Tout le démené, tout ce qui était arrangé

PAR LE LOYAL SERVITEUIl. SlOt

petit village à deux mille d'Yzolle), et ne vous souciez point, car je vous attireray noz ennemys jusques à vostre nez; parquoy aurez aujourd'huy assez d'honneur, si vous estes gentil compaignon. » Comme il fut dit ainsi fut fait; car, arrivez audit village, les lansquenetz demourèrent en embusche, et le bon chevalier, le seigneur de Conty et leur troppe s'en vont vers Yzolle, faignant ne sçavoir riens de ce qui estoit dedans. Gela regardoit en une belle plaine, où de tous costez on veoit assez loing. Si vont choisir* le cappitaine Moufron avecques quelques chevaulx légiers. Le bon chevalier y envoya son guydon, le bastard du Fay, avecques quelques archiers pour les ung petit escarmoucher, et luy marchoit après le beau pas, avecques les gens d'armes. Mais il ne fut guères loing, quant il veit saillir de la ville d'Yzolle de l'Escalle les gens de pied de la Seigneurie et une troppe d'hommes d'armes. Il fîst ung peu l'estonné, et dist à la trompette qu'il sonnast à l'estendart. Quoy oyant par le bastard du Fay, selon la leçon qu'il avoit, se retira avecques la grosse troppe, qui se serrèrent très bien, et faignans d'eulx retirer droit à Véronne, s'en vont le petit pas vers ce village où estoient leurs lansquenetz ; et desjà estoit allé ung archier dire au cappitaine Sucre qu'il sortist en bataille. La gendarmerie de la Seigneurie, qui à leur esle avoient ceste troppe de gens de pied, chargoient menu et souvent les François, et faisoient tel bruyt qu'on n'eust pas ouy Dieu tonner, pensant entre eulx que ce qu'ilz

1 . Il y a très-probablement ici une faute d'impression ; il faudrait peut-être : Si voient venir.

202 fflSTOIRE DE BAYÂRT

voyoient ne leur povoit eschapper. Les François ne se desrotoient^ point et escarmouchoient sagement, de façon qu'ilz furent près de Servode à ung ject d'arc, où ilz apperceurent les lansquenetz qui venoient le beau pas et tous serrez, lesquelz se vont descouvrir aux Véniciens qui furent bien estonnez. Le bon chevalier dist alors : « Messeigneurs , il est temps de charger; » ce que chacun fist, et donnèrent dedans les Véniciens qui se monstrèrent gens de bien. Toutesfois il en fut beaucoup porté par terre. Leurs gens de pied ne povoient fuyr, car ilz estoient trop loin de saulveté^. Hz furent pareillement chargez des lansquenetz dont ilz ne peurent porter le fès, et furent ouvers, renversez et tous mis en pièces, sans en prendre ung prisonnier, ce que veit devant ses yeulx le cappitaine Jehan-Paule Moufron, qui très bien faisoit son debvoir. Toutesfois il congnoissoit assez que, s'il ne jouoit de la retraicte, il seroit mort ou prins. Si commencea se retirer le grant galop vers Sainct- Boniface, où il y avoit bonne traicte. Il fut assez bien suyvy ; mais le bon chevalier fist sonner la retraicte, parquoy tout homme s'en revint, mais ce fut avecques gros gaing de prisonniers et de chevaulx ; le butin y fut fort beau. Les Véniciens y firent grosse perte, car tous leurs deux mille hommes de pied et bien vingtcinq hommes d'armes y moururent, et y en eut environ soixante de prisonniers, qui furent menez à Véronne, où les François, Bourguignons et lansquenetz furent receuz joyeusement de leurs compaignons, lesquelz