; qu'esse? — C'est,

178 HISTOIRE DE BAYÂRT

dist-il, que je rebailleray à mon prisonnier son cheval et ses armes et je monteray sur le mien ; nous yrons là-bas; si je le puis conquérir encores une fois, soit asseuré de mourir, et j'en fais veu à Dieu, et s'il se peult eschapper je lui donne sa rançon. » Jamais le bon chevalier ne fut plus ayse de propoz, et dist tout hault : < Vrayement, je le vous accorde. » Gela ne servit de riens, car le Vénicien ne voulut pas accepter l'offre, dont il n'eut guères d'honneur, et, par le contraire, le petit Bontières beaucoup. Après disner, le bon chevalier et les François remontèrent à cheval et retournèrent au camp, où ilz emmenèrent leurs prisonniers. De ceste belle prise fut bruyt plus de huyt jours , et en fut donné grande louenge au bon chevalier par l'empereur et par tous les Almans, Hennuyers et Bourguignons : mesmement le bon seigneur de la Palisse en fut tant aise que merveilles, auquel fut compté le tour qu'avoit fait le petit Bontières et l'offre qu'il avoit faicte à son prisonnier. S'il en fut ris partout le camp, ne fault pas demander. Bien dist le seigneur de la Palisse qu'il congnoissoit de longue main la rasse de Bontières, et que de ceste maison estoient tous gaillars gentilzhommes. Ainsi alla de ceste adventure au bon chevalier sans paour et sans reprouche pour ceste fois.