Gorgiase, belle, magnifique

200 HISTOIRE DE BAYART

au matin deux mille de ses lansquenetz, et nous les mènerons avec nous le beau pas, et les laisserons quelque part en embusche, où, avant que tout soit desmeslé, si ne voyez merveilles, prenez-vous-en à moy. Le cappitaine Sucre part incontinent et s'en alla droit au logis du prince, qui jà dormoit. Il le fist esveiller, puis alla parler à luy et luy compta tout ce que vous avez ouy cy dessus. Le gentil prince qui n'aymoit riens tant que la guerre, et entre tous gentilzhommes avoit prins une telle amour au bon chevalier pour sa prouesse, que la chose eust esté bien estrange quant il l'en eust reffusé ; si dist qu'il estoit bien desplaisant que plus tost n' avoit sceu ceste entreprinse, car luy-mesme y feust allé, mais que de ses gens le bon chevalier en povoit mieulx disposer que luy-mesmes ; et sur l'heure envoya son scribe en advertir quatre ou cinq cappitaines, qui furent, pour faire le compte court, aussi prestz au point du jour que les gens d'armes qui l'avoient sceu dès le soir ; et se trouvèrent à la porte quant et ^ les gens d'armes, qui donna tiltre d'esbahyssement au seigneur de Conty, car riens ne luy en avoit esté mandé le soir. Si s'enquist au bon chevalier que ce povoit estre, lequel luy déclaira bien au long tout le démené^. « Sur ma foy, dist le seigneur de Conty, se Dieu veult, nous ferons aujourd'huy une belle chose. » La porte ouverte, se misrent en chemin vers Yzolle de l'Escalle. Le bon chevalier dist à Sucre : « Il fault que vous et les lansquenetz demourez embuschez à Servode (c'estoit ung