Le cardinal d'Amboise mourut le 25 mai

206 HISTOIRE DE BAYART

bler, avec les gens de l'empereur, pour marcher sur le pays desVéniciens et essayer de les mettre à la raison. Le roy d'Espaigne avoit puis peu de jours envoyé au secours de l'empereur, soubz la charge du duc deTermes ^ , quatre cens hommes d'armes espaignolz et néapolitains qu'il faisoit merveilleusement bon veoir, mais pour ce qu'ilz estoient travaillez^ on les envoya séjourner dedans Véronne. Le camp, tant de l'empereur que du roy de France, marcha jusques à un^ lieu nommé Saincte-Groix, où il séjourna quelque temps, car on pensoit que l'empereur voulsist descendre, mais non fist. Durant ce camp la chaleur fut par trop véhémente, et pour ce fut, de la pluspart de ceulx qui y estoient, appelle le Gamp-Ghault. Au desloger de là et près d'ung gros village appelle Longare ^, y eut une merveilleuse pitié ; car comme chascun s'en estoit fuy pour la guerre, en une cave qui estoit dedans une montaigne, laquelle duroit ung mille ou plus, c' estoient retirez plus de deux mille personnes, tant hommes que femmes, et des plus apparens du plat pays, qui y avoient force vivres et y avoient porté quelques harnois de guerre et des hacquebutes pour deffendre l'entrée, qui les vouldroit forcer, laquelle estoit quasi imprenable, car il n'y pouvoit venir que ung homme de fronc. Les adventuriers, qui sont voulentiers coustumiers d'aller piller, mesmement ceulx qui ne vallent riens pour la

1. Le duc de Termini, mort à Givita Gastellana en 1512 (Guichardin, 1. X, ch. 3).