CHAPITRE XXXVIII

Comment Vempereur se retira du camp de devant Padoue quant il congneut que ses Almans ne voun loient pas donner Vassault,

Il ne fault pas demander si l'empereur fut bien

1 . Christophe, comte de Rockandorf ; il entra au service du roi de France et fut gentilhomme de sa chambre. Une quittance qu'il donna en cette qualité est conservée à la Bibliothèque nationale (Ms. f. 26110, n» 815).

courroucé quant il eut entendu le bon vouloir des cappitaines françois, et que ses gens d'Almaigne ne vouloient riens faire pour luy, dont de ceste oppinion n'estoit pas le gentil prince de Hanno, qui ne demandoit autre chose, et s'offrit à l'empereur, et pareillement se vint excuser et présenter aux cappitaines françois. Entre autres cappitaines, qu'il avoit parmy ses bendes y en avoit ung qu'on nommoit le cappitaine Jacob ^ qui depuis fut au service du roy de France, et mourut à la journée de Ravenne, comme vous entendrez, lequel chascun jour alloit escarmoucher avecques les François, et de hardiesse et de toute honnesteté estoit accomply à merveilles ; mais ces deux Almans ne povoient pas satisfaire à tout. L'empereur, enflé de courroux et fascherie, lendemain, deux heures devant jour, sans bruyt faire, acompaigné de cinq ou six cens chevaulx de ses plus privez serviteurs, deslogea de son camp et s'en alla tout d'une traicte à trente ou quarante mille de là, tirant en Almaigne , et manda au seigneur Constantin, son lieutenant général, et au seigneur de la Palisse, qu'ilz levassent le camp le plus honnestement qu'il seroit possible. Chascun s'esbahyt assez de ceste façon de faire, mais on n'en eut autre chose. Les cappitaines tant françois, almans que bourguignons, eurent conseil ensemble, où ilz conclurent lever le siège, qui estoit assez fascheux et malaisé, pour avoir six ou sept vingtz pièces d'artillerie devant la ville, et n'y avoit pas d'esquipage pour en mener la moytié.

1 . Jacob Empser, dont il sera question plus d'une fois encore dans le cours de cette chronique, capitaine de lansquenets, tué à la bataille de Ravenne.

186 HISTOIRE DE BAYART

Les François furent ordonnez à tenir escorte tant que l'artillerie seroit levée ; mais le gentil prince de Hanno, qui assez congnoissoit la turpitude de sa nation, avecques sa bende, qui estoit de sept à huyt mille hommes, ne partit oncques d'auprès de l'artillerie, qui luy fut tourné à gros honneur, car depuis le matin au point du jour jusques à deux heures de nuyt convint tenir bataille ^ et si on mangea ce ne fut guères à son aise, car d'heure en autre y avoit chaulx et aspres alarmes, parce que ceulx de la ville faisoient force saillies et grosses, aussi qu'il convenoit mener une partie de l'artillerie ou camp où on alloit loger, puis la laisser là, et ramener les chevaulx et beufz quérir le demourant. Sans perte nulle des gens de l'empereur ny des François se leva le siège. Ung grand mal y eut que les lansquenetz misrent le feu en tous leurs logis, et partout où ilz passoient. Le bon chevaher par charité fist demourer sept ou huyt de ses hommes d'armes en ung beau logis où il s'estoit tenu durant le siège, pour le sauver du feu, jusques à ce que lesditz lansquenetz fussent passez oultre ; et vous asseure que telz boutefeux ne lui plaisoient guères. De camp en camp vint l'armée jusques à Vincence, où là envoya l'empereur quelque présent au seigneur de la Palisse et à tous les cappitaines françois, selon sa puissance, car il estoit assez libéral, et n'estoit possible trouver ung meilleur prince s'il eust eu de quoy donner. Ung mal avoit en luy, qu'il ne se fioit en personne, et tenoit à part luy ses entreprinses si secrètes que cela luy a porté beaucoup de dommage en sa vie.