Qu'en, tant en

par joyeuseté, car assez congnoissoit ses compaignons qu'il n'y avoit celluy qui ne feust ung autre Hector ou Rolant , et sur tous le bon chevalier qui oncques en sa vie ne s'estonna de chose qu'il veist ne ouyst. Durant le disner ne firent que se gaudir les ungs des autres. Tousjours en vouloit ledit seigneur de la Palisse au seigneur d'Ymbercourt, qui luy rendit bien son change en toutes parolles d'honneur et de plaisir. Je croy que vous avez ouy nommer cy-devant tous les cappitaines françois qui estoient là ensemble, mais je croy qu'en toute la reste de l'Europe on n'en eust pas encores trouvé autant de la sorte. Après le disner on fist sortir tout le monde de la chambre, excepté les cappitaines, à qui le seigneur de la Palisse communicqua la lettre de l'empereur, qui fut leue deux fois pour mieulx l'entendre; laquelle ouye, chascun se regarda l'ung l'autre en riant, pour veoir qui commenceroit la paroUe. Si dist le seigneur d'Ymbercourt : « Il ne fault point tant songer ! Monseigneur, dist-il au seigneur de la Palisse, mandez à l'empereur que nous sommes tous prests ; il m'ennuye desjà aux champs, car les nuytz sont froides, et puis les bons vins commencent à nous faillir; » dont chascun se print à rire. Il n'y eut celluy de tous les cappitaines qui ne parlast devant le bon chevalier, et tous s'accordoient au propos du seigneur d'Ymbercourt. Le seigneur de la Palisse le regarda et veit qu'il faisoit semblant de se curer les dens, comme s'il n' avoit pas entendu ce que ses compaignons avoient proposé. Si luy dist en riant : « Hé ! puis, l'Hercules de France, qu'en dictes vous ? Il n'est pas temps de se curer les dens , il fault respondre à ceste heure promptement à

182 HISTOIRE DE BAYART

l'empereur. » Le bon chevalier, qui tousjours estoit coustumier de gaudir, joyeusement respondit : « Si nous voulons trestous croyre monseigneur d'Ymbercourt, il ne fault que aller droit à la berche; mais pour ce que c'est ung passe-temps assez fascheux à hommes d'armes que d'aller à pied, je m'excuserois fort voulentiers. Toutesfois, puisqu'il fault que j'en dye mon oppinion, je le feray. L'empereur mande en sa lettre que vous faciez mettre tous les gentilzhommes françois à pied pour donner l'assault, avecques ses lansquenetz. Demoy, combien que je n'aye guères des biens de ce monde, toutesfois je suis gentilhomme ; tous vous autres, messeigneurs, estes gros seigneurs et de grosses maisons, et si sont beaucoup de noz gens d'armes. Pense l'empereur que ce soit chose raisonnable de mettre tant de noblesse en péril et hazart avecques des piétons dont l'ung est cordoannier, l'autre mareschal, l'autre boulengier, et gens mécanicques, qui n'ont leur honneur en si grande recommandation que gentilzhommes; c'est trop regardé petitement, sauf sa grâce à luy. Mais mon advis est que vous, monseigneur, dist-il au seigneur de la Palisse, debvez rendre response à l'empereur qui sera telle : c'est que vous avez fait assembler voz cappitaines suyvant son vouloir, qui sont très-délibérez de faire son commandement selon la charge qu'ilz ont du roy leur maistre, et qu'il entend assez que leurdit maistre n'a point de gens en ses ordonnances qui ne soient gentilzhommes ; de les mesler parmy gens de pied qui sont de petite condition, seroit peu fait d'estime d'eulx, mais qu'il a force comtes, seigneurs et gentilzhommes d'Almaigne; qu'il les face mettre à

pied avecques les gens d'armes de France, et voulentiers leur monstreront le chemin , et puis ses lansquenetz les suyvront s'ils congnoissent qu'il y face bon. » Quant le bon chevalier eut dicte son oppinion, n'y eut autre chose réplicqué, mais fut son conseil tenu à vertueux et raisonnable. Si fut à l'empereur rendu ceste response, qu'il trouva très honneste. Si fist incontinent et tout soubdainement sonner ses trompettes et tabourins pour assembler son trayn, où se trouvèrent tous les princes, seigneurs et cappitaines tant d'Almaigne, Bourgongne et Haynault. Lesquelz assemblez, l'empereur leur déclaira comment il estoit délibéré d'aller dedans une heure donner l'assault à la ville, dont il avoit adverty les seigneurs de France, qui tous estoient fort désirans d'y très bien faire leur debvoir, et qu'ilz le prioient que avecques eulx allassent les gentilzhommes d'Almaigne, ausquelz voulentiers pour eulx mettre les premiers monstreroient le chemin. « Parquoy, messeigneurs, je vous prie, tant que je puis, les y vouloir acompaigner et vous mettre à pied avecques eulx , et j'espère avecques l'ayde de Dieu du premier assault nous emporterons noz ennemys. » Quant l'empereur eut achevé son parler, soubdainement se leva un bruyt fort merveilleux etestrange parmy ses Almans, qui dura une demye heure avant qu'il feust appaisé; puis l'ung d'entre eulx, chargé de respondre pour tous, dist qu'ilz n'estoient point gens pour eulx mettre à pied ny aller à une bersche, et que leur vrai estât estoit de combatre en gentilzhommes, à cheval. Et autre responce n'en peut avoir l'empereur; mais combien qu'elle ne feust pas selon son désir et ne luy pleust guères, il

1 84 fflSTOiRE DE BAYART

ne sonna mot, sinon qu'il dist : « Bien, messeigneurs, il fauldra doncques adviser comment nous ferons pour le mieulx ; » et puis sur l'heure appella ung sien gentilhomme nommé Rocandolf^ qui d'heure en autre venoit parmy les François comme ambassadeur, et à vray dire la pluspart du temps estoit avecques eulx , auquel il dist : « Allez au logis de mon cousin le seigneur de la Palisse, recommandez-moy à luy et à tous messeigneurs les cappitaines françois que trouverrez avecques luy, et leur dictes que pour ce jourd'huy ne se donnera pas l'assault. » Il alla faire son message, et chascun par ce moyen s'en alla désarmer, les ungz joyeulx, les autres marrys. Je suis bien asseuré que les prestres n'en furent pas trop aises, car il leur fut besoing rendre ce qu'on leur avoit baillé en garde. Je ne sçay comment ce fut ne qui en donna le conseil ; mais la nuyt après ce propos tenu, l'empereur s'en alla tout d'une traicte à plus de quarante mille du camp, et de ce logis-là manda à ses gens qu'on levast le siège ; ce qui fut fait comme vous entendrez.