Tirèrent ceste part, allèrent de ce côté
208 HISTOIRE DE BAYART
du jour mist peine de trouver ceulx qui en avoient esté cause, desquelz il en prist deux, dont Tung n'avoit point d'oreilles et l'autre n'en avoit que une*. Il fist si bonne inquisition de leur vie que par le prévost du camp furent menez devant ceste crote, et par son bourreau penduz et estranglez, et y voulut estre présent le bon chevalier. Ainsi, comme ilz faisoient cet exploict, quasi par miracle va sortir de ceste cave ung jeune garson de l'aage de quinze à seize ans, qui mieulx sembloit mort que vif et estoit tout jaulne de la fumée. Il fut amené devant le bon chevalier, qui l'enquist comment il s'estoit sauvé. Il respondit que quant il veit la fumée si grande, il s'en alla tout au fin bout de la cave, où il disoity avoir une fente du dessus de la montaigne, bien petite, par où il avoit pris l'air; et dist encores une piteuse chose, c'est que plusieurs gentilzhommes et leurs femmes, quant ilz s'apperceurent qu'on vouloit mettre le feu, vouloient sortir, et congnoissant aussi bien qu'ilz estoient mors ; mais les villains qui estoient avecques eulx et beaucoup les plus fors ne le voulurent jamais consentir et leur venoient au devant avecques la poincte des ronçons en disant qu'ilz mourroient aussi bien que eulx, et ainsi les povres gens furent assailliz du feu et des leurs mesmes.
De ce lieu de Longare marcha le camp droit à Montselles, que les Véniciens avoient repris et remparé, et dedans logé mille ou douze cens hommes. En chemin furent rencontrez par les seigneurs d'Alègre et le bon
1. L'essorillement était un des châtiments infligés aux malfaiteurs.
chevalier, avecques le seigneur Mercure ^ et ses Albanoys, qui estoit pour lors à l'empereur, quelques chevaulx légiers de ceulx de la Seigneurie, qu'on appelloit Corvaz^, et sont plus turcs que chrestiens, lesquelz venoient veoir s'ilz gaigneroient quelque chose sur le camp ; mais ilz firent mauvais butin, car tous ou la pluspart y demeurèrent et furent bien ung quart d'heure prisonniers. Entre lesquelz le seigneur Mercure va congnoistre le cappitaine, qui estoit, ainsi qu'il dist depuis, son cousin germain, et l'avoit gecté de son héritage en Corvacie, lequel il tenoit et occupoit par force et estoit le plus grant ennemy qu'il eust en ce monde. Si luy vint à ramentevoir ^ toutes les meschancetez qu'il luy avoit faictes et que à présent estoit bien en luy d'en prendre vengeance. L'autre dist qu'il estoit vray, mais qu'il avoit esté pris en bonne guerre et que par raison devoit sortir en payant rançon selon sa puissance, dont il offroit six mille ducatz et six beaulx et excellens chevaulx turcs. « Nous parlerons de cela plus à loysir, dist le seigneur Mercure, mais, par ta foy ! si tu me tenoys ainsi comme je te tiens, que feroys-tu de moy ? » Lequel respondit : « Puisque si fort me presses que de ma foy, je t'advise que, si tu estoys en ma mercy comme je suis en la tienne, tout l'or du monde ne te sauveroit pas que je ne te feisse mettre en pièces. — Vrayement, dist le seigneur Mercure, je ne te feray pas pis. » Si commanda à ses Alba-
4. Mercurio Rona, capitaine de cent cavaliers albanais. Une quittance du 17 juin 1506 (Bibl. nat. Ms. f. 26110, n" 704) porte sa signature et son sceau.
