CHAPITRE II

Comment le père du bon chevalier sans paour et sans reprouche envoya quérir son beaur-frère V évesque de Grenoble pour parler à luy, parce qu'il ne pouvoit ^plus partir de la maison.

Après le propos tenu par le père du bon chevalier à ses quatre enfans, et parce qu'il ne pouvoit plus chevaucher, envoya ung de ses serviteurs le lendemain à Grenoble, devers l'évesque son beau-frère ^, à ce que son plaisir feust, pour aucunes choses qu'il avoit à luy dire, se vouloir transporter jusques à sa maison de

1. Les deux frères de Bayart qui embrassèrent l'état ecclésiastique furent successivement évoques de Glandèves : Philippe, de 152... à 1532, et Jacques, de 1532 à 1535.

2. Laurent I Alleman, fils d'Henri Alleman, s'' de Laval, frère d'Hélène Alleman, mère de Bayart. Il fut élu évêque de Grenoble en 1478, transféré au siège d'Orange, puis revint à Grenoble en 1484 et y mourut en 1518. « Ledict noble Pierre Terrail, dit « Ghampier {Les gestes du preux chevalier Bayard, 1525, fol. xni), « dès son enfance fut nourri par son père en toutes vertus et « tenu aux escolles à Grenoble par sondit oncle, seigneur et évêque « dudit lieu. » Cette affirmation de Ghampier est sujette à caution ; il est douteux en effet que Bayart sût autre chose que signer son nom, car il n'existe de lui aucun autographe authentique.

BayartS distant dudit Grenoble cinq ou six lieues; à quoy le bon évesque, qui oneques en sa vie ne fut las de faire plaisir à ung chascun, obtempéra de très bon cueur. Si partit, incontinent la lettre receue, et s'en vint au giste en la maison de Bayart, où il trouva son beau-frère en une chaire auprès du feu, comme gens de son aage font voulentiers. Si se saluèrent l'ung l'autre et firent le soir la meilleur chère qu'ilz peurent ensemble, et en leur compaignie plusieurs autres gentilzhommes du Daulphiné qui estoient là assemblez ; puis, quant il fut heure, chascun se retira en sa chambre, où ilz reposèrent à leur aise jusques à lendemain matin qu'ilz se levèrent, ouyrent la messe que ledit évesque de Grenoble chanta ; car voulentiers disoit tous les jours messe, s'il n'estoit mal de sa personne, et pleust à Nostre Seigneur que les prélatz de présent feussent aussi bons serviteurs de Dieu et aussi charitables aux povres qu'il a esté en son temps ! La messe ouye, convint laver les mains et se mettre à table, où de rechief chascun fist très bonne chière, et y servoit le bon chevalier tant sagement et honnestement que tout homme en disoit bien. Sur la fin du disner, et après grâces dictes, le bon vieillart seigneur de Bayart conmiencea ainsi ces parolles à toute la compaignie : « Monseigneur et messeigneurs, l'occasion pourquoy vous ay mandez est temps d'estre déclairée, car tous estes mes parens et amys ; et jà

1. Les ruines du château de Bayart se voient encore aujourd'hui au sommet d'une colline aux environs du village de Pontcharra, dans le Graisivaudan. Il avait été construit par le bisaïeul du bon chevalier auquel le gouverneur du Dauphiné en avait donné l'autorisation en 1404 (Arch. de l'Isère).

O HISTOIRE DE BAYART

voyez-vous que je suis par vieillesse si oppressé qu'il est quasi impossible que sceusse^ vivre deux ans. Dieu m'a donné quatre fîlz, desquelz de chascun ay bien voulu enquérir quel train ilz veulent tenir; et entre autres m'a dit mon fils Pierre qu'il veult suyvre les armes, dont il m'a fait ung singulier plaisir, car il ressemble entièrement de toutes façons à mon feu seigneur de père, vostre parent, et si de conditions il luy veult aussi bien ressembler, il est impossible qu'il ne soit en son vivant ung grant homme de bien, dont je croy que ung chascun de vous, comme mes bons parens et amys, seriez bien aises. Il m'est besoing, pour son commencement, le mettre en la maison de quelque prince ou seigneur, afin qu'il appreigne à se contenir honnestement, et quant il sera ung peu plus grant, apprendra le train des armes. Si vous prie, tant que je puis, que chascun me conseille en son endroit le lieu où je le pourray mieulx loger. » Alors dist l'ung des plus anciens gentilzhommes : « Il fault qu'il soit envoyé au roy de France. » Ung autre dist qu'il seroit fort bien en la maison de Bourbon ; et ainsi d'ung en autre n'y eut celluy qui n'en dist son advis. Mais l'évesque de Grenoble parla et dist : « Mon frère, vous sçavez que nous sommes en grosse amytié avecques le duc Charles de Savoy e, et nous tient du nombre de ses bons serviteurs ; je croy qu'il le prendra voulentiers pour ung de ses paiges. Il est à Chambéry, c'est près d'icy : si bon vous semble, et à la compaignie, je le luy mèneray demain au matin, après l'avoir très bien mis en ordre et garny d'ung bas et