Isola délia Scala, à 5 lieues S. de Vérone

196 HISTOIRE DE BAYART

la vraye médecine qu'ilz portent pour le mal qui les tient c'est ung cordeau. Or ce galant promist au cappitaine Jehan-Paule Moufron qu'il sçauroit bien faire le cas. Si s'en vint incontinent à Véronne, droit au logis du bon chevalier, car léans estoit assez congneu de tous les serviteurs, pour [ce] qu'ilz cuydoient certainement qu'il feust totallement au service de leur maistre. Hz le luy amenèrent ainsi qu'il achevoit de soupper, lequel incontinent qu'il le veit luy fist ung fort bon recueil et luy dist : « Vizentin, tu soyes le bien venu ! tu ne viens pas sans cause ; quelles nouvelles? » Lequel respondit : « Très bonnes, monseigneur, Dieu mercy! » Si se leva incontinent le bon chevalier de table, et tira l'espie à part, pour sçavoir que c'estoit. Il luy compta de point en point le faict et le luy fist trouver si bon qu'oncques homme ne fut plus joyeulx. Si commanda qu'on menast soupper Vizentin et qu'on luy fist grosse chère ; puis après tire à part le cappitaine Pierrepont, le cappitaine la Varenne qui portoit son enseigne, le bastard du Fay et ung cappitaine de Bourgongne, qui ce soir souppoit avecques luy, qui s'appelloit monseigneur de Sucre ^ ausquelz il compta ce que l'espie lui avoit dit, et comment le cappitaine Jehan Paule Moufron se retiroit dedans Lignago le lendemain et ne menoit que trois cens chevaulx, parquoy, s'ilz se vouloient monstrer gentilz compaignons, son voyage ne s'achèveroit point sans coup ruer^, et que la matière requéroit

1. Probablement Hannotin de Sucker dont il est question plus haut au chap. X.