Recoux, recouvré
Sainct-Boniface ^ à quinze ou dix-huyt mille dudit Véronne. G'estoit sur le temps de l'yver, et convenoit aux souldars qui estoient dedans la ville envoyer au fourrage pour leurs chevaulx aucunes fois bien loing, tellement que bien souvent se perdoient des varletz et des chevaulx, tant qu'il fut besoing leur donner escorte ; mais il n'estoit guères jour qu'ilz ne rencontrassent les ennemys, et se frotoient très bien l'ung l'autre. De la part des Véniciens y avoit un cappitaine fort gentil galant et plein d'entreprinses, qui s'appelloit Jehan-Paule Moufron^, lequel chascun jour faisoit courses jusques aux portes de Véronne, et tant y continua qu'il en fascha au bon chevalier, lequel se délibéra, au premier jour que les fourrageurs yroient aux champs, luy-mesmes leur aller faire escorte et user de quelque subtilité de guerre. Mais si secrètement ne le peut faire que par ung espie qui se tenoit à son logis n'en feust adverty le cappitaine Moufron ; parquoy délibéra, quant il yroit aux champs, mener si bonne force que, s'il rencontroit le bon chevalier, luy feroit recevoir de la honte. Ung jeudy matin furent mis les fourrageurs hors de Véronne, et à leur queue trente ou quarante hommes d'armes et archiers, que conduisoit le cappitaine Pierrepont, lieutenant dudit bon chevalier, qui estoit sage et advisé. Si se gectèrent à l'escart du grant chemin pour aller chercher les cassines et faire leurs charges ^ Le bon chevalier, accompaigné de cent
i . San-Bonifacio, province de Vérone.
2. Jean-Paul Manfroni, un des meilleurs capitaines de cavalerie d'Italie à cette époque.
3. Pour chercher les fermes et y faire leur chargement de foin.
hommes d'armes, qui ne pensoit point estre descouvert, s'estoit allé gecter en ung village sur le grant chemin appelle Sainct- Martin S à six mille dudit Véronne, et envoya quelques coureurs pour descouvrir, qui guères ne furent loing sans veoir leurs ennemys en nombre de cinq cens chevaulx ou environ, lesquelz marchoient droit vers ceulx qui alloient en fourrage. Hz en vindrent faire leur rapport audit bon chevalier, qui en fut fort joyeulx, et incontinent monta à cheval avecques la compaignie qu'il avoit, pour les aller trouver. Le cappitaine Jehan-Paule Moufron qui par l'espie avoit esté adverty de l'entreprise, avoit fait embuscher en ung palais près de là cinq ou six cens hommes de pied, picquiers et hacquebutiers, ausquelz il avoit très bien chanté leur leçon, et entre autres choses qu'ilz n'eussent à sortir jusques à ce qu'ilz le verroient retirer, et que les François les chasseroient, car il feroit semblant de fuyr, et par ce moyen ne fauldroit point à les enclore et defifaire. Le bon chevalier qui s'estoit mis aux champs ne fist pas deux milles qu'il ne veist à cler les ennemys ; si commencea à marcher droit à eulx , et en cryant « Empire et France ! » les voulut aller charger. Hz firent quelque contenance de tenir bon, mais quant ilz les virent approucher, commencèrent à eulx retirer le long d'ung chemin et droit à leur embusche, laquelle ilz trespassèrent^ d'ung peu, et alors s'arrestèrent tout court et en criant : « Marco ! Marco ! » se mirent en défense vaillamment. Les gens de pied sortirent de
\. San-Martino-Buonalhergo, province de Vérone. 2. Trespassèrent, dépassèrent.
190 HISTOIRE DE BAYART
leur embusche, qui firent ung merveilleux cry et vindrent ruer sur les François en tirant force hacquebutes, dont d'ung coup fut tué le cheval du bon chevalier entre ses jambes, qui tumba si mal à point que ung de ses piedz tenoit dessoubz. Ses hommes d'armes, qui pour mourir ne l'eussent jamais laissé là, firent une grosse envahie S et en descendit l'ung à pied qu'on appelloit Grantmont^, lequel gecta son cappitaine de ce péril; mais quelques armes qu'ilz feissent ne leur peurent de tant servir que tous deux ne demourassent prisonniers parmy les gens de pied qui les vouloient désarmer. Le cappitaine Pierrepont qui estoit avecques les fourrageurs ouyt le bruyt, si y courut le grant galop incontinent, et vint en si bonne heure qu'il rencontra son cappitaine et Grantmont en dur party ; car desjà les tiroit-on hors de la presse pour les emmener à sauveté. Il ne fault pas demander s'il fut joyeulx; car, comme ung lyon, frappa sur ceulx qui les tenoient, lesquelz soubdain habandonnèrent leur prise et se retirèrent à leur troppe qui combatoit contre le reste des François furieusement. Le bon chevalier et Grantmont furent incontinent remontez et s'en retournèrent droit au secours de leurs gens qui avoient beaucoup à souffrir, car ilz estoient assailliz devant et derrière ; mais à la revenue dudit bon chevalier et du cappitaine Pierrepont furent beaucoup soulagez. Toutesfois le jeu estoit mal party, car les Véniciens estoient quatre contre ung, et puis
