CHAPITRE PREMIER

Comment le seigneur de Bayart, père du bon chevalier sans paour et sans reproche, eut vouloir de sçavoir de ses enfans de quel estât Hz vouloient estre.

Au pays de Daulphiné que possède présentement le roy de France, et ont fait ses prédécesseurs, depuis sept ou huyt vingtz ans que ung Daulphin YmbertS qui fut le derrenier, leur en fîst don, y a plusieurs bonnes et grosses maisons de gentilzhommes, et dont il est sorty tant de vertueux et nobles chevaliers que le bruyt en court par toute la chrestienté ; en sorte que tout ainsi que l'escarlate passe en couleur toutes autres tainctures de draps, sans blasmer la noblesse d'autre région, les Daulphinois sont appeliez par tous ceulx qui en ont congnoissance, l'escarlate des gentilzhommes de France^. Entre lesquelles maisons est celle de Bayart, de ancienne et noble extraction, et bien

1. Humbert II, dernier dauphin de la famille de la Tour du Pin, céda la province de Dauphiné au roi de France le 16 juillet 1349; il fut nommé peu après par le pape patriarche d'Alexandrie, puis archevêque de Paris. Son sceau comme patriarche d'Alexandrie porte la légende s. segretvm. hymberti. patriarche, alexan- DRmi. DALFiNi. viENENSis. ANTiQviORis. Scs sccaux autéricurs portent tous son nom écrit hvmberti.

2. Notre auteur est le premier qui, à notre connaissance, se soit servi de cette comparaison entre l'écarlate et les autres couleurs pour qualifier la noblesse du Dauphiné. Depuis lors elle a été souvent employée. .U

4 HISTOIRE DE BAYART

l'ont, ceulx qui en sont saillis, monstre; car à la journée de Poictiers , le terayeul du bon chevalier sans paour et sans reprouche mourut aux piedz du roy de France Jehan; à la journée de Grécy, son bysayeul; à la journée de Montlehery demoura sur le champ son ayeul avecques six plaies mortelles, sans les autres; et à la journée de Guignegaste fut son père si fort blessé que oncques puis ne peut guères partir sa maison, où il mourut aagé de bien quatre vingts ans ^ Et peu de jours avant son trespas, considérant, par nature qui ja luy deffailloit, ne pouvoir pas faire grant séjour en ce mortel estre, appella quatre enfans qu'il avoit, en la présence de sa femme, dame très dévote et toute à Dieu, laquelle estoit seur de l'évesque de Grenoble, de la maison des Alemans. Ainsi, ses enfans venuz devant luy, à l'aisné demanda, qui estoit en l'aage de dix huyt à vingt ans, qu'il vouloit devenir ; lequel respondit qu'il ne vouloit jamais partir de la maison, et qu'il le vouloit servir sur la fin de ses jours. <r Et bien ! dist le père, Georges, puisque tu aymes la maison, tu demoureras icy à combatre les ours. » Au second, qui a esté le bon chevaher sans paour et sans reproche, fut demandé de quel estât il vouloit estre ; lequel, en l'aage de treize ans ou peu plus, esveillé comme ung esmérillon, d'ung visage riant respondit

i. L'énumération du Loyal Serviteur, en ce qui concerne les membres de la famille Terrail morts sur les champs de bataille, n'est ni exacte ni complète. Philippe Terrail, trisaïeul de Bayart, fut tué à la bataille de Poitiers en 1356; ses deux fils, Jean et Pierre, périrent, le premier à Verneuil en 1424, le second à Azincourt en 1415; Pierre, aïeul de Bayart, mourut à la bataille de Montlhéry en 1465; enfin Aymon, son père, fut dangereusement blessé à GuinegaSe en 1479.

comme s'il eust eu cinquante ans : « Monseigneur mon père, combien que amour paternelle me tiengne si grandement obligé que je deusse oublier toutes choses pour vous servir sur la fin de vostre vie, ce néantmoins, ayant enraciné dedans mon cueur les bons propos que chascun jour vous récitez des nobles hommes du temps passé, mesmement de ceulx de nostre maison, je seray, s'il vous plaist, de Testât dont vous et voz prédécesseurs ont esté, qui est de suyvre les armes, car c'est la chose en ce monde dont j'ay le plus grant désir, et j'espère, aydant la grâce de Dieu, ne vous faire point de déshonneur. » Alors respondit le bon vieillart en larmoyant : « Mon enfant. Dieu t'en doint la grâce ! jà ressembles-tu de visage et corsage à ton grant père, qui fut en son temps ung des acomplis chevaliers qui fust en chrestienté : si mettray peine de te bailler le train pour parvenir à ton désir. » Au tiers demanda quel moyen il vouloit tenir; il respondit qu'il vouloit estre de Testât de son oncle, monseigneur d'Esnay*, ung abbaye près Lyon. Son père le luy accorda, et l'envoya par ung sien parent à son dit oncle qui le feit moyne ; et depuis a esté, par le moyen du bon chevalier son frère, abbé de Jozaphat, aux faulxbourgz de Chartres. Le dernier respondit de mesme sorte, et dist qu'il vouloit estre comme son oncle monseigneur de Grenoble, à qui il fut pareillement donné, et peu après le fist charioyne de l'église

1 . Ainay, abbaye de l'ordre de Saint-Benoît, fondée à Lyon sur les bords de la Saône : elle existait déjà au vi» siècle. L'abbé d' Ainay était Théodore Terrail, fils de Pierre Terrail, s' de Bernin; il gouverna cette abbaye de 1457 à 1505. Il n'était pas oncle de Bayart, mais son cousin assez éloigné.

6 HISTOIRE DE BAYART

Nostre-Dame ; et depuis, par le mesme moyen que son frère le moyne fut abbé, il fut évesque de Glandesves en Provence ^ Or, laissons les autres trois frères là, et revenons à l'histoire du bon chevalier sans paour et sans reprouche, et comment son père entendit à son affaire.