CHAPITRE XL

Comment le bon chevalier cuyda estre trahy par un espie qui avoit promis au cappitaine Jehan Paule

' Moufron le mettre entre ses mains, et ce qu'il en advint.

Sept ou huyt jours après ceste belle course, le cappitaine Jehan-Paule Moufron, bien desplaisant de ce que si lourdement avoit esté batu et repoussé, ses gens mors et perduz, sans aucunement et moins que

riens avoir dommage ses ennemys, délibéra se venger en quelque sorte que ce feust. Il avoit ung espie, lequel alloit et venoit souvent de Véronne à Sainct- Boniface et servoit à luy et au bon chevalier, donnant à entendre à chascun des deux qu'il ne taschoit que à leur faire service; mais tousjours ont ses espies le cueur à l'ung plus que à l'autre beaucoup, comme cestuy-mesmes avoit au cappitaine Moufron, qui par ung jour qu'il eut ung peu pensé à son affaire, luy dist : « Il faut que tu ailles à Véronne, et donnes à entendre au cappitaine Bayart que la seigneurie de Venise a escript au providadour qu'il m'envoye dedans Lignago pour la garde de la place, pour ce qu'on envoyé quérir le cappitaine qui y est pour l'envoyer jen Levant avecques ung nombre de gallères ; que tu scez certainement que je partiray demain au point du jour avecques trois cens chevaulx légiers, et que de gens de pied je n'en mène point. Je suis asseuré qu'il a le cueur si hault qu'il ne me laissera jamais passer sansTne venir escarmoucher, et s'il y vient, j'espère qu'il ne s'en retournera point qu'il ne soit mort ou pris, parce que je mèneray deux cens hommes d'armes et deux mille hommes de pied que je feray embuscher à Yzolle de l'EscalleS vers lequel lieu, s'il me vient veoir, veulx estre rencontré, t'advisant que si tu scez bien faire ta charge, te prometz ma foy donner cent ducatz d'or. » Les espies, comme chascun scet, ne sont créez que par dame avarice et aussi ont-ilz pour ce bien ung autre prison, car de six qu'on en prent s'il en eschappe ung doit bien louer Dieu, car