CHAPITRE XXXIX

Comment le bon chevalier sans paour et sans reprouche, estant à Véronne, fist une course sur les Véniciens, où il fut prins et rescoux^ deux fois en ung jour, et quelle en fut la fin.

Le bon chevalier sans paour et sans reprouche fut ordonné en garnison à Véronne avecques trois ou quatre cens hommes d'armes que le roy de France presta à l'empereur, ou peu de temps après ceulx qui estoient pour ledit empereur à Vincence, congnoissans que la ville n'estoit pas pour tenir, s'en vindrent retirer audit Véronne, parce que les Véniciens estoient fors aux champs et marchoient pour y venir mettre le siège ; mais quand ilz la virent habandonnée , tirèrent leur armée jusques à ung village nommé