CHAPITRE XXXVII

Comment V empereur délibéra donner VassaultàPadoue^ et r occasion pourquoy il demoura.

Vous avez entendu cy devant comment l'artillerie

de l'empereur, du duc de Ferrare et marquis de Manthoue, avoient fait trois berches, toutes mises en une qui contenoient demy-mille ou peu s'en failloit; ce que par ung matin l'empereur, accompaigné de ses princes et seigneurs d'Almaigne, alla veoir, dont il s'esmerveilla; et se donnoit grant honte, au nombre de gens qu'il avoit, que plus tost n'avoit fait donner l'assault, car jà y avoit trois jours que les canonniers ne tiroient que à pierre perdue en la ville, pour ce que à l'endroit où ilz estoient n'y avoit plus de muraille. Parquoy luy, revenu à son logis qui estoit distant de celluy du seigneur de la Palisse d'ung gect de boulle seulement, appella ung sien secrétaire françois auquel il fist escripre unes lettres audit seigneur qui estoient en ceste substance : « Mon cousin, j'ay à ce matin esté veoir la berche de la ville, que je trouve plus raisonnable qui vouldra^ faire son devoir. J'ay advisé, dedans aujourd'huy, y faire donner l'assault. Si vous prie que, incontinent que mon grant tabourin sonnera, qui sera sur le midy, vous faictes tenir prestz tous les gentilzhommes françois qui sont soubz vostre charge à mon service par commandement de mon frère le roy de France, pour aller audit assault avecques mes piétons, et j'espère, avecques l'ayde de Dieu, que nous l'emporterons. » Par le mesme secrétaire qui avoit escripte la lettre, l'envoya au seigneur de la Palisse, lequel trouva assez estrange ceste manière de procéder. Toutesfois il en dissimula. Bien dist au secrétaire : « Je m'esbays que l'empereur n'a mandé mes compaignons et moy pour plus asseuréement délibérer