Cronicqué, mentionné dans les chroniques

2. Yves II d'Alègre, baron d'Alègre, conseiller, chambellan du roi, gouverneur de la Basilicate et de Bologne. Il épousa Jeanne de Ghabannes et fut tué à Ravenne (1512). Son sceau, conservé à la Bibl. nat. (Gab. des titres, vol. 32, n» 29), porte la légende SEEL YVES d'aleqre autour d'un écu à ses armes.

et chasteau pris, et mis à mort tout ce qui estoit dedans, ou la pluspart. En ceste prise le seigneur de Molart et ses aventuriers se portèrent fort bien, et y eurent gros honneur, car ilz n'eurent jamais le loisir d'attendre que la berche fust raisonnable pour y donner l'assault. Le seigneur de Ghaumont y commist pour la garder le cappitaine la Crote avec cent hommes d'armes, dont il avoit la charge soubz le marquis de Montferrat, et mil hommes de pied soubz deux cappitaines, l'un nommé l'Hérisson, et l'autre Jacomo, corse-néapolitain.

Durant ce siège de Lignago, eut nouvelles le seigneur de Ghaumont de la mort de son oncle, le légat d'AmboiseS où il fit une grosse et lourde perte, car il avoit esté moyen de l'eslever es honneurs où il estoit, et pareillement avoit fait avoir de grans biens à tous ceulx de sa maison, tant en l'église que autrement, car c'estoit tout le gouvernement du roy de France Loys XIP et du royaulme. Il avoit esté ung très sage prélat et homme de bien en son temps et ne voulut jamais avoir que ung bénéfice, et à son trespas estoit seulement arche vesque de Rouen; il en eust eu assez d'autres s'il eust voulu. Ceste piteuse mort porta le seigneur de Ghaumont dedans son cueur aigrement, car il ne vesquit guères après, combien que devant les gens n'en monstroit pas grant semblant et n'en laissoit à bien et sagement conduire les affaires de son maistre.

Quant il eut donné ordre à Lignago, s'en vint assem-